الحقوني انا يابأستخف او بموت قهر تكفون يالسنعات

حرم دودي

23-02-2022 - 02:24 am

السلام عليكم ورحمة الله وبركاته
الموضوع ياطويلات العمر
انا عروس
لي شهر واسبوعين
وزوجي يموت بالحلى
وانا ولله الحمدلله تخصص حلى وانا عند اهلي
ماشاء ماتعوق معي
ولكن من جيت بيتي الله المستعان
تصدقون امس رميت 3 صواني حلى
والله خفت من الله اكب النعمه
بس وش اسوي يطلع لي الكيك مثل الخبزة
سويت كل الاصناف اللي اعرفها
واطيح بالفشايل
مدري وش الحل
استخدم مضرب كهربائي زي العادة
واجلس تقريبا ربع ساعه اخفق الخليط
استخدم فرن كهربائي زي العاده
انا شاكه بالبيكنج باودر
انا استخدم اللي علبته بلاستيك ومكتوب عليه بالسماوي
مدري تكفون تكفون
وش اسوي بأطق من القهر
وش اسوي والله افتشلت
انصحوني خلصت الدقيق والبيض والحليب وكله بالزباله
انتظر ردودكم قبل يرجعني بيت اهلي

التعليقات (9)

حسناء نجد

23-02-2022 - 05:38 am

بسم الله عليك هوني على نفسك انت شكلك متلخبطه وخايفه انك تفشلين عشان كذا ماضبطتيهم
سويله الحلويات السهله الي تكون من بسكوت وطبقه جبن ونستله لما تتعودين على مطبخك بعدين سوي الكيكات والاشياء الصعبه

~شمعة حيآتي~

23-02-2022 - 06:39 am

استخدمي بيتي كويكر روعه
ويضبظ معااك ان شاء الله
انتي حاولي ااذا جيتي تسويه سووي عادي وسريع لاتجلسينحبه حبه كذا يخرب ولاتفكرين انه بيخرب
الله يكون بعوونك

شهد المحيني

23-02-2022 - 07:40 am

هونيها الله يسعدك وتفاءلي خير لازم يمر الانسان بهالازمات يمكن مثل ما قالوا الفراشات انك مرتبكه وشاده على نفسك لا تحطين الفشل قدامك بالعكس ارفعي من نفسك وانه بتنجح ..وابدئي بالطرق البسيطة

على أمل أن تعود..

23-02-2022 - 08:41 am

ان شاء الله البنات فادوك

..{ !.هــنـونيے.! }..

23-02-2022 - 09:42 am

يرفع للمساعدة

حرم دودي

23-02-2022 - 10:43 am

والله قهههر

ألماسة آسيه

23-02-2022 - 11:44 am

اختي انبهي لتاريخ الانتهاء حق البكن بودر
وانبهي اختي بعد تري الكيك ما يصلح تخلطين الطحين كثير بس خلط سريع احسن وافضل للكيك
والله يكون في عونك

ملامح الليل

23-02-2022 - 12:45 pm

لا تستخفين ولا شي هذي شي عادي مع الايام تزبط معاك
لا ستخفي خلي الامور ببساطه او انك تخلي الفرن على العالي لازم توطي فيه

احب زوجي وبنتي

23-02-2022 - 01:46 pm

لازم يصير معك كذا او زواجك لانك خايفه واذا خربت مره خلاص كل مره بتخرب اللين تستعيدي ثقتك بنفسك ابقولك شي
اولآ اتركي الكيكه وسوي شي ثاني اسهل مايبي فرن ثانيآ اذا خربت الكيكهاو احترقت لاترميها فتتيها وسويها تشيز كيك
والله يوفقك

كيك الروب الزبادي بالحليب←
كيكة التمر بالجوز بالصور→