التشيز كيك المقلوب ولاأروع من كذا منقول

منقول من منتدى عالم حواء
وعجبتني الطريقه
انا جربت كذا طريقة لتحضير التشيز كيك .. تختلف في المقادير وتتفاوت في صعوبة وسهولة تحضيرها ..
مرات تنجح معي ومرات تخيب..
لين اكتشفت احسن واسهل واحلى طريقة لتحضيره ..
وسميتها : التشيز كيك المقلوب ..
راح تعرفو بعدين ليه سميتها كذا ..
طبعاً المكون الاساسي لها في جميع الطرق 3 طبقات :
طبقة بسكوت مع زبدة
والطبقة الثانية خليط الجبن ..
والثالثة : الصوص (ياكرز يافراولة ياتوت الخ)..
والصوص فيه منه جاهز وفيه اللي تقدرين تحضرينه بالبيت ..
بعلمكم اول شي كيف نحضر صوص التشيز كيك بالبيت ..
وراح يكون بالفراولة ..
خذي فراولة مجمده تقريبا مقدار كوبين منها ..
كأس سكر ..
ملعقة كبيرة عصير ليمون ..
حطي المقادير كلها على نار هادئه .
لين تطبخ وتصير عليها فقاعات
وحركيها بين فتره وفترة .. واضغطي على حبة الفراولة وانتي تحركين .. راح تلاقينها تتفتت ..
واتركيها فترة لين تحسين الصوص تقلص حجمه وصار مركز
بالضبط زي فكرة المربى ..
اذا برد الصوص ..حطيه ببرطمان .. ودخليه الثلاجه لين يبرد ..
خلصنا من الصوص ..
نجي لطبقة البسكويت ..
مقدار علبة ونصف من بسكويت الشاهي المطحون .. واصبع زبدة نخلطهم مع بعض..
طبقة الجبن :
8 حبات جبن كيري ..
علبة قشطة ..
مغلفين دريم ويب ..
5 ملاعق حليب نستله المركز المحلى ..
نخفق الكريمة لين يتضاعف حجمها
ونضيف عليها بعدين باقي المقادير..
بعد ماخلصنا تحضير الطبقات الثلاثة ..
نجيب كوب بلاستيك زي اللي بالصورة ونغلفه من جوى بتغليفة شفافة
نحط اول طبقة الصوص ..
بعدين طبقة الجبن
آخر شي طبقة البسكوت ..
ونسكر الكوب بالبلاستيك ...
وحطها بالثلاجه مدة 3 ساعات ..
واذا كنتي مستعجلة حطيها بالفريزر ساعه ..
لما تجين تقدمينها ..
تجيبين صحن وتقلبين الكوب عليه .. (بالضبط زي فكرة الكريم كراميل)
وشوي شوي تشيلين المغلف البلاستيكي من عليها ..
وشوفي كيف راح تطلع لك ..
مرتبة وتجنن ...
مو بس كذا ..
الا طعمها خيالي وربي ماأبالغ انها اخف وألذ تشيز كيك ذقتها للحين ..
بقى معي شوية بسكوت وصوص ..
تدرون وش سويت فيهم ..!!
خلطتهم مع بعض وحطيت شوية جوز مفروم .. وكورتهم وقلبتهم في جوز هند ملون ..
زي كذا ..
ختاماً....
بالعافية على قلوبكم..