التوفي ماضبط تعالي عندي

السلام عليكم ورحمة الله وبركاته
المهم انا اول مرة انزل موضوع فتقبلوني
واعذروني ما اعرف انزل صور
حيا الله طباخاتنا جميعا
طبعا انتم عارفين التوفي اللي نصلحة ونحطه على الحلا اما حلا قهوة او حلا عشاء وعارفين طريقته انا صراحة جتني عقدة منه
واي حلا فيه توفي انحاش عنه
احداهن تقول:احيانا نتجمع عليه انا وامي وخواتي عشان نصلحة كاننا في عملية فصل توامين
اللي تحرك بسرعة واللي تحط القشطة واللي تصب شوي موية وتنتبه للنار
المهم مالكم بالطويلة
ولاتشيلون هم التوفي بعد اليوم
قالت لي وحدة طريقة
وظلت حبيسة عندي
لاني نعقدت من التوفي كله
في احدى المرات قلت بصلح حلا فيه توفي
وبجرب طريقتها
وفعلا جربت الطريقة
ياهي خيال بشكل ماتتصورون
وازيدكم من الشعر بيت
انكم تقدرون تحطونها في علبة بلاستيك وتسكرونها والى الثلاجة ومتى مابغيتي توفي طلعي وصلحي
الى الطريقة.........
كاس سكر
ربع كاس ماء
تحطينها في قدر على النار حتى يذوب السكر ويصير لونها بني فاتح
نجي للسر الان....
في اثناء مايكون القدر على النار تكونين منقعة علبة القشطة في ماء حار
ثم تطلعين القشطة من الماء بحيث انك يالله تفتحينها من حرارتها وتكبينا على السكر وتحكين على نار خفيفة
واستمتعي باحلا توفي
اذا ضبط معك لاتنسين تدعين ربي يحفظ لي ولدي ويعافيه