وش رايكم بتفكيري ترا ماابقا شي تعبت يابنات بكرا التسجيل يبداء

قمر الفراشات

03-07-2022 - 06:50 am

اهلين
كيفكم
طبعا انا اتابعكم بس قليله بمشركاتي:(
بس حبيت اخذ رايكم لان تعبت من التفكير والخووف
انا حلمي من زمان ادخل علم نفس او اجتمااع
بس محد شجعني والكل يقول ماله مستقبل شرايكم بهالكلام؟؟؟؟؟؟؟؟؟؟؟
ونسبتي الحمدلله تدخلني القسم الي ابغاه
ايش رايكم اتوكل على الله واسجل بجامعة فيصل الي بالاحساء علم اجتماع او نفس؟؟؟
انا الدمام سااكنه
والي داخله هالتخصص كيف صعب ولالا؟؟
ولقت وظيفه ؟؟؟
وايش يعني كلية خدمة المجتمع؟؟؟
وكلية العلوم الاداريه؟؟؟هالتخصص موجود بجامعه فيصل ويقبل نسبتي بس مو عارفه ايش هو؟؟
طبعا عارفين ان بالشرقيه مافي تخصص اداره اعمال الا على حسابي
وانا ماابغا ادخل على حسابي وعندي نسبه تخلني القسم الي ابغاه
الحين جاء فبالي اني اتوكل على الله وادخل علم نفس او اجتماع
ولمى اخلص دراسه اخذ دبلوم ادارة اعمال شرايكم؟؟؟؟؟
كذا ضربت عصفورين بحجر دخلت التخصص الي نفسي فيه واذا توظفت الحمدلله والف شكر لربي
ماتوظفت لاسمح الله اخذ دبلوم اداره
ابغا رايكم
نسبتي 84 ادبي وتراني مو رااعية مذاكره لاعابه مرره
تكفوون ردو ترا اول مره اخذ رايكم بشي :(
ومابقا شي على التسجيل؟.؟

التعليقات (7)

يلوموني بروحي

03-07-2022 - 09:57 am

اهلين قمر ...
ايش رايكم اتوكل على الله واسجل بجامعة فيصل الي بالاحساء علم اجتماع او نفس؟؟؟
انا رايي ادخلي وتوكلي على الله بس استخيري اول
واذا انت تحبين علم النفس او الاجتماع وهذا كان حلمك من زمان خلاص هذا اهم شي
واذا عالوظيفه الحين مافي وظايف ابد ... موبس المجال هذا
تبين رايي ... لاتسمعين كلام احد ( اقصد باحد الناس يعني بس اسمعي كلام اهلك ) سوي الي براسك وبس بس فكري واستخيري واستشيري امك وابوك ...
والوظيفه اذا تخرجتي ربك يسهل ...
والي داخله هالتخصص كيف صعب ولالا؟؟
ولقت وظيفه ؟؟؟
ماادري بس حسب مااسمع يمكن صعب ... ماودي اخوفك
ترى كل الاقسام تحتاج مذاكره ومحد بيقول سهل صح في تفاوت في مستوى الصعوبه بس مافي شي سهل
بس تاكدي واسالي وحده مجربه
وايش يعني كلية خدمة المجتمع؟؟؟
يعني في بنفس جامعة فيصل تدرسين على حسابك وبنت خالي تدرس فيه
وحتى جامعة الملك سعود في كلية خدمة المجتمع
وكلية العلوم الاداريه؟؟؟هالتخصص موجود بجامعه فيصل ويقبل نسبتي بس مو عارفه ايش هو؟؟
كلية العلوم الادارية من اقسامها ادارة الاعمال و المحاسبه و اداره عامه و اقتصاد و اعتقد عندكم تسويق
ماادري يمكن انتوا بالشرقيه ماعندكم اداره اعمال ... بس كلية العلوم الاداريه حلوه
حبيبتي اتمنى اكون ساعدتك بشي .. والله يوفقك ..
واذا سجلتي بشرينا

قمر الفراشات

03-07-2022 - 10:58 am

ياقلبي انتي مشكوره حبيبتي
طيب
الحين احترت
اذا ابي اسجل بكلية العلوم الاداريه وعلم اجتماع وبنفس الجامعه عاادي ولالا لازم احدد واحد؟؟
اخااف اخذ علم نفس مايقبلوني
واخااف اخذ علوم اداريه ومايقبلوني وش اسوي
وانا محتاره بالقسمين ذولاء؟؟؟؟؟؟
وكيف اقدر اشتغل بالمستشفى لازم اكمل الدكتوراه؟؟؟؟؟؟؟؟؟؟؟؟؟
مثلا مشرفه اجتماعيه
او دكتوره نفسيه

يلوموني بروحي

03-07-2022 - 11:59 am

اخااف اخذ علم نفس مايقبلوني
واخااف اخذ علوم اداريه ومايقبلوني وش اسوي
وانا محتاره بالقسمين ذولاء؟؟؟؟؟؟
اتوقع القبول فوري والا ...
اذا ماكان فوري بيخلونك تسجلين رغباتك ..اذا ما قبلوك بالرغبه الاولى ... ياخذون الثانيه ..
واذا ماصارت الثانيه ياخذون الثالثه
بس اتوقع قبول فوري
واذا رحت بيقولون لك عندك الاقسام هذي هي الي فيها مجال
..........
وكيف اقدر اشتغل بالمستشفى لازم اكمل الدكتوراه؟؟؟؟؟؟؟؟؟؟؟؟؟
لامو لازم عادي ممكن مثلا مشرفه اجتماعيه في مستشفى
بس دكتوره نفسيه ...هذي غير لازم تكونين دارسه طب
...........
هذا اللي اعرفه ... ان شاالله لقيتي اللي تبينه
قمر.. ياربي والله ذكرتيني بنفسي قبل سنتين يوم تخرجت من الثانوي وكيف كنت محتاره
وكل وحده تقولي شي ... ايام لاتنسى
اي اساله ثانيه انا بالخدمه

قمر الفراشات

03-07-2022 - 01:00 pm

ياحياتي والله تسلمين ماقصرتي
وانتي وش قررتي ودخلتي؟؟؟؟؟؟؟
يختي بنت عمي قبل شوي تقوولي نصيحه مجرب لاتدخلين كلية الاداب ماهي زينه ابد هي السنه الي فاتت سنه اولى وسحبت ملفها على طول ماتحملت خراب ومعامله زفت
وانا كنت متئمله اخر شي افكر فيه اذا مانقبلت بدخل الاداب:(
ياربي بس
انا بتوكل على الله وبسجل علم اجتماع او نفس
وبعدين علوم اداريه
ويارب يوفقني تكفون ادعولي بليز:(

راعية فزعه

03-07-2022 - 02:01 pm

هلا فيكي قمر الفراشات
وربي اذا شفت ردوودك كأني اشووف نفسي
بس انا اخذت قراري وراح ادخل ادارة اعمال
مع ان نسبتي مره زينه 96 بس الكل قاالوا ان الاقسام الجديده مرغوبه
وانشالله بكره رايحه الجامعه اسجل
ادعوالي

قمر الفراشات

03-07-2022 - 03:02 pm

اهلين حبيبتي
اداره اعمال بالدمام؟؟؟
على حسابك صح؟؟

يلوموني بروحي

03-07-2022 - 04:03 pm

قمر ... وش صار عليك ؟؟؟
سجلتي ؟؟؟
الله يوفقك يارب ..

كيف ادرس الماجستير←
تفضلوا يابنات معهد الادارة→