الحقوني يالفرشات بالمكياج الاسود

انا استخدم اعواد الاذاني واحط فيها مويه وبعدين احطها على الاسود يطلع رهيب

هلا حبوبة..انا صراحة الي اعتمد عليه هو ماركة الشدو نفسه.لأن بعض الماركات ماتطلعلج درجة الاسود الي انا ابيها..أستخدم قلم الكحل الاسود كأساس على كامل الجفن ومن بعده أحط الشدو الاسود بأسفنجة الشدو بس يكون فيها ماي ..على اساس انه يثبت اللون اكثر..وعلى الزاوية الخارجية للعين امد اللون الي انا ناوية ادمجه مع الاسود,,وردي ,بنفسجي او اي لون ثاني..
وأسفة على الاطالة واتمنى ان هالطريقة تكون مناسبة لج ولباقي البنوتات..

كنت أتمنى اساعدك بس حتى أنا ما اعرف الطريقة
البنات ما قصرو بالرد
ما حبيت ادخل واطلع بدون ما ارد

حبيبتي هاي بعض صور المكياج لضل اسود وان شالله تساعدك
وطبعا انتي عارفه حبيبتي انه الاسود ما ينحط بروحه لازم معاه لون ثاني
مثلا شوفي هاي وايد تعجبني
وهاي طريقه حق مكياج اسود من البدايه لين النهايه
- طبعاً قبل الاساس ضروري تكون البشره نظيفه عن طريق تنظيفها بتونك وقطنه على جميع الوجه.
2- وضع كريم مرطب لجميع البشره مع مراعاه نوعيه البشره والكريم المناسب لها.
3- بعد خمس دقائق على وضع الكريم نضع الاساس على جميع اجزاء الوجه وخاصه العين.
4- عند وجود هالات سوداء حول الحين استخدام اساس اغمق درجه من الاساس المستخدم في كامل الوجه "ليه؟؟ لان اللون الفاتح على المناطق الغامقه يبرزها اكثر من انه يخفيها".
5- طريقه توزيع الاساس حول العين يكون بالضرب الخفيف حول العين بالبنصر لانه اضعف اصباع..
6- نضع البودر بالضغط "لان المسح يمسح الاساس"..والزائد ازالته بفرشاه احمر الخدود..
7- نضع الملمع او مايسمى الاضاءة..حول الجفن...وهذي الخطوه مهمه لانه تضفي اللمعه للون الاسود..
8- ضروري نعرف اقسام الجفن علشان نرسم باتقان.. الجزء الاول ماتحت عظمه الحاجب.والجزء الثاني مافوق العظمه واحنا اكيد راح نرسم في منطقه ماتحت العظمه...ناخذ قلم الكحل علشان نحدد منطقه الرسم.. طبعاً كل عين تختلف مساحه الجفن عن العين الاخرى نرسم دائره على حول العين ونراعي انه مانتجاوز حدود المنطقه وبعدها نرسم العين الاخرى ونراعي تكون مشابهه لنفس الرسمه مافي اختلاف.
9- نبدى بملىء الدائرة باللون الاسود ويفضل بالفرشه السائل الي ينخلط بقليل من الماء نحاول مانكثر الماء علشان ماتختلط الالوان.
10- نحاول ننثر بودر اللون الاسود بفرشاه النثر فوق المائي علشان يعطيه وضوح اكثر ...ونحاول ننثر اللون حول الدائره ونراعي احنا للحين بعيدين عن الحدود..
11- اذا نبي نضيف لون اخر راح نخليه في المنطقه مابين منطقه ماتحت العظمه ومافوق العظمه..وممكن نصل للعظمه على حسب شكلل العين بس كل ماارتفعنا الى اعلى يكون اللون افتح .يعني نضع قليل من اللون ونبدى بتوزيعه على المنطقه بدون اضافه.
12- نضع مره اخرى الملمع تحت الحاجب وضروري يكون خفيف ويتجانس مع البشره ..
13- تصحيح شكل الحاجب وتثبيت شكله بواسطه ماسكارا الحواجب...
14- نرسم بالكحل او الالينر فوق العين وناخذ قلم الكحل ونكحل العين ونرسم خط خفيف تحت العين ونزيد عليه من بودره الضلال باللون الاسود واذا اضفنا لون اخر على الاسود نراعي وضعها ايضا تحت العين .
15- اخر خطوه نحدد الرسمه في نهايه العين بزوايه من نهايه العين الى نهايه الحاجب ونمسح الزائد ومراعاه تكون العينان رسمتها وحده
وان شالله تكوني فهمتي ويطلع معك النتيجه المطلوبه
وان شالله ما اكون قصرت

الف شكر اختي مايسه

الى اغلى الفراشات الشكر لكم على الردود
توته الدلوعه------- الف شكر على النصيحه
مايسه------------- واو الله يعطيك العافيه على الصور الرائعه والطريقه المكياج اكيد باجربها
وتسلمين تعبتك معي
تحياتي للجميع