الحب عذاب من ذاقه ذاب قصه سعوديه

1. ام علي : الله يحفظكم


2. _ تابع الجزء الاول __

السلام عليكم
هذا اول قصه اكتبها بيدي ومن تأليفي
وبصراحه اليّ مشجعني
منتديات الم الامارات
واتمنى ان تنال إعجابكم
ابطال القصه
محمد و ساره
(( بيت ابو سالم ))
بندر -ابو سالم- هو اكبر اخوانه , ام سالم -عزه-
سالم اكبر اولاده يدرس في كلية التجاره
يوسف اصغر من اخوه سالم بسنه وهو يدرس في جامعة الملك سعود
يوسف ونوره توأم يعني نوره ع سن يوسف وهي تدرس كليه قسم كيمياء وثالث كليه
العنود تدرس قسم Enghlish وتتمنى انها تصير بلبل ثاني كليه
((بيت ابو علي))
خالد _ ابو علي _ بعد اخوه ابو سالم , فوزيه _ ام علي _ ما عندهم بنات بس ثلاث اولاد
اكبرهم علي ,علي متزوج دلال بنت عمه صلاح
الثاني طلال موظف
والثالث محمد موظف طب ع سن سعود
(( بيت ابو دلال ))
صلاح _ ابو دلال _ بعد اخوه خالد _ ابو علي _ , علياء _ام دلال _
دلال متزوجه ولد عمها علي وهي اكبر خواتها ومتخرجه قسم الرياضيات
نوف الكبيره وتدرس قسم Enghlish ثاني كليه تدرس مع العنود_ بنت ابو سالم _
وفاء اصغر من نوف وتدرس ثالث ثانوي علمي
(( بيت ابو سعود))
ياسر _ ابو سعود _ هو اصغر اخوانه , مريم _ ام سعود _
سعود اكبر من سارا بسنه وهو دكتور علم النفس
ساره اخر سنه لها بالكليه قسم الفنيه
@@الجزء الاول@@
صحيت ساره في الفجر فتحت عينها بكسل طالعت ساعتها لقيت الساعه ثلاثه ونص وباقي ع اذان الفجر ساعه قامت,توضت وصلت الوتر ,,وجلست تقرأ القران لحد ما اذان بعد اذان الفجر قامت صلت وراحت تصحي سعود وابوها وامها
في غرفه سعود
ساره..:سعود سعود
سعود.. :هم
ساره..:يالا قوم
سعود..:وش تبيني اقوم اسوي لك
ساره..:قوم الصلاه
سعود:اي صلاه
ساره..:بسم لله عليك قوم صلاه الفجر
سعود..:إن شاء الله
ساره الصوت اعلى من الاول:قوم لا تأخر الصلاه
سعود:وجع اعصابك علينا خلاص بقوم يالاطلعي وقفلي الباب
ساره "تبي تضايقه عشان يقوم":ماني طالعه إلين ما اشوفك تنشطت
سعود:..............<<<نام الاخ
ساره"شكله نام ":سعود
سعود:وجع خرعتيني
ساره:يالله
سعوود: ان شاء الله
قام سعود والكسل مسيطر عليه
سعود : ساره
ساره :هلا
سعود:اقاموا الصلاه
ساره: لا لسى
سعود:انزين عشان الّحق ع الصلاه في المسجد
ساره: انا بروح اصحي ابوي وامي
سعود: شطوره ساره
ساره وتوجه الضربه ع ظهر سعود:وجع ماني طفله عندك
سعود:ههه
ساره طلعت وقفلت الباب ورها اما سعود قام يتوضأ وساره راحت تصحي امها وابوها
((في بيت ابو علي))
ابو علي راح يصحي طلال و محمد لصلاه اما اخوهم علي متزوج
ابو علي راح لغرفة طلال ومحمد ,ابو علي وقف بين سرير طلال و محمد ويده اليمنى ع طلال واليسرى ع محمد
ابو علي "يدق محمد":محمد محمد يالله قوم الصلاه
محمد: ان شاء الله انتظرني عند الباب انا جاي
ابوعلي"يدق طلال":طلال طلال يالله الصلاه
طلال "مترفز مانام إلا في وقت متأخر":نفس الموال ونفس الحال ابوي إلي يصحينا
ابو علي:وجع يالله قوم
ابو علي عنده عاده يصحي عياله مره _يعني إنذار_وإذا ما صحيوا ع طول مويه
ابوعلي : بتقوومون ولا ايلوبي الثاني
محمد:ابوعلي وش الاسلوب الثاني
ابوعلي :طلال محمد انتظروا الهديه إلي بهديها لكم
طلال:محمد
محمد:هلا
طلال:والله ابوك صار يعرف الهدايا
محمد:ههه انتظر نشوفها يمكن قديمه
طلال:ننتظر
ابو علي"كان يسمع كلامهم نرفزوه عياله "
راح وجاب مويه ,محمد اول ما شاف المويه نط فوق طلال دخل ع طول الحمام _الله يكرمكم _ .اما طلال يخاصم محمد <<< ما درى ان ابوه جاب المويه
وغط وجه باللحاف
إشوي حس ان حد شال اللحاف ع وجه والمطر _ مويه بارده_ يرش عليه شهق طلال
ابو علي:بسم لله عليك
طلال : ابو علي
ابو علي : وجع ما تعرف تقول ابوي
طلال: هي الهديه
ابو علي: وش رايك؟؟!!
طلال :ياحظك ياعلي رحت وافتكيت من هدايا ابوك
ابوعلي:ليش انا مو ابوك
طلال: إلا
ابو علي : يالا قوم
طلال : قام <<< تنشط
محمد طلع من الحمام وشاف اخوه وتم يضحك عليه
ابو علي : طلال انا ومحمد بننزل لا تتأخر
طلال:ان شاء الله بس دقايق
ابو علي :والله نفع معاك المويه
طلال:إيه بس لا تعيدها
ابو علي ومحمد نزلوا وبعدها بدقايق نزل طلال
محمد: صباح الخير يمه
ام علي : صباح الخيرات وين اخوك؟!
محمد: ورانا
ام علي : يالا روحوا صلوا عشان تفطروون
طلال : هلا وغلا ياللي نورها غطى نور الكهرباء
ابو علي "يوجه الكلام لمحمد":اخوك صار شاعر
محمد:ههه
طلال:اصير شاعر لعيونها "يطالع في امه ويقول:انا معاك شاعر امعلي ابو علي يغار
ابو علي ضرب طلال ع راسه:إعقل
طلال:إعقل علينا ترى نفهمها (يغمز لأبوه)
ابو علي كان وده يضرب طلال بس تم يطالعه
محمد: يالله الصلاه
محمد وطلال و ابو علي <لأم علي>: مع السلامه

ام علي : الله يحفظكم

_ تابع الجزء الاول __

ساره بعد ما راح سعود وابوها قامت اخذت (شور) تسبحت ونزلت المطبخ واخذت عصير بارد سعود و ابو سعود جوا من المسجد وكل واحد فيهم توجه لغرفته سعو ما جاه النوم ودوامه الساعه 8 وهو يحاول ينام بس ما جاه النوم نزل تحت وشاف اخته ساره تطالع التلفزيون
سعود: صباح الخير يا احلى بنت في هالدنيا
ساره _تبتسم _: صباح الورد
سعود: وش رايك نفطر برى ؟؟!
ساره ((مستغربه من اخوها )):وين برى وين ناوي نفطر
سعود : المطعم
ساره : وش رايك تجيب فطور من برى ونفطر في البيت ونطلع نتمشى
سعود: اوكيه
طلع سعود وراح يجيب فطور من برى
(( في بيت ابو سالم))
الكل نايم ما عدا يوسف ,يوسف حاب يزعج واحد من اولاد عمه
يوسف"ازعج مين محمد ولا طلال ولا سعود . سعود اخليه ينام المسكين عنده دوام اليوم . محمد ولا طلال .محمد وطلال عندهم اجازه الأربعاء والخميس والجمعه
طلال مثل اخووه
احسن ما في غيرر طلال و محمد "
يوسف يدق ع طلال دقه وبعدها يدق ع محمد وع هذا الحال
طلال: محمد محمد
محمد:هم
طلال:قفل جوالك لااقوم واكسره
محمد: ان شاء الله
محمد قفل جواله اما طلال متكاسل يحط جواله ع صامت
طلال شاف المتصل عليه يوسف دق عليه
طلال : يوسف وجع
يوسف "يقلد صوت البنات " :سلامتي من الوجع
طلال :وش تبي
يوسف :انت وش تبي انت المتصل مو انا
طلال قفل في وجه
يوسف "والله اردها لك"
تكملة االجزء الاول بعد ما اشوف تفاعلكم