التسجيل والقبول

ملاك الثلج

31-01-2022 - 02:25 pm

السلام عليكم
سمعت الفاجعه لا مو الفاجعه إلا المصيبه الكبرى في التاريخ
جامعة الملك عبدالعزيز تقبل بس الي نسبهم فوق 94 والي اقل من باي باي
يعني طوالي حيحولونا في كلية التربيه
اما انا شويه وحتجنن عقلي احس ان مو في راسي

التعليقات (9)

NIEC DREAM

31-01-2022 - 04:41 pm

ههه
أحمدي ربك قبلوكي في الكليه احنا فوق الاربع والتمانين ولاقبلونا لا جامعه ولاكليه
حسبي الله عليهم
انا كونت اسمع ان الوظايف اللي ماتنلقي دحين حتى الدراسه ماتنلقي
يعني كونا احسن من غيرنا ندرس وناخد مكافأت ودحين هما يبغووا نعطيهم حسبي اله عليهم

شوووكلاته

31-01-2022 - 05:42 pm

لأ انتي غلطتي في العنوان
الي نسبهم اقل من 94 ونص ماينقبلون في جامعه الملك عبدالعزيز حتى الي نسبتها 94 فاصله 49 مايقبلوها
لازم تكون 94 فاصله خمسين وفوق
وكليات التربيه فوق 86

&لجونة&

31-01-2022 - 06:43 pm

حسبي اللة ونعم الوكيل فيهم

عروسة بحر جده

31-01-2022 - 07:44 pm

الله ياخذها من جامعه انانسبتي 92 وماقبلوني ايش السالفه

دلــــ جدة ــــع

31-01-2022 - 08:45 pm

من جد حسبي الله عليهم حتى انا ماقبلوني ومره زعلانه جبت 90.50
والله حالتي ماتسر ابد
وهذا شعاري او عبارتي في المسن (( ياليت كبار الجامعه يناظروا دموعنا ))
والله ماعلينا غير الدعاء
وربي انشاء الله يكون معانا

الألماسة الزرقاء

31-01-2022 - 09:46 pm

حسبي الله عليهم حطوا البنات كلهم انتساب عشان ياخذوا فلوس 3000 في الترم
الله لا يبارك لهم انا بسجل في الجامعه المفتوحه

بنت العقيده2007

31-01-2022 - 10:47 pm

ياخواتي وانا مثلكم والله احس نفسي كأني في السبعين مو في التسعين
حسبي الله ونعم الوكيل

موية بحر18

31-01-2022 - 11:48 pm

حتى انا 92.97 وماقبلوني في الجامعه حسبي الله عليهم ونعم ا لوكيل

ღ°• FuLl MoOoN •°ღ

01-02-2022 - 12:49 am

اختى راحت قبل التقديم تسال العميده علشان بنته
قالت له احنا محددين المقاعد والبقيه يدخلون بفلووس
فاكيد وقفوو لهل نسبه لان جاهم الحد اللي يبغوونه
الغريبه احنافي مكه في كل قسم 500 طالبه وقالوو انهم يقبلوو للثمانين
لكن في الانجليزي والفني وقفوو لتسعين علشان جاهم بنات اكثر من العدد اللي يبغونه
يلا الله يوفقنا ويسهل طريقنا

كليات الأهليه←
مين تعرف تخصصات العلوم الطبية في جامعة الملك عبدالعزيز→