الحائره

السلام عليكم ورحمة الله وبركاته
كيف حالكم ياعزيزاتي ..
ابغى منكم طلب بسيط ابغاكم تحلو معايه مشكلتي قبل لا اتصرف غلط ..
انا مملكة لي تقريبا ثلاثه شهور
مشكلتي ان زوجي مايهتم فيني واتصالاته لي قليله مره
اول كان يجيني الحين بطل يتحجج في شغله
مااقولك انه مايهتم فيني اثناء المقابله لا بالعكس هو يبين لي حبه لي كثير وهذا اللي مصبرني عليه
بس المشكله تنتهي المقابله ولا كأنه صاير شي بينا يعني المكالمات قليله مرره واذا كلمنا بعد مدة المكالمه ماتتجاوز العشر دقايق ومايبين لي حبه اثناء المكالمه
يعني اغلب المكالمات مافيها ولاكلمة وحده تدل على حبه لي
حاولت كثير قعدت ارسل واقله دايم كلام حب وماأشوف منه شي
بصراحه انا تعبت كثير مكالماته قليله مره ورسايله نادره حاسه ان علاقتنا مو مثل غيرنا من الأزواج
واللي يحطمني اكثر ان الحريم دايم يقولوا لي ان هالفتره احلى الايام انا مااشوف فيها اي حلاه
ودايم اقوله انت قاطع ومن هالكلام المصيبه انه يعترف ويقول ايه انا قاطع واحيانا يجيب لي اعذار واهيه احسه بارد معايا
بصراحه تعبت وانا خايفه كثير من هالزواج لدرجه ابكي ماابغى يجي هاليوم
وكل مايجيني الا وانا باجمل صوره ومهتمه بشكلي كثير يعني ماادري وش اللي قاصرني علشان يسوي كذا
شوفوا لي حل بصراحه نفسيتي عدم
وعلى فكره احنى نحب بعض من زمان وجاه اتقدملي كذا مره وماصار النصيب والحين اتقدملي والحمدلله تم كل شي
بس ماادري اشبي صرت طول الوقت افكر في الطلاق مع نفسي مني عارفه ايش اسوي ...