الحب المستحيل رواية رومانسية خيالية

الفصل الثااني
راكان مع صاحبه عماد بمجس الرجال /
راكان وعماد : ههه
عماد : والله قهرتني خليتها تولي ومشيت
راكان : انت ماتترك سوالفك وخرابيطك هذي ؟
عماد : لا خلنا ننبسط بهالدنيا وش وراانا
راكان : ههه انت ماوراك شي بس انا وراي الباب
عماد : انت وراك الباب وانا وراي النافذه ههه (( بدوا يستهبلون ))
راكان : ههه شفت الدكتور اليوم يوم طاح خ
عماد : احسن والله يستاهل والله كل شوي ( يقلد صوته الخشن ) اسكت انت معه
راكان : ههه بصراحة انت مصختها معه
عماد : يولي ماعلي منه خليه يسوي اللي يبغا
راكان : الله انت مو هامك شي ابد .. الا هالماصخ فصول ماجا ؟؟
عماد : ماادري عنه قوم بس نطلع احسن تأخرنا
راكان : اووكي بس وين بنروح هالمره
عماد : ماعليك اظبطك مكان كله دلع ههه بنات × بنات
راكان : هذا اللي مقطع قلبك
عماد : ههه اسمع من يتكلم ماكأنك مطيح بالنت وهالماسنجر
راكان : احلف عاد .. انا مااعندي خرابيط مثلك
عماد : أي هين
:::::::::::::::::::::::::::::::::
بالمجمع
ام عبدالله : اوه ياندوو تعبت بروح انا اجلس بهالكراسي وانتي كملي
ندى : يالله هذا للي ماابغاه لو جاية مع ريووم احسن لي
ام عبدالله : امشي بس اجلسي معي ودقي على عبدالله
ندى : انا لا ويه وين اجلس .. شايفتني عجووز قدامك .. بروح اكمل شوبينغ وبعدين بدق عليه
ام عبدالله : احترمي نفسك اا معي الروماتيزيوم مو كبرت وعجزت
ندى : ( تهز راسه بالنفي ) امزح معك يالغالية ماكنت اقصد المهم انا رايحة اكمل قبل لا يسكرون للصلاة وراجعة على طول
ام عبدالله : انتبهي لنفسك ولا تتأخرين بسرعة
ندى : طيب ماما
اتجهت للمصعد تبغا روح للدور الثاني شافت 2 من الشباب طالعين من المصعد ( الأصنصير ) راكان .. وعماد
طلعوا ودخلت .. وضغطت 2 وتسكر الباب
عماد / ياحلاتها تذبح
راكان / وانت شايفها علشان تحكم كلها اسود بأسود
عماد / تكفي بس عيونها وجسمها
راكان / ( بأستغراب ) امداك هالحين شفت عيونها
عماد / ههه خبره افا عليك
راكان / ههه
عماد / وشرايك نروح فوق نشوفها وين
راكان / انا بس بشوف آخرتها معك
ودخلوا المصعد ثانيه
ندى طلعت من محل ورايحة لمحل ثاني ,, وهي تتمشى وبأيدها كيس انتبهت ان في حد يلاحقهاا بس طنشت وكملت .. ودخلت محل (نكست) ..
اختارت لها كم بلوزة وبناطيل وراحت تحاسب
المحاسب / حسابك 959 ريال
طلعت من محفظتها بطاقة الصراف عطت المحاسب واكتبت الباسورد وبعد لحظة اخذت الفاتورة والكيس وطلعت .. وعماد وراكان يتمشون وراها
راكان / اقول شييل عنها الأكياس وش كثررهم
عماد / ههه ياعيني بديت تفهم
راكان / احلف عااد .. شوف شكلها بتطيح مسخره ههه
عماد / انقلع بس
فجأة وتلتفت عليهم ندى / وبعدين معكم ؟؟ من جيت وانتم وراي ؟؟ وش تبوون ؟؟
راكان ارتبك وانحرج
عماد / ياحلاتك وانتي معصبة !! (رفع صوته شوي ) والله بس كذا حنا نتمشى
ندى / ابعدوا عني لأجيب لكم الهيئة هالحين
راكان يمسك عماد من يده ,, امش وبلا مشاكل
عماد / يالجبان انتظر اوريك وش بسوي ؟!!
ندى عصبت ,, اخذت الجوال من شنطتها تبغا تدق على عبدالله : الحين اخليه يجيكم من تحت
عماد / لا بلاش اتصالات ياقمر .. بس الصراحة جوالك رهيب يناسبك مره
جوالها موتوريلا الفووشي
ناظرت فيه ( عماد اسمراني ومملوح وطويل وشعره كثيف لوابس ثوب ابيض ) وطالعته من تحت لفوق ليمن وصلت لعيونه ..
ندى / تهز راسها وبصوت وااطي :: وبعدين معك ؟؟
عماد : ارتبك كثيير بعد ماناظرته .. شوي الا هو مبتعد عنها بعد ماحركت مشاعر دفينه بقلبه ( ايا بنت اللذين طيرتي عقلي )
راكان / شبلاك انت ؟ (مسك يده بقووه ومشى ) وشفيك مفهي ؟؟
عماد / آآآه ياراكان احس اني حبيتها
راكان / ههه ( التفت عليه ) من جدك انت ؟؟
عماد / ماشفتها اول ماناظرتي حسيت بأحساس غير
راكان / بلا حكي فاضي ... انت اصلا كل يوم مع وحده
عماد / ( انفعل من كلامه وعصب رمى الجوال (الدمعة ) اللي كان بيده عالأرض بقووه ليمن انكسر )
راكان / اعصابك وشفيك ؟؟
عماد / بعد ماهدأ هذي غير هذي غير كل البنات اللي اعرفهم ياراكان هذي اللي كت ادور عليها من زمان .. (التفتت ورا )/ ابروح اتكلم معها ..
راكان / وين تعال بتلم عليك الهيئة هالحين
تراجع عماد : طيب انا بنتظرها برى ليمن تطلع
راكان / اشك انك عاقل الحين
عماد / انت وش عرفك ؟؟ عن اللي حاس فيه ( اموت واعرف انتي من بنته ؟؟ )
::::::::::::::::::::::::::
ندى وهي نازلة من المصعد )ياربي يجنن وشحلاة عيونه ... بس قليل ادب ههه ) : اووه نسيت مامي الحين بتعصب علي .. خلني ادق على عبدالله من هالحين ..
( عبدالله متزوج وعنده ولد (ريان 6 سنوات ) وبنت (روان 4 سنوات )
وهو بالبيت ::
ريان / بابا شوف روان اخذت (القيم بوي ) حقي قول لها تعطيني اياه
روان / بس شويه وارجعه
عبدالله / خلاص ريان خلها تلعب شوي وترجعه لك اووكي حبيبي
روان مدت لسانها على اخوهاا : ههه
عبدالله / عيب رواان ... ريان وين ماما ؟؟
ريان / ماادري بس يمكن بفرفتكم
عبدالله راح للغرفة ولماا دخل الغرفة
وينك انتي مخليتني مع هالبزارين ؟؟
خلود بعد ما سكرت الأستشوار / ههه هذولا عيالك حياتي
عبدالله / لا تقولي بتطلعين هالحين ؟
خلود / ليه يعني مااستشور الا اذا بطلع ؟؟
عبدالله / بس غريبة ماقلتي بتطلعين حتى السوق مارحتي مع ندى وامي ؟؟
خلود / لا مالي خلق توني مخلصة تحضير ( خلود مدرسة في رياض اطفال ) ومرره تعبانة
قرب منها ومن ظهرها / وش اللي متعبك يابعد قلبي ؟
خلود / ابعد ,, رايحة البس ... ( لابسة بالطوا الحمام )
عبدالله قرب منها اكثر وهمس في اذنها / احبك
انفتح باب الغرفة وابتعد عن خلوود ..
روان / بابا خذ جوالك تبغاك عمتي ندو
عبدالله / كم مره قايل لك اضربي الباب قبل لاتدخلين ؟؟ عيب يابابا
اخذ الجوال / ايوا هلا اجيكم ؟؟
ماادري متى يجي السواق وافتك من هالمشاوير اوكي 10 دقايق وانا عندكم باي
روان / بابا ابغا اروح معك علشان تشتري لي قيم بوي
عبدالله / لا حياتي روونه انا مستعجل الحين بعدين اشتري لك طيب
خلود بعد ماطلعت من غربة التبديل :
روان / ماما .. قولي له
خلود نزلت لعند روان ومسكت خدودها بيدها بحنان / خلاص حياتي انتي بكره اخلي البابا يجيب لك طيب
صح عبودي بتجيب لها بكره؟
عبدالله / (بصوت واطي ) عييب البنت هنا وانتي عبوودي !!
خلود / ههه والله مو جاي عليك بو ريان يكبرك مرره خ
عبدالله / الا قولي يكبرك انتي انا عادي بالعكس حلو بو ريان
خلود / ( بدلع ) لا والله انا بظل صغيرره ههه
عبدالله / رايقة ام ريان وش الطاري عليك ؟؟
خلود / ( تتمسخر ) سلامتك بوريان ههه اقول منت رايح تجيبهم ؟؟
عبدالله / ( شهق لما ناظر ساعته ) حسبي الله على ابليسكم نسيتووني ( طلع من الغرفة وبسرعه )
خلود / ههه (ياقلبي انت )
::::::::::::::::::::::::::::
هشام وام هشام وهما داخلين البيت ..
هشام / يمه ابوي دق وقال انه معزووم اليوم بالشاليهات مع ربعه ش رايكم اطلعكم المطعم
ام هشام / غريبة ماقالي ..
هشام / وهذا انا قلت لك ها بتروحون ولا اطلع مع الشباب ؟
ام هشام / اكيد .. شواقة ورنييم طفشانين مرره
هشام / خلاص عا9 قولي لهم
ام هشام / فيك الخير والله ( رفعت يدينها تدعي ) الله لايحرمنا منك وانشالله تتهنا بحياتك يارب
هشام / اوه كل هالدعوات لي لو ادري قايل لك نطلعكم من زمان..
ام هشام / ههه مدام فيها طلعات ابشر كل يوم راح ادعي لك باللي يسرك
هشام / تكفين يمه لاتنسين لمو
ام هشام / ههه ماشفتها اليوم والله طالعة قمر ماشالله طول شعرها وحليانة مرره ( تبغا تقهره شوي )
هشام / آه يايمه لاتقهريني بس لا الحين اروح واشوفها غصب على عمي هذاا
ام هشام / ههه
رنيم وشوق نزلوا من فووق .. ضحكونا معكم
هشام / ( التفت بسررعه ) يمه بسم الله من وين جيتوا انتوا
شوق / من بطن ماما ههه
هشام / احلفي عااد
رنيم / ماما ليه ماخليتينا نروح بيت عمي طفشنا من البيت وماقبلاي الا شوويقه
شوق / احمدي ربك معطتك وجه وجالسة عندك بالغرفه
ام هشام / اسكتي انتي معها .. اقولكم اليوم بيطلعكم ابو الهش وش تبون بعد !!؟؟
رنيم وشوق / وين ؟؟
هشام / اولا ذاكرتوا منيح <<< ههه لهجة سوريه يتميلح
رنيم / ا افا عليك حفظت الكتب كلها
شوق / الملزمة مافارقت يدي ,, جلست جنب اخوها ها وين بتطلعنا هشووم ؟؟
ام هشام / بنروح المطعم نتعشا
شوق / صحيح زين مااكلت شي من بعد الغدا
رنيم / ماعندكم سالفه فكرتكم بتطلعونا الشاليه او رحله للبحر عالأقل ..
ام هشام / ابوك بالشاليهات
شوق / حاصلتك طلعة وترفضين مع وجهك ؟
هشام / لا وهشام بكبره بيوديكم !!
رنيم / ( قامت من مكانها ) لا ماني رايحة اجلس اذاكر احسن وخلوا العشا لكم
ام هشام / على كيفك خلي (مريان ) <<< طباخة لبنانيه ) تصلح لك عشاا
شوق / خليها توولي اهي الخسررانه
رنيم / ضفي وجهك عني ولا تدخلين فيني
هشام / بس انتي معها مااكأنكم خوات كل وحده لسانها اطول من الثاني
::::::::::::::::::::::::
ندى بعد ماطلعت فوق وهي بالصالة جالسة ومعها امها ويشوفون الي اشترواا
ندى / وشرايك ماما يجنن هالعطر شميه
ام عبدالله / ( قربت انفها من العطر ورشرشت بثيابهاا كثير ) حلو
ندى / بس بس كاافي مو هالكثر هذا مركز الحين بتعطسين لنا
عبدالله / ههه
ندى اخذت كيس عن اذنكم رايحة لرنوود بيبي ..
ام عبدالله / روحي لها وقولي لها تنزل اليوم تتعشا لا ينشبنا ابوك
ندى / طييب (ومشت .... )
عبدالله / وشفيها ماراحت المدرسة اليوم ريناد ؟
ام عبدالله / دلع بنات وماخذين الدراسة لعب
عبدالله / بالعكس ريناد مافي حد مثلها ممتازه ماشالله
يمه حنني هالقلب عليها ريناد مالها الا حنا وحنا اهلها غصب على الكل
ام عبدالله / ( تركت الجلابية اللي بيدها ) يالله وانتم كلكم ضدي ؟؟
عبدالله / يمه خلاص اللي راح راح وابوي ماتزوج الا لظروف مايعلم فيها الا الله
ام عبدالله / اوف انا رايحة غرفتي احسن
::::::::::::::::
ندى دخلت غرفة ريناد ,, ( غرفتها نعوومة مثلها كل حاجة وردي × ابيض سااتان نااعم وواسعة وفيها دببه كثيير كأنها غرفة طفلة هالغرفة كانت ريناد تحلم فيها وهي ببيت امها . كانت غرفتها في بيت امها بسيطة كثير )
قربت من السرير وشافتها نايمة وبحظنها صورة امها شالتها بشويش وحطتها داخل الدرج .. وسكرته
قربت من اذن ريناد وبصوت وااطي ,, (ريناد.. ريناد ) ومسحت على شعرها رنود قومي بسك نووم
ريناد انتبهت ان في حد جنبها فتحت عيونها بثقل .. وبصوت وااطي ومبحوح : ندى
ندى / أي ندى يالبايخة وشذالنوم مع وجهك ؟؟ شوفي الساعة كم 7 ..
ريناد / اووه يالله قايمة اروح اصلي المغرب نزلت من السرير
ندى / تعالي شوفي وش جايبة لك ؟؟
ريناد/( بهدوء ) : شنوو
ندى / لا اول حاجة عدلي مزاجك هالكئييب وابتسمي
ريناد ابتسمت ابتسامة بريئه مثل الأطفاال
ندى / ايواا كذا يااعسل
( ريناد انبسطت من معاملة ندى لها كانت تعاملها بكل حب وحنان من اول مادخلت ريناد هالبيت ولأن ندى شخصيتها مررحه وعفوويه وتحب اللي حواليها بسهوله )
ندى طلعت لها بلوزة وبنطلون برمودا من الكيس وافرشتهم عالسرير وبجنبهم اكسسوارات / ها وشرايك
ريناد / جنان ذوقك خطير
ندى / البلوزة من اللون اللي يحبه قلبك البينك( اما البنطلون كان لونه بيج )
ريناد / ( قربت منها وضمتها ) الله لايحرمني منك ياندى
ندى / شنو شنو ندى ؟؟ دلعيني ويا وجهك قولي ندوش
ريناد ابتسمت وبعدت منهاا شووي / ياحياتي ياندوش
ندى البسية الليلة طيب
ريناد / ليه ؟
ندى / لا بس بيجون صاحباتي وبتجي احم احم ريهام تبغا تسلم عليك غايبة عنها اليوم
ريناد / ياقلبي على ريهام وحشتني لو اغيب بعد بكرا بتستخف مع رنيم ههه
ندى / ههه أي اليوم متشتته هي بالمرسة
ريناد / ههه
ندى / ماقلت لك اليوم بالمجمع وشصار معي ؟؟
ريناد (بحماس ) /وش صار
قالت لها السالفة كلها
ريناد / ههه خاف منك اجل ؟
ندى / ايوه بس والله لما ناظرته بجرأة ارتبك وراح مع خويه ههه والله لو شايفته متي ضحك عليه
ريناد / ههه اكيد انهبل مع عيونك الذبلانه ههه
ندى / عما بس والله يا رنوودا يجنن يهبل
ريناد / لا يحلوة كان لحقتيه وبادلتي بالأدوار اقوول اركدي بس
ندى / ههه وانا وش قلت ؟؟؟ المهم اجهزي عا8 راح يجوون نوره وريهام طيب
ريناد / اووكي اصلي واجهز
::::::::::::::::::::::::::::::::::::::::::::::::::

الفصل الثالث
::::::::::::::::
بعد ماطلعوا من المجمع راحوا لبيت محد ثانيه
عماد / انا لازم اشوفها ثاانيه لازم
راكان / بلا خرابيط شكلها مو من النوع اللي تعرفه فهمت ؟
عماد / أي وهذا اللي معلقني فيها اكثر ابغا اعرف شنو اسمها من بنته ويين تدرس ؟
راكان / اول مره اشوفك ياعماد حازم كذا
عماد / لا من جد احبها اوبغا اتزووجها هي
راكان / ههه وصلت للزواج معك قبل شوي (ينهد ) احبها والحين بتزوجها ؟؟!!!
عماد / لا تتمسخر علي انا بكرا بثبت لك اني صاادق بكل شي
راكان بجديه اكثر / كيف ؟؟
عماد / ( وقف ) بكرا اقول لك باي انا رايح (ومشى ...)
راكان / بشوف نهايتها معك أيش ؟؟
::::::::::::::::::
الساعة 8 ونص
شوق / ساره ليه مو رايحة معنا ؟؟
رنيم / ( وهي تحرك خصل شعرها وبيدها الجوال وحاطة اغنية ( الأمااكن ) وش قلت لك بذاكر
شووق / بتذاكرين مااصدق ؟؟ اتركي الجوال وخذي لك كتاب افيد لك
رنيم / وش قالوا لك ( لوزين ) ههه
شوق / ( باستهزاء ) هههااي والله بتفوتك الطلعة ( وطلعت )
رنيم / ( بخبث )( ماراح تفوتني ولا شي الحين بطلع )
هشام بالصالة و يصرخ / بنتظركم بالسياره طولتوا اكثر بمشي
شوق ( نزلت من الدرج بسررعه ) / جاية
ام هشام / وش بلاك تأخرتي
شوق / الحين 8 ونص وهو قال 9 يعني ماتأخرت
هشام / على مانوصل وندور لنا مطعم محترم الا صارت 9
::::
رنيم ( فرصتي هالحين البيت مافيه حد لازم اطلع مع فيصل قبل لايمل من هالأتصالات ويدور غيري )
دقت عليه .......... 055
فيصل / هلا بهالصووت
رنيم/ ( بدلع ) ههه خليني اتكلم بالأول
فيصل / بدون ماتتكلميني يكفي اني احس فيك وبأنفاسك
رنيم ( يابعد اهلي والله ) / اشتقت لك
فيصل / وانا اكثر وينك لا تدقين لك يومين
رنيم/ لا بس الوضع عندي مكركب شوويه اختي لازقة فيني 24 سااعه
فيصل / والحين مو لازقة فيك ههه
رنيم/ لا طلعت مع امي واخوي هشام ومافيه حد بالبيت و اخوي راكان طلع من شوي
فيصل / ( بجديه ) شرايك نطلع ابغاك في موضوع مهم ماينقال عالتلفون
رنيم/ خير ؟ وشوو
فيصل / دامك معي وبجنبي اكيد خير اووكي رنيم 5 دقايق وانا جنب بيتكم
رنيم / لا اخااف ماني طالعة ..
فيصل / افا مو واثقة فيني رنومة اوعدك اني مااراح ااذيك ابد ... وانا احبك واخاف عليك اكثر من نفسي فااهمة بس ودي اقول لك شي مهم
رنيم / والله واثقة فيك بس ام اخاف يجون اهلي قبل لاارجع معك او يرجع اخوي راكان قبل او يرجع ابوي من الشاليه ومايلاقيني ؟
فيصل / لا تخافين ماراح اطول اكثر من ربع ساعة
رنيم/ اكيد
فيصل / اكيدين
رنيم/ طيب راح اجهز وانزل بااي
فيصل / باي ( فيصل ولد جيراانهم )
::::
جهزت وطلعت وشافته بالسياره جنب بيتهم ترددت تروح ولا .. بعد كذا اشر لها تجي ومشت واركبت بالسياره
فيصل / ياهلا
رنيم/ اهلين فيك
فيصل (مسك ايدها بنعوومة ) وين تبغينا نروح ياحياتي
رنيم نزلت رااسها / ام أي مكان ولا اقول خلنا بالسيارة احسن
فيصل بعد ماامشى مساافه طويله ابتعد عن البيوت وراح عند الشارع العام
رنيم/ وين بتوديني ؟؟
فيصل / لحظة ابوقف في مكان بلف الحيين
رنيم ( الله يستر منك ياافيصل )
لما وقف السياره بعيد عن رؤيا الناس مكان شبه مهجوور
رنيم بخوف / وين حنا فيه ؟؟
فيصل / و قلت لك انا مااراح ااذيك لا تااخفين .. (قرب منها ) اكشفي وجهك
سااره / لا ودني البييت
فيصل / رنوومة حياتي انتي ثقي فيني
رنيم كشفتت عن وجها بتردد
فيصل فتح عيوونه اكثر / واو قمر ماشالله رنوومة تغيرتي حلويتي كثير
رنيم استحت ونزلت راسها /
فيصل / اموت بالحياا انا ( مسك ايدها وباسها ) رفع راسها وناظر بعيونها الجذاابه / احبك
رنيم زادت نبضات قلبها وجسمهاا حار من الحيا وهي تناظر عيونه وشايفه كل كلام الحب فيهم ( ياقلبي والله امووت فيك انا )
فيصل / رنو وشفيك ساكته ؟؟
رنيم / ( ناظرته بعيونها بحيا ) ولا شي بس مرتبكة شوويه .. خلاص رجعني البيت
فيصل / وشفيك طيب اول اسمعي وش راح اقولك
رنيم / بليز فيصل رجعني البيت وقولي وانت تمشي بالسيااره
فيصل / يااقلبي ماينفع ... رنيم انا كلمت اهلي عنك وقالت امي لما اكمل دراستي راح نجي نتقدم لك شرايك ؟
رنيم / ( ابسطت) والله يافيصل
فيصل / أي ياروح فيصل انتي ( قرب منها بقوه وباسها على خدها )
رنيم غطت وجهها بسررعه / فيصل اوكي يالله نمشي
فيصل / لحظة .... ولف على المقاعد الخلفيه واخذ كيس وعطاها اياه
رنيم / شنوو فيصل / هذا اقل شي اقدمه لك افحيه هالحين
ساره افتحت الكيس وطلعت علبه مغلفة فتحتها ( خاتم خطوبه ) / روعه تسلم ياقلبي
فيصل اخذه منها ولبسها ايااه
رنيم / ( اموت عليك .. .. )
فيصل وهو مرتبك / طبعا هذا الخاتم بس كذا ابغا اشوفه على يدك والثاني بعدين اجيبه لك يوم ملكتنا
رنيم (ابتسمت ) / الله يخليك لي
فيصل / لرجعتي البيت اقري هالورقة ( عطاها ورقة وحطها بيدها ) اووكي
رنيم / اوكي
فيصل الحين اقدر امشي ( وانا مرتاح )
:::::::::::::::::::::::::::::::::::::::::::::::
ريناد تضرب الباب على غرفه ندى / وبدلع ندوش ؟؟؟
ندى / ( صايرة رنوود مؤدبه ضاربه الباب ) ادخلي
ام عبدالله بالصااله اللي فوق طبعا وقدامها غرفة ندى عاليمين وغرفة ريناد عاليسار
ريناد ماانتبتهت بوجود خالتهاا
ام عبدالله وهي تناظرها من تحت لفووق / علامك ماتجلسين معنا مو قد المقام ولا ايش ؟؟
ريناد / التفتت عليها / هلا خالتي .. لا بس اليوم كنت تعباانة مرره وماقدرت انزل عالغداا
ام عبدالله / هذا انتي كاشخة وين التعب رااح ( وهي تتمسخر طبعاا )
قاطعهم صراخ ندى في غرفتها / ريووم ادخلي بسرعه
ريناد / عن اذنك خاالتي بشوف ندى .(. ودخلت الغرفه )
ندى /واقفة بثقة .. / ها وشرايك ؟؟
ريناد/ واو سبرايز نفس اللي عليَ بس والله غطيتي علي
ندى / لا من جد يناسبني الوردي ؟؟ احسه جاي عليك اكثر
ريناد / لا بالعكس حلو حتى عليك والله طالعة قمر
ندى / وتعرف تجامل بعد ؟
ريناد/ افا من جد اتكلم مع وجهك
ندى / امزح معك ادري اني قمر ههه
ريناد / ههه امووت بالثقة
ندى تقرص خدود ريناد / اموت انا بالبيبي اللي جنبي
ريناد/ ههه حرام عليك صاروا خدوودي حمر منك
ندى / ههه ينقال عنك مو خجلانه انتي حتى من ظلتك تخجلي
ريناد / وبعديين ندووش
ندى / اووكي يالله تعالي ننزل الحين هم على وصوول
:::::::::::::::::::::::::::::::
عبدالله نزل من سويته وراح لعند امه بالصاله
عبدالله /وشفيك جالسة لوحدك ؟؟
ام عبدالله / ولا شي بس جايين صاحبات اختك ندى ونزلت هي مع ريناد لهم
عبدالله / وش اللي مضايقك ؟ احسك هاليومين مو على بعضك
ام عبدالله / عبدالله لا تشغل نفسك مافيني شي اهم شي زوجتك وعيالك
عبدالله / تدرين يمه خلود احسها متغيره اليوم ماادري انا اللي مو على بعضي وشايف اللي حولي كذا ؟؟
ام عبدالله / وشفيها خلوود ؟؟
عبدالله / ماادري عنها قبل شووي احسها تبغاني اطلع غصب تقول دق على حد من الشياب واسهر معهم
ام عبدالله / ماعليك من خلود هي كذا مزااجيه شووي تحملها هذي ام عيالك ولا نسيت انك تحن علي ليل نهار اخطبها لك وانت لسا ماخلصت جامعة
عبدالله / لا تفهميني غلط انا اموت بشي اسمه خلود بس خايف من جنوونها شوي تعمل اشياء ماتفكر فيها
ام عبدالله / عارفه انك تحبها اكثر من كل شي اعرفك وليدي قلبك رهييف
عبدالله / ههه الله يستر ( ووقف ) انا طالع تامرين شي ؟؟
ام عبدالله / سلاامتك ربي يحفظك
::::::::::::::::::::::::::::::::::::
بعد مادخلوا ( ريهام ولميس) غرفة الضيوف
ريهاام / ياني مشتاقه لريناد مره
لميس / الله واكبر هذا يوم غابت وتقولي كذا ماكلمتيها اليوم
ريهام / لا اجي احسن ههه
(دخلت ندى وريناد) هاي
ريهام / ( فزت ) هلا والله هلا بقلبي ولمتها(و شهقت ) وشفي وجهك اصفرر كذاا ياليت اللي فيني فيك
ريناد / لا والله تحسنت شوفي خدوودي حمر ( تغمز بعينها لندى ) ههه
لميس / هلا ريناد سلامات كيفك ؟؟( تلتفت لندى ) / انتي شبعاانه منك توني شايفتك بالمدرسه ههه
ندى / افا والله افا أي الكلام الحلوو بس لريووم
ريهاام / ندوش كيفك والله انتي الخير والبركه
ندى / أي تو الناس بعد روحي الزقي بريناد ههه
ريهام / ( تهز راسها بالنفي ) لا والله بس انتم تعرفون وشقد انا متعلقه فيها من ابتدائي هي معي
ريناد / ( وهي تناظر لميس) كيف هشووم معك ؟؟
لميس/ اوه عالي العال ابشركم ححدنا موعد الزوااج
الكل / صحيح متى
لميس / جمادى ثاني ببداية الأجازة
الكل / اوه
لميس ( استحت شووي ) مع وجهكم اول مره استحي منكم ههه
ندى / اكيد جنبنا ريناد تخليك تستحي غصب والله ووجهها طفولي ههه
ريناد/ مع وجهك يا ندوش اسكتي بس
ريهام / ( لفت ايدها في ظهر ريناد ) اقوول كل شي ولا ريوم
لميس / الا وين خلوود خلوها تجي معنا ننبسط شوويه
ندى / لا خلود .. خليها جلسة بنات مانبغا أي متزوجة اصلا انتي لو يشوفك هشووم وتطلعي معه
انا من زمان عنك
لميس / ( بأنفعال ) ليه ؟؟
ندى / بس امزح معك يو
ريهام / حنا عارفين ليه نوره تبغا خلود تبغا خبرات من اللي خبري وخبرك
الكل / ههه
نوره / اسكتووا بس
ندى / ههه اصلا لمو هي الي تعلم خلوود مو اهي تعلمها ههه
ريناد تغيير الموضووع / وشرايكم بالثناائي المررح انا مع ندى
لميس / عجيب تدورن اول مادخلتوا ماعرفت افرق من بينكم
ريهام / لا يختلفون
لميس / لا شوفي ( وهي تناظرهم ) الفرق ان ندى اطول من ريناد وعيونها سودا وشعرها اقصر اما ريناد اقصر شوي وابيض من ندى وعيونها عسليه بس ترى نفس الجاذبيه في عيونهم وشعرها اطول وكستنائي اكثر
ريناد / يلعن ابو الدقه .. انتي بتطلعين الفروق السبعه الظااهر ههه
ريهام / مهما يكوون ريناد احلى
ندى / تكلمت الفيلسووفه
لميس / الا قولي المغرومه الحمدلله والشكر انا لازم ادور لك عريس
الكل / ههه
ريهام / بتعطيني ابو الهش حقك ام مو مشكله
لميس / كل شي ولا ابو الهش خليه على جنب لو سمحتي
ندى / ههه لميس قولي لنا وش اخر مغامراتك معه
لميس / ههه ولا شي اصلا هو هاليومين ماعنده الا سالفة متى بتزوك واكون جنبك
ريناد / ياحلاته
ريهام مفهيه بريناد / ههه ياحلاتك انتي والله
ندى / ههه بعد عطيها من هالكلام والله كان الحين تشوفونها حمرا
ريناد ( جد صار وجهها احمرر ) وهي تناظر ندى / ندووش وبعدين
ريهام / اموت بالخجل انا
ريناد بجديه اكثر / وبعدين معكم تراني جد اطلع واخليكم
لميس /ههه وناسة واله انتي معها ( تأشر على ريناد وريهام )
شووي ويدق جوال لميس ( روحي الدافئه )
ندى تناظر الجوال/ اشوف منوو
لميس / عطييني هذا هشووم
ندى / احلى
الكل /ههه لميس / اسكتوا
لميس / هلا
<<<< ندى / مافيه قلبي شي ؟؟
هشام / ياهلا ومرحبا فيك
لميس تأشر على ندى وتسكر على اسنانها / اسكتتي
لميس بصوت واطي / كيفك عمري
هشام / الحمدلله وشفيك مرتبكه ؟؟
لميس / لا بس انا مع صحباتي هالحين
هشام / يعني مو باللبيت
لميس / لا طالعة رايحه لعندهم
هشام / اها
ندى وريناد وريهام / ( ماسكين الضحكة لأن شكل لميس غير وهي تكلم هشام )
لميس / طيب حبيبي لرجعت البيت اكلمك طيب
هشام / شكلي بناام هالحين تعبان
لميس التفتت على جنب / وشفيك يااقلبي انت ؟؟
هشام / لا بس ابغا ارتااح واناام بس
لميس / اهاا طيب حياتي انتبه على نفسك اووكي
هشام / اووكي باي حبي (وعطااها بوسه )
لميس / تسلم يابعدي .. باي
اول ماسكرت منه
الكل / ههه
ريناد / الصراحة شكلك غير وانتي تحاكيه
ندى / شوي ويغمى عليك
ريهام / ههه والله عجييبه
لميس / ( رمت مخدة صغييره عليهم ) اسكتواا انتم معها
:::::
رنيم في غرفتها ولما جاو اهلها وتجمعوا راحت غرفتها وقفلت عليها الباب وهي مبسووطه مرره من فيصل
اخذت الخاتم ولبسته ( احبك يافيصل امووت فيك )
شالته وحطته بالعلبه وحطتها بالدرج فتحت الكيس واخذت الورقه تقراها :
(( رنيم انتي لي ومستحيل افرط فيكلأني احبك وامووت فيك ..
رنيم .. انتبهي على نفسك واذا قريتي هالورقة دقي علي ضروري ))
:::
رنيم بسرعه اخذت الجوالودقت عليه
رنيم /.. هلا
فيصل / ياهلا فيك قلبي كيفك
رنيم / بخير دامك بخير
فيصل / بقولك شي مهم طيب
رنيم / تفضل ياقلبي
فيصل / تدرين ليه طلعت معك اليوم ؟؟
رنيم / ام ليه ؟
فيصل / اولا مشتااق لك لي سنين وانا اتمنى شوفتك واجلس معك ثانيا .. ( سكت )
رنيم / ايواا
فيصل / ثانيا .. يمكن .. ام .. هذي آخر مره اشوفك فيها
رنيم .( عقدت حواجبها ) .. !!!كيف يعني ؟؟
فيصل : لأني ... ماراح .. ارتبط فيك ... اوكي ( آآآآآآآآآآآه احس ان قلبي بيطلع يارنيم )
رنيم / ( عصبت ) ليه كذاا والله ماتوقعتك جد انك حقير وتاافه تلعب على وعلى قلبي في الأخير تقول لي ك ..
فيصل / ( يقااطعهاا ) / لا يا رنيم افهميني طيب انا حاب اقولك ...
رنيم / مايحتاج وماله داعي تقول أي شي انت حيوان وحقير من جد انصدمت فيك ( ليه كذا ليه ... احبك وربي امووت فيك )
فيصل / انتي اهدي الحين وافهمك تراك مو فاهمة شي اسكتي ..
رنيم / ( والقهر ذابحهاا ) انا فاهمتك كويس .. بس لا انت ولا عشلاه من امثالك يهزووني تراك ماعرفتني انا رنيم لا تفكرني راح اسكت وانطق .. لا ........... والف لا
وسكرت الجوال وفقلته ورمته عالأرض وانهاارت بالبكي
:::::::::::::::::::::::::::::::

روعة
ننتظرك

هلا ابرار نورتي
بسماراح اكمل الااذا شفت تفاعل

السلام عليكم ورحمة الله وبركاته ..
واو قصة تجن مشكورة قلبي
بس بليز كمليها أنا قاعده أدخل للموضوع كل دقيقة وما ألقاك كملتيها ..
بليز كمليه ا في انتظارك حبيبتي ..
مودتي ..

ننتظرك يالغلا
لا تتاخري علينا
في البداية ما يكون في تفاعل بس مع التكمله يبدا التفاعل ان شاء الله

هلا فيكم
انتم تكفون يالغاليات وعشانكم بكمل

الفصل الرابع
::::::::::
خلود بسويتها وبداخل غرفتهاا
اخذت الجوال ودقت على عبدالله ( نبض قلبي )
خلود / هلا عبدالله
عبدالله / (ببرود ) / هلا
خلود / اووه وشفيك كذا ومن غير تفس ؟
عبدالله / لا ولا شي بس انتي اللي ماادري وش فيك
خلود / ههه انا .. مافيني شي ابد
عبدالله / طيب .. انا بتأخر زين
خلود / اووكي بس قبل لا تجي دق علي طيب
عبدالله / ( اموت اعرف وش سالفتك ؟؟ ) باي
بعد انتهت المكالمة ..راحت تطمنت عيالها لقتهم نايمين مع الشغاله المربيه حقتهم ( نوهاتا ) ..
طلعت من الغرفه بشويش ودخلت غرفتها
و راحت غسلت وجهها ونشفته وراحت قدام مراية التسريحة وطلعت كل الميك اب من الدرج وبدت تحط لها الفاونديشن والبودره وبعد كذا بدت بالشدوو (سموك آي ) وحطت ماسكراا وكحلة داخل العين زادت من جاذبية عيونها اكثر وحطت روج احمرر بشفاتهاو غلوس بطعم الكرز (ام ) برز جمال ولمعان شفايفها الصغيره .وحطت بخدودها النااعمة بلاشر خووخي .. ( هلأ خلص الميك اب ... ههه ) . فتحت شعرهاا من اللورات الملفوفة فيه .. وطلع شعرها رهيب لونه بني و يتخلله خصل عسليه .. منااسب مرره لعدساته اللاصقة العسليه .. وحطت تااج صغير ذهبي فوق شعرهاا ..
خلود / واو جنان اول مره احس اني اعرف احط ميك اب ههه لا شكلي هالمره حاطته من قلب !!
توجهت لغرفة التبديل وفتحت خزانتها واخذت فستاان من يومين شاريته لونه احمرر لبسته وراحت قدام المرايه تشوفه عليهاا كان لاصق بجسمهاا مرره ومفصله تفصيل و الظهر عاري كله و ..
يعني الفستان يفصخ اكثر من ماهو يستر ..
اخذت عطر( فلاور بومب ) ريحته خطيره ورشت بجسمها كله واخذت عطر شعر وعطرت شعرها فيه
صارت كأنها قزازه عطر ههه
صار لها وهي ترتب في نفسهاا ساعتين .. شووي ويدق الجوال
خلوود مشت بسررعه واخذته / وبروود / الو
عبدالله / (باين عليه التعب مو متعود يسهر وبرا البيت ) / ايواا انا جاي تبغي شي من برى ؟
خلود / ( بدلع ) سلاامتك يااروحي انتظرك بااي
:::::
بعد لحظات وهي بالصااله سمعت صوت المفتاح عبدالله جاي
ركضت بسررعه لغرفتها وشغلت الشموع وطفت الأنوار وشغلت ميووزك هاديه مرره
اول ماحسته قرب من الباب انخشت ورى اباب فتح الباب عبدالله وهو مصدوم من الحركة وعاقد حوااجبه ( وشفيه ؟؟؟ شصااير اليوم ؟؟؟؟ يحاول يتذكر مناسبة عيد زواجنا مو اليووم ؟؟ .... ) قبل لايكمل ويتذكر طلعت له خلود من ورى الباب .. / ( وابتساامه جذاابه ) هاي
عبدالله فتح عيونه للآخر / واو شالحركآآآآآآآت ؟؟؟ اخذ ايدها وبدت تدوور كأنها ملكان
خلود / شرايك ؟؟
عبالله سكر الباب من وراه والتفت ينااظر خلوود بلهفة وحرراره ويهز رااسه ( يعني ليه شالمنااسبه ؟؟ )
خلود قربت منه بجرأه وحظنته : كل سنة وانت بخير حبيبي
عبدالله : اوه اليووم 25 / 3 يوم ميلادي .. اها
ناظرها بعيونها الحااده السوداا ::: ( خلود نزلت راسهاا بحيا ) رفع رااسها بأيده من تحت ذقنهاا
عبدالله / اموت فيك
خلوود بأرتباك سحبته من ايده وجلسته عالأريكه الموجوده بالغرفه ((وجنب الطاوله المليانه ببتلات الورود الجوري الأحمر والشموع اللي حواليها ومجهزه كيكه فيها احلى صوره عنده وكاسين بااسين وثللج وفي الأرض منثوره البتلات والشموع من كل جهه والجو روماانسي مره خاصة مع الميووزك .. )) جلست جنبه قررب منهاا اكثر ومسك يدهاا بنعوومه
خلود / ( بدللع وهدووء ناظرت عيوونه ) عبوودي انت مبسووط معي ؟
عبدالله / ( تنهد ) : بعد 6 سنووات من زواجنا تسأليني ؟؟
خلود وبدلع ونبرة رجا / جاوبني
عبدالله / ( بلهفه ) : انا .. مو بس مبسووط معك انا .. ام وش اقوولك ( خانه التعبير وهو يناظر ببريق عيون خلود وحس نفسها انه يبحر بعيونها ) قرب منها اكثر واكثر ليمن حس انهم صاروا شخص واحد همس بأذنها / احبك
خلوود / ( ترجف من داخل وقلبها ينبض بقووه وجسمهاا حار ) التفتت بسرعه وشعرها تحرك معهاا بجرأه / ام( تأشربيدها الناعمة على الطاوله والكيكة ) شرايك بالمفاجآه ؟؟
عبدالله / احلى مفاجأه بحياتي .. يا حياتي انتي .. ماتدرين وش كثر مبسووط ...
خلوود / دووم يااحياتي ( اخذت سكين ومدتها له وابتسمت ) يالله قص الكيكه
عبدالله اول مااخذهاا منها ...
خلود / ( بسرعه ) لحظة .. لحظة
عبدالله : ؟؟؟؟
خلود قامت وجابت كاميرا فيديوو اللي مجهزتها من قبل .. وثبتتها بالكرسي واخذت الرينادوت وراحت لعنده
وجلست .. / يالله جااهز ..( ضغطت عالرينادوت علشان تصورهم .. )
عبدالله طف الشمعه اللي بالكيكة وقص جزء منها واخذت خلوود صحن وشوكه وسكين صغيره واخذت جزء من الكيكة وحطته بالصحن .. قطعت قطعة صغيره واخذتها بالشوكة ومدتها لفم عبدالله
عبدالله بعد مااكل .. / ( وهو يناظر الكاميرا ) تدروون اني امووت باللي جالسة قدامي ؟ (يأشر عليههاا)
خلوود (بدللع ) / وتدروون اني اموت باللي جالس قداامي ؟؟
اثنينهم / ههه
عبدالله / والله مبسووط لاتلوموني ههه
لحظة لحظة ( اخذ الرينادوت ووقف التصوير ) خلوود انا بنادي امي وخواتي لازم يشاركوني هالفرحه طيب
خلوود / اووكي مثل مااتحب !! ( ياقلبي عليك مثل الطفل تحب تشارك فرحتك للكل )
::::::::::::::::::::::::::::::::::::
اما في بيت ابو هشام ... النايف
شوق صعدت فووق رايحة تناام ( رنيم وشفيها نزلت معنا وبسرعه قاامت ومو على بعضهاا ) .. توجهت لغرفة رنيم ,, افتحت الباب ودخلت الغرفة ,, ودخلت بهدووء
رنيم (وهي جالسة وبأيدها دفتر وجالسة تشخبط فيه بقسااوه ) : ...........
شوق : هاي
رنيم : .......... ( مالها خلق حد ابد )
شووق : قلنا هاي ماتسمعين ؟؟
رنيم : مالي خلقك زين
شوق : قربت منها وناظرتها ( بأهتمام ) / رنيم وشفيك ؟ .. تبكين .. ؟؟
رنيم : ( نزلت رااسها وباين عليها البكي كانت عيونها منتفخة وانفهاا احمرر ) / قلت لك مافيني شي (غررقت عيوونها وطاحت دموعها على الدفتر والوررق .. )
شوق ( اول مره تشوفها كذا .. اول مره تحس بأنكسارها وضعفهاا ) / رنيم حياتي ليه تبكين ؟؟
(شوق رفعت راسها بيدهاا وكفكفت دموعها وقربت راسها من صدرها ).. / رنيم انا اختك واكبر منك وعارفتك ماتبكين الا اذا في شي كبير .. رنيم .. فضفضي لي .. لاتخاافين .. حطي عينك بعيني .. ( ناظرتها ) فيك شي ؟؟ قوولي ؟؟ شصااير ؟؟
رنيم / ( بأرتباك ... ) بقولك بس اوعديني انك ماتقولي لأمي .. او اخواني او أي احد ..
شوق ( حست براحه لأنها بتقول لها .. وحست بخوف بعد .. لأن نبرة صوتها تخووف .. ) : وعد قوولي ..
قاالت لها كل اللي صار
شوق / كل هذاا صار ؟؟ وانا معك على طوول ولا حسيت فيك انك تكلمين حد او انك تعرفي ولد الجيران هالفيصل ..( تتنهد ) .. وتحبينه بعد ..
رنيم / وش اسوي هالحين طلع مايستاهل الحب اللي عطيته طلع نذل يااشوق نذل .. طلعت معه وكشفت وجهي بالأخير يقولي ماابغاك .. ليه ,, اهانه ماارضااها ابد ..
شوق / اهدي ... احمدي ربك ماصار شي لك ولا قرب منك بهالطلعه هذي ..
طيب .. ام طيب هو ليه معطيك الخاتم دامه مايبغاك ؟؟
رنيم / ماابغا منه أي شي النذل .. والله لأخليه يعرف منو انا ( وبكبرياء وشموخ ) منو رنيم النايف
شوق / اهدي هالحين الوقت متأخر وبكرة عليك مدرسه وانا بروح الجامعه ومو لازم نتأخر اكثرر
بكرا نكمل الموضوع طييب .. ( اخذتها من ايدها واسحبتها للسرير وغطتها )
شوق / ناامي ولا تفكرين فيه ابد .. هالنذل مايستاهل تفكرين فيه فااهمه .. ؟؟
رنيم ( تهز رااسهاا ) طيب (( آآآآآآآآآآآه ليه يافيصل ليه ؟؟ ليه تسوي معي كذا ؟؟ انا وش سويت لك ؟؟ .... ))
شوق تركتها ومشت .. وسكرت الباب واتسندت عليه ,, ( آه يارنيم ليه كذا ليه ؟؟ تطلعي معه من ورا اهلك وتكلمينه ليه ؟؟ ماقول الا الحمد لله انه ماقرب منك وآذاك .. وهالحيوان يحلم يكلمك ثانيه .. ))
:::::::::
خلود بهاالحظة كانت داقه على ندى ,,
ندى / ايواا خلود
خلود / تعاالي انتي وخالتي فووق عندي ..
ندى متفاجئه / مو جنبك عبدالله ماجا ؟؟
خلود / الا بس تعاالوا ابغاكم
ندى / ؟؟؟ شصاير روان وريان فيهم شي ؟؟
خلود / لا ... لا يروح بالك بعيد لا تخاافين بس ابغاكم وجيبي معك ريناد طيب انتظركم بااي
:::
ندى / والله انك مزاجية بشكل ,,
ريناد وهي تلعب بخصل شعرها الناعمة / وش فيها خلود وش تبي ؟؟
ندى / علمي علمك تبغانا نصعد لها
ام عبدلله جالسة جنبهم وتشرب شااي ... / وشفيها ؟؟ صاير لهم شي ؟؟
ندى / لا بس تبغانا نروح نجلس عندهاا
ام عبدالله / وعبدالله مو جنبهاا اهو قبل شوي جاي ..
ندى / ؟؟؟
دخل ابو عبدالله عليهم .. / السلام
الكل / وعليكم السلام
ابو عبدالله / منتم نايمين ؟
ندى / بابا بس بنصعد فوق شوويه عند خلود تبغانا
ابو عبدالله / وين هالووقت استحواا عبدالله هنااك ..
ام عبدالله / لا هي مناديتنا ماراح نتأخر بنشوف وشفيها ونرجع
ريناد / ايواا هي داقه وتبغاانا الحين ..
ندى يالله قووموا ونشوف بسررعه
كلهم صعدووا فووق بالمصعد ..( الأصنصير ) ..
::::::::::::::
دقوا الجرس .. وافتحت الباب الشغاله .. بعد مادخلووا
ندى / نوهاتا وين مدام ؟
نوهاتا / روه داخل غرفة مدام ( روحوا ادخلوا غرفة المدام )
ريناد / ويه فشله !! بندخل غرفتهم ؟؟ والحين ؟؟
ام عبدالله سألت الشغاله / وشفيهم ؟؟
نوهاتا / مافيه يأرف انا باابا يقول انت يجي روح داخل على طول ( ماادري عبدالله يقول اول مايجون خليهم يدخلون الغرفه )
الكل .. ؟؟؟؟؟؟؟؟؟؟؟؟؟؟؟؟؟
ندى / هالأثنين ماادري وشفيهم ؟؟ تعالوا ونشوف
ام عبدالله ضربت الباب / عبدالله .. عبدالله
عبدالله وخلوود ميتين ضحك
عبدالله / شكلهم خاافوا ههه .. ادخلوا الباب مفتوح
ام عبدالله فتحت الباب ..
ريناد وندى / ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ندى / واو
ام عبدالله / خوفتوونا الله ياخذ بليسكم وشتبوون منا ؟؟
ريناد / ههه شالحركات
خلوود / عيد ميلاد عبدالله وحبيت اعمل له سبراايز
الكل / ههه
ندى وريناد / كل عام وانت بخير ههه
عبدالله / تفضلوا حيااكم ,, تعالوا شوفوا الكيكه رهيبه
خلود / تفضلي خالتي وجلستها عالأريكة .. معهم
ريناد / عليك حركات تجنن وحنا مااندري وانا اقول وشفيك اليوم مابيتني ابد ؟؟
خلود / ههه شفتي كيف ؟؟
ندى ( تناظر خلوود بأعجاب ) واو طاالعة قمر بذمتك عبدالله مو قمرر
خلوود صار وجهها احمر
عبدالله ( وهو يضحك ) ههه قمر ,, واحمر بعد .. ههه
ام عبدالله / وين العيال كان خلتوهم ينبسطوون معكم
عبدالله / هههاي ( بخبث ) لا ماانبغاهم الليله
الا انتم جااين وين هديااكم ؟؟ ها
ندى / وحناا ندري .. خلود تسوي كل شغلها بالخش والدس
خلود / ههه أي علشان ماتحرقون عليه المفاجأه اعرفك ماتسكتي كل شي وتقولينه ..
ريناد / ههه بهذي معك حق والله
خلود وقفت وراحت وفتحت الخزانه اللي بالغرفه علشان تجيب هديتها لعبدالله ,,
جابتها وقربت من عبدالله وباسته على خده بجرأه / تفضل
ندى / احم احم نحن هنا
عبدالله / انتي وش جابك يالغثه ؟؟ ههه
ريناد مبسوطه وهي تتأملهم ,,
ندى / هي رنو لا تدوخين علينا ... مع الميووزك
ريناد ( التفتت عليها بسررعه ) / مع وجهك .. الا انتي الدايخه والله
عدالله فتح المغلف .. طلعه .. / اوه لاب تووب
ندى وريناد / وناسه
ام عبدالله / عساك تتهنى ياوليدي ( وقفت ) يالله انتم اخذوا راحتكم انا نازله لأبو العيال
ندى / احلى باابو العيال .. ههه الظاهر امي خشت بالجو اللي هنا
الكل / ههه
ام عبدالله / انقعي بس انتي ماتبطلين شقااوه يالله انزلي انتي معها عيب
ندى وفي يدها صحن صغير وفيه قطعة من الكيكة / رووحي حنا ناازليين باكل اللي بيدي بس ..
التفتت على خلوود / اقوول خلود مو انتي بعد تقولي لعبدالله ابو العيال ترى كللش مو جاي عليه
خلود / لا اهو اصلا حتى بو ريان مو جاي عليه ههه
عبدالله / كيفك انتي معها ؟؟ بو ريان غصب عليكم
(( عبدالله عمره 26 سنة تزوج وهو صغير وخلود عمرها 22 سنه يعني يوم يتزوجون كان عمر عبدالله 20 بس وخلود 15 سنه !!! كانوا مراهقين ولأن حبهم متبادل من الطرفين عبدالله كان يحن على امه تخطبهاا له ولا مهددهم يسوي في نفسه شي !! وعلشان كذا تزوجوا وهم صغار ومراهقيين بعد .. واهم شي انهم ماايختلفوون كثيير بعد الزوااج متفاهمين على طوول ) ..
ريناد / جد حتى شكلك مايوحي انك متزوج وعند بنت وولد
عبدالله / بعد حتى انتي !!
خلوود وهي تناظر حبهاا اللي بجنبها وتتأمله كيف يتكلم ويضحك بعفوويه
عبدالله لاحظ انها تنااظره التفتت عليهاا .. وشاف نظرة اللهفة بعينها ماقدر يقااومها .. قرب منهاا بقووه ولف يده على آخر ظهرهاا ... لكن انتبه ان ندى وريناد يتكلموون .. التفت عليهم .. / وانتم لحد هالحين هنا !!
ندى ( برجه شويه ) / عاادي عاادي خذوا رااحتكم ههه
ريناد تأشر على ندى بأيدهاا / يالله قومي نطلع وسحبتها من يدها ..
ندى تناظر خلوود وبخبث / اقوول بكرا لاتداومين احسن لك ,, (غمزت بعينهاا ومشت )
عبدالله / ريناد خذيها بسررعه وسكري الباب اذتنا ترااها
خلود / تصبحوون على خير
عبدالله مشى وطفى الكاميراا وطفا الشموع كلهم الا اللي على جنب السرير ..
وغير الميووزك وحط ميوزك رومانسيه اكثر ,,
خلود اتجهت لغرفة التبديل ,,
عبدالله / وين تعالي
خلود / ببدل يااحلو
عبدالله جا لعندها وقرب منها / لا خلك الحين .. مسكها من يدها وسحبها لوسط الغرفه وحط يده على خصرهاا ويده الثانيه ورى رقبتها / يالله خلينا نرقص
وهم يتمايلوون برومانسيه وشاعريه
خلوود ( بدلع وهي تناظر عيونه بكل حب ) / امووت فيك
عبدالله ماقااوم هالنظره حملها بيدينه وهو يدوور فيها وبأعلى صووته / ياناس احبها والله احبها نزلها بكل هدوء عالسرير وطفا الشمووع كلهم
......

الفصل الخامس
:::::::::::::::::
في صباح اليوم الثااني ..
::::
لميس بعد مافطرت .. / يالله باي جا السوواق ( وهي تلبس عبايتها )
بو عصام / انتبهي لنفسك وغطي عيوونك يالموس
لميس / ( يالله صباح خير ) انشالله بابا ( ونزلت الشيه على عيونها) كذاا زيين ..
ام عصام / يالله اسرعي لا يمشي عنك السواق المربووش الحين
لميس اخذت شنطتها بسررعه وهي تركض / باي
:::
اما عائلة بو هشاام ..
جالسين يفطروا كلهم .. ورنيم تتغصب الأكل وواضح انها مانامت كويس من عيونها النعسانه
دق جوال شوق دقه وقفل على طوول ...
شوق / يالله باي جاا السوواق ,,
الكل / باي
ام هشام / رنيم وشفيك ؟؟
رنيم ( التفتت بسررعه وارتبكت ) / امم مافيني شي ..
راكان يناظرها ويسألها / تعبانه مرضاانه ؟
رنيم / لا .. أي .. أي شكلي
هشام / لاتروحي المدرسه اليوم
ام هشام / ايوا اذا مافيك حيل لاتروحين
رنيم / لا برووح اليوم ضروري عليً اختبار
راكان / عاادي ناخذ لك تقرير من المستشفى وعيدي الأختبار
ام هشام / ايواا هشام راح يوديك المستشفى
رنيم ( ودها تصرخ .. اسكتوا بس ... ماني مرضاانه انا تعباننه من داخل .. اسكتوا ) / لا لا مايحتاج انا راايحه اكيد جا السواق هالحين بااي ( ومشت ببطئ وطلعت ) وهي تتذكر حكي فيصل لها .. (( صعب انساك واخشى مع الوقت تنساني ... مالي شواطئ ولا مرسى اذا موجك تعداني .. ))
هشام / الحين بتروح وبيدقون علينا مدرستها نجي نآخذها يعني لو تغيب احسن لها
ام هشام / الا ابوك ماقالك متى بيجي ؟؟
هشام / لا ..
راكان بعد ماشرب العصير / ليه ؟؟ هو وينه ؟؟
هشام / ويين الناس ابوي بالشاليه مع شلته ههه
راكان / ههه وانا اقول ليه شاريه اثاريه يبغا يطييح فيه
ام هشام / اسكت انت معه بس
هشام / ههه يالله اجل انا رايح الدووام باي
:::::::::::
عماد طبعا دل بيت ندى بعد مالحقهم بسيارته ,, والحين هو وااقف قدام بيتهم بسيارته .. (( ايوا هذا بيت بو عبدالله الفارس ... صاحب شركة السيارات .. اها ))
::
بو عبدالله / انا طالع تامرون على شي ؟؟
الكل / سلامتك
يلتفت على ريناد / ها اليوم احسن انشالله ؟؟
ريناد / ايوا بابا الحمدلله ..
ندى / قلت لها ترتاح اليوم بعد لا تطيح علينا مثل امس بس هي رفضت
بوعبدالله / انتبهي على نفسك ولا تتعبين حالك .. اذا تعبانه لاتروحين خليك اوديك المستشفى ..
ريناد / لا .. والله صرت كويسه مايحتااج .. واليوم اول يوم اختبار الدوري ماابغا افووت ..
ندى / آآآآآآآه منك ,, (تناظر الساعه ) .. اووه يالله رنوود تأخرناا الحين يجي السواق
لبسوا عباياتهم وطلعواالحديقه .. وجلسوا بالكرسي اللي قدامه الناافووره ينتظرون السوااق ,,
ندى وهي تلعب بالموويه عند البركة بالحديقة
ندى / ههه
ريناد / وشفيك ؟؟
ندى / لا بس تذكرت خلود وعبدالله البارح هالأثنين تحفه لا يقيين على بعض
ريناد / ههه ياحلااتهم والله
ندى / ماشفتي شي من جنونهم
ريناد بلهفة / ام هم يحبون بعض قبل الزواج ؟؟ ولا كيف ؟؟ يعني الحين خلود صغيره صح ؟؟
ندى / حبة حبة .. كل هذا تبغيني اجاوب عليه ؟؟
ريناد / يالله بلا دلع قوولي .. كيف ؟؟
ندى / بأختصار هم يحبون بعض قبل الزواج وخلود بنت صديق ابوي ودايما معنا بالسفر والطلعات والتمشيات فهمتي .. اخوي تعللق فيها وحبواا بعض من صغرهم .. بس هذا اللي اقدر اقوول
ريناد / طيب كيف تزوجوا كيف رضيتوا تزوجونه وهو لسا مااتوظف
ندى / شوفي ... عبدالله الولد المدلل في هالبيت عرفتي .. ماتلاحظي كيف ماما وبابا يعاملووه وكأنه لحد هالحين هو طفل صغير ... وهو بدا يحن عليهم يزوجونه ولا بيعمل ي نفسه شي وزوجووه لأن حبهم كان وااضح من الكل تخيلي وهذا
اللي قالي اياه عبدالله و ... بس ,,
ريناد / اها .. عارفه عبدالله يدخل القلب بسرعه ماشالله حبووب وانا حسيت انه قرييب مني ومااخجل منه تعودت عليه بسررعه ..
سمعوا صوت السياره وبدا السواق يزمر ...
ندى وريناد تنقبوا وطلعوا
::::::::::::::::
عماد اول ماانفتح الباب نزل من السياره .. ورتب نفسه .. ورفع النظاره السوداا من عيونه
وعقد حواجبه لما شاف 2 طلعواا ..
عماد / منو هذي اللي معها ؟؟ طيب الحين وينها هي هذي ولا هذي ؟؟ <<< احتار شووي
مشوا لعند السياره وكانت سيارة عماد من الجهه الثانيه ,, واركبواا ومشت السيارة ..
عماد بعصبيه / اوف ,, الحين كيف اوصل لها هذي ؟؟
يأس .. وركب سيارته ومشى للجامعه ..
::::::::::::::::::
خلوود .. طالعة من الحمام وتغني بهدووء ( لأليساا اجمل احساس ) والمنشفه على جسمها وشعرها ..
اجمل احساس فى الكون انك تعشق بجنون ودة حالى معاك
خالتينى اعيش ايام مليانة بشوق وغرام دوبنى هواك
عشقاك بجنون روحى انا قلبى المفتون كلة غناة
وياك بيعيش احلى هنا
حبيبى انا يا روحى انا
يا ويلى يانارى قولى ازاى ادارى
شوقى ولهفة حبى انا
دخلت غرفة التبديل لبست تنوره رماديه طويله جينز وقميص احمرر حريير .. وطلعت ..
راحت قدام المرايه ,, وحطت جل في شعرها ومشطته بأصابعها بس .. .. كان منظره حلوو كأنه لسا مبلل ..
اخذت غلووس وحطت بشفايفها ..
مشت لعند السرير ..
خلود بصوت وااطي / عبدالله ... عبودي .. قوم منت رايح الدوام الساعة 7 ونص
عبدالله وبثقل / ها
خلود بدلع وهي تحرك شعر رااسه المنكووش / قوم ........ عبدالله ..
عبدالله / اف والتفت الجهه الثانيه ...
خلود شالت الغطا من فوقه .. / قوم بلا دلع .. يالله وصلني الروضه بسرعه
عبدالله حاط ايده على فمه ويثاوب / جهزي لي الباانيوو
خلود / جااهز بس انت قووم .. ماابغا اتأخر ..
عبدالله اتكأ عالسرير / دقي عالمديره واعتذري مافي تدريس اليوم ..
خلود / لا ياحلوو عندي شغلات ضروريه ابعطيها الأطفال ..
عبدالله / وروان وريان جهزوا
خلود / أي يفطروا هم الحين ..
عبدالله نزل من السرير وقرب منهاا وبنبرة رجا / تكفين بلاها اليوم حتى انا ماني رايح الدوام تعبان
خلود بدلع / ههه وانا تعبانة بس قلت لك عندي شغلات مهمة ..شووف حتى ماحطيت شي بوجهي ولا مشطت شعري كويس بس علشان ماابغا اتأخرر .. تكفى بسررعه
عبدالله جذبته ريحة عطرها .. ونعومة وجهها .. وقرب منها اكثر ..
خلود حست فيه وبأنجذابه لها من نظرات عيونه .. هزت راسها بالنفي / لا بليز ضرووري ارووح
ومشت من عنده/
انتظرك بالصاله ,,,
عبدالله يصارخ عليها / جد نذله
وبيأس دخل يتروش ,,
:::::::
بالجامعه
راكان / هي .. انت وشفيك اليوم مكشر ؟؟
عماد ومن غير نفس / ها وشتبي ؟ انت بعد ؟
راكان / قلت شفيك ؟؟؟
عماد بصوت وااطي / راكان شفتها اليووم ..
راكان مستغرب / منو ؟؟ اللي شفت ؟؟
عماد / في غيرها .. البنت اللي بالمجمع
راكان فتح عيونه للآخر / كيف ؟؟ كلمتهاا ؟؟ من بنته ؟؟
عماد / بشويش علي .... ياليت عرفت عنها شي ..
راكان / ليه مو انت تقول شفتها
عماد / يالغبي شفتها من بعيد جنب بيتهم بس لما طلعت طلعت معها وحده الظاهر اختها رايحه معها المدرسه
راكان / اها
عماد / وش اسوي ؟؟ قول لي ؟؟ كيف اكلمهاا
راكان / ههه من جدك انت ..
عماد / احر مااعندي ابر ماعندك ( التفت من جنبه ومشى )
راكان ينااديه / عماد عمييد تعال لحظة
عماد التفت عليه / ها خير وش تبي بعد
راكان مسك ايده / تعال اجلس ..
وجلسوا سوا
راكان / شوف انت بالأول اعرف من بنته علشان ممكن يسهل عليك هالشي
عماد / وانت تفكر مااعرفت من بنته ؟؟ عرفت وخلاص بس الحين ابغا اكلمها او أي شي
راكان / بذمتك ؟؟ من بنته ؟؟؟؟؟
عماد / بنت بو عبدالله فارس الفارس ... صاحب اكبر شركة سيارات تدرس بالثانويه بس ابغا اعرف اسمها ؟؟ واي صف وهل هي مرتبطه او لا ؟
راكان / ايوا بس مو كأن هذا مو متزوج ؟؟ او .. ماادري سامع عنهم شي بس مااتذكر
عماد / متزوج وثنتين بعد .. بس الظاهر الثانيه متوفيه وعنده ولد وبنتين او ثلاث ...
راكان / وانت من وين لك هالمعلومات كلهم
عماد / افا عليك ... اجيبها وانا ولد ابووي
راكان / والله طلعت منت هين ابد
عماد / ههه
راكان / أي اكيد مطيح كل هالبنات وماطيح هذي <<<< يبغا يستفزه
عماد / ..... انقلع عن وجي ... واحب اعلمك ان البنات اللي خبري خبرك كل وحده راحت بحالها والحين انا حر
راكان / احلى يااحر ... المهم بس انتبه على نفسك .. واب .....
عماد / راكان انا عارف نفسي كويس وعارف شنو اقول وشنو ابغى .. ( يأشر على قلبه ) .. وهالقلب مانبض الا لها ..
راكان / ههه الله يفكك ولا يبلانا
عماد / أي اضحك وشعليك ,, متهني بالعسل
راكاان / شقصدك ؟؟؟
عماد / ههه الماسنجر ولا ايش عندك شي ثاني
راكان / يالمجنون وربي مااعندي احد وانا لجلست عالنت للبنات ؟؟؟
عماد / ماادري بس انت فيك غموض مو طبيعي
راكان / لا غامض ولا شي بالعكس انا رجال سيده مااعندي خراابيط ولا شي
عماد ( مااقتنع من كلامه ويفكر كل اللي حواليه مثله ) / طيب اووكي صدقتك
::::::::::::::::::::
في المدرسه
ندى ولميس مع بعض بالصف ثالث ادبي
وريناد ورنيم و ريهام معهم بعد بنفس الصف ثالث علمي
::::
آخر الد\وام
لميس لابسه عبايتها وتأشر بيدهاا وهي مستعجله / باي بكرا الخميس بتوحشووني كثيير
ندى بصوت عاالي / اقول لاتنسين غطي عيوونك ههه
لميس / يالدبه مو فاضية لك .. انا لك بس انتظري لما اتزوج بتشوفيني طالعة وكاشفه وجههي بعد
ندى / أي هين ههه
ريناد / ههه شكلها يضحك كيف تشووف ؟؟ هذي ؟؟
ريهام / اتوقع لتزوجت زوجها بلسها كفوف مره وحده ههه
لميس ( بعصبيه ) / مالت عليكم ... (وطلعت .. ) ..
ريهام ناظرت ندى / بنشوف انتي بعد لما تتزوجين حنا اللي بنتمسخر عليك ههه
ندى / وش معنى انا يعني ؟؟؟
ريهام / لا بس لأن ريناد مستحيل اتمسخر عليهاا ههه
ريناد / ههه اقوول كل شي ولا ندووش هذي الغالليه
ريهام / لا اهو بس خلي حد يخطبها وافتك منها صايره لي نشبه
ندى / اقول لا يكثر بس .. ههه
سمعت ريهام اسمهاا ينادونه / اووكي جا السواق
لبست عبايتها ومشت ... لعند البوابة الرئيسية
ندى / غريبه ماجات سلمت ؟؟
ريناد / ياربي لا يكون زعلت هذي بعد ... ياقلبي يارهووم
ندى / مااتوقع ماقلنا شي غلط حنا كذا هذا مزحنا
ريناد رفعت كتوفها / .......
شووي الا وترجع ريهاام بعبايتها ونقاابها .. / نسيت اسلم عليكم بكرا الخميس
سلمت على ريناد ولمتها ../ بتوحشيني
ندى / ههه لازم اللمه ماتنسينها ولا ماتكوني ريهام
ريناد / ريهام زعلاانه ؟؟؟
ريهام / لا انا ماازعل منكم ابد باي
ندى / ايوا هذي رهووم اللي نعرفها يالله بااي
وطلعت .. الا ينادون اسماائهم ندى وريناد الفارس ..
ريناد / يالله قومي جا السواق ..
البسوا عباياتهم واطلعواا
::::
عماد كان واقف عند المدرسه ورى سيارة السايق بالظبط .. وسمع السواق لما ناداهم بالمايك .. (ندى وريناد الفارس )
عماد / .... طيب منو ندى ومنو ريناد .. منو اللي شفت ؟؟
انتبه بطلعتهم وبقربهم للسيارة مشوا قدام سياارته .. وهو واقف قداامها ...
مانتبهواا فيه لأن كانوا رجال كثير واقفين بعد ..
قربوا لسيارتهم .. وعماد اول مامرت من جنبه ندى .. عرفها عرف هيئة شكلها عرف نظرتها وعيونها ...<<< هالمرة دقق كويس .. ولا احتار من بينهم .. لأنها قربت من عنده وهي تمشي ..
:: ولما وصلوا سيارتهم ..
ريناد رقيقة ينقال عنها ماعرفت تفتح باب السياره الثقيل / ندى .. ندى افتحيه مااعرف ؟؟
ندى / ...طييب .. ( وافتحته بكل قوتها .. ) .. ادخلي يالبيبي ..
عمااد /( اها اسمك ندى ) ,, وهو يناظرها ليمن ركبت / يااقلب عمااد انتي ....
اوصل لك اوصل ... وانا عماد وراح تشووف ياراكان !!!
::::::::::::::::::::::::::