الحقو يافراشات رومنسيات في رومنسيات

يسلمو كتير حلو

ليله النحله
لبس نحول
تباع الشمس ...
يبيلج ورده طبيعيه وحده
شرشف على ورد او لونه اخضر
بتلات ورد
نصيحه بخصوص بتلات الورد ..لاتاخذين طبيعي ..اول شي غالي و حده يومين و يخيس ...اخذي صناعي و اذا ما لقيتي ..اخذي ورد ...و قطعي بتلاتها ..ورشي عليهم عطور حلوه
ليتات على ورد ..
اخر شي و اسهل شي
جهزي ورد ملون و سويه على شكل ورده ..قعدي انتي و بناتج و سوو حصه قص و لزق ..خلي كل ورده كبر كف ايدج
و كتبي داخلهم كلام حب و غزل يطلع من قلبووستج حق قلبوسه ريلج ...
عسل ..طبعا ماكو نحله ماعندها عسل
موسيقى او ألحان على الطبيعه و عصافير
يبيلج بعد عطور على ورد او فواح على ريحه حديقه وورد او تفاح اخضر او فراوله ..تلقينهم عند بدي شوب
طريقه العمل
اول شي بلشي بالغرفه او الشقه ..يفضل تسوينها بالصاله ..تاخذين الفراش و تحطينه بالارض..بعد اشوي تعرفون ليش..
توزعين الزرع و الورد بالصاله مع تباع الشمس..و تنثرين بتلات الورد من المدخل لي الفراش ..الفراش طبعا بالارض و المفرش على ورد
و تحطين الفواح ..و تعلقين الورد الي على ورق الي سويتيه على الطوفه و بكل مكان بالغرفه ...و تصكرين الليتات و تحطين الليتات الي على ورد داير مدار الفراش..و تقعدين بالفراش و تمسكين بيدج ورده تقطعيها و تشمينها ..يعني اغراء لول
تجهزين عصاير ملونه ...معاها برد و فواكهه ...او تحطين سله فوكه منسقه ...او تسوين جوكليت بار لوول ..فوندو اقصد..القعده ما تحلى من غير البلعه لوول
الحين دورج
تسبحي ..و دهني روحج بكريم على فواكه او فراوله
مكياج : خليه ناعم على وردي ..و اذا عندج استيكرز الي على نجوم حطي وده على خدج مع لمعه مع قلوس
و شعر : فلي شعرج ..و لبسي باند ملون او حطي شرايط ملونه على شعرج
و يالله لبسي لبس النحله مع الجناح علشان تطيرين عقل ريلج
الحين قعدي على الفراش الي حاطته بالصاله جنج قاعده بحديقه مع صوت العصافير
اذا يه ريلج و كليتوا ..جنج ما تدرين حطي صبعج بالعسل و هم ..و الباجي انتي فهميها

ليله شهرزاد
-كتبي رساله بورق قديم تصنعينه بحرق اطرافه وانت وفنك كدعوه لهذه الليله
-فرشي فرشه بالارض وكوشيات ملونه زري وجهزي سفره على طاوله دائريه ارضيه واستعملي اواني كلها ستيل ذهبي يعني ستايل قديم وشيفونات بالغرفه وشموع
-لبسي لبس شهرزاد مع الشيفون بالويه والبنطرون المفتوح واكسسوارات ذهبي واساور وحيول
-اشتري تحفة على شكل مصباح وحطي داخله شمعة وحاولي يكون فيه فتحه عشان تدخلين الشمعه وطفي اضاءة الغرفة كلها وحطي الشمعه بداخلها وشغليها .. واكتبي جنب المصباح ورقة (( أفرك المصباح)) حاولي تنخشين ورا اي ستارة بالغرفة او اي مكان مايشوفك فيه بس انتي تشوفيه وبس ياخذ المصباح وينفذ المكتوب الا انت طالعه له زى الجنية وتقولين اطلب واتمننى راح احقق لك 3 أمنيات
-بعد العشا رقصيله رقص مثل المسلسلات القديمه وحركات مع الدلع على نشيد او لحن الف ليله وليله وهذا رابط التحميل
http://www.4shared.com/get/25281239/d5961809/___.html

ليله العبايه
-تجهزين طاولة القهوة وترتبينها بشكل حلو ورومانسي ويكفي تشعلين عليها شمعة لخلق جو حلو
ولا تنسين تعطير المكان والبخور وياليت لو تكون فيه ريحة قهوة تعطي إحساس انكم في كافيه
-والأهم العباة السودة لازم يكون قماشها ناعم وحلو والنقشه غير وتكون مخصرة على الجسم تمام ومفتوحه من جدام
-تحت العباة ما تلبسين غير الإكسسوارات أو الذهب الناعم وحزام سلسله
-وما أوصيكم بالكعب حتى لو كنتي طويلة ترى الكعب يحلي الجسم
-الشعر مع العباة حلاته مسشور والمكياج عندك خيارين *إما أنه يكون ناعم أو يكون اسموكي وتاتو حركات بالظهر وبالساق ولا تنسين صبغ الاضافر الاحمر
-ولاتنسين الموسيقى الهادية
-واذا يا عطيه كم نظره واذا سألج وين بهالليل وقوليله بصراحه عندي مشوار مهم .. تعال اقول لك عليه في الغرفه وفي الغرفه مهم جداا انك تخلينه يكتشف انك مو لابسه شي بنفسه وبدون ما تشيلين العبايه
- وممكن تمثلون كأنكم ما تعرفون بعض والتقيتوا بالكافيه
وتقدمي له الكافي أو الكابشينو والكيك أوالحلو

ليلة على ضوء الشموع
للشموع سحر خاص يضفي على جو الغرفة رونق وجمال مميزين
-كمية كافية من الشموع وبأحجام وأشكال مختلفة رتبي الغرف بحيث تكون الشموع على كل الكمودينات والطاولات والارض بشكل هندسي
مجموعة من الشموع العطرية المتوسطة الحجم مرتبة في شمعدانات بارتفاعات مختلفة على رفوف المكتبة بحيث يعطي بعد جميل ومنظر جديد لأثاث الغرفة ضعيها أعلى المكاتب لتضفي إضاءة ناعمة ورومانسية
في الحمام بجانب البانيو الرومانسي والمملوء بالورد تفوح منه أجمل روائح الورد وأطيبها بأشكال منوعة وكرسالة خاصة تحمل الكثير من المعاني
على طاولة الطعام الأنيقة أملئ بها الزايا الفارغة على طول الممرات في الأرضيات بأسلوب خاص وفي الماء وبين أحجار الكرستال <<< روعة
- للشعر يفضل كيرلي المكياج ناعم مع كحلة عربية ولو أضفتي العدسات تكوني روعة
-نفنوف حفله ناعم بسيط وطويل والاحلا ستان والإكسسوارات أنيقة ومناسبة للفستان ولازم تكون مرصعة بالأحجار لتعكس إضاءة الشموع ولاتنسين اللمعه
-والعصير والحلو وبعدها رقصوا سلو وخلوا ليلتكم رومانيسه

ليلة الثلج
-تطولين السنترال وتخلي لمكان بارد ولأقصى برودة ممكن تتحملوها
تييبين رغوة الحفلات وترشينها على أطراف الممرات والغرف
-تييبين ثلج صناعي إن أمكن أضيفي لها الماي وتتكاثر علبة صغيرة تسوي لك 3 جالون ثلج
رشيه بوسط الغرف وعلى بعض الشجيرات الصناعية بزاوية في الغرفة اللي راح تقعدون فيها
-خذي لك طاولة خشبية يكون لونها غامق أو خشب محروق مثل ما نقول
في وسط الطاولة حطي عدد كافي من الشموع بيضاء متساوية الحجم ومتلاصقة حتى تعطي شكل مثل النار اللي تتدفوا عليها على أطراف الطاولة ثبتي ريش أبيض >>>> ولا أروع ولاتنسين تحطين دبدوب ابيض كأنج صج بالثلج
-لبسي قميص ابيض طويل بريش وتاج ملكله وخلي شعرج مستشور ومكياج سموكي وفضي وكثري اللمعه بالخدود وكأنج ساحرة الثلج
-وحضري عشاء مع كاتو فانيلا بالكريمه البيضه
-ادعي زوجج لهذي الليله البارده ببطاقه فيها كزينه بالريش قبلها بوقت حتى يتفرغ

يوم رجعةالغالي من السفر
في الغالب يكون الزوج في يوم رجعته من السفر تعبان ولا ينتبه للتفاصيل وكل همه يشوف زوجته وعياله بخير
طيب شلون تستقبلين زوجك؟؟
-على حسب وقت وصوله لبسي لبس مريح وناعم بالنهار نفنوف بألوان زاهيه وبنوتيه وبالليل قميص قطن ناعم ومغري وشعر مستشور واكسسوار نعوم لازم تكوني ناعمة ومريحة لنظر عيونه مع طقم اندروير مناسب لملابسج ولازم بعد يكون ناعم والوان فاتحه
-حضري العشا او الغدا مع فازه ورد وردي او ابيض مع مفرش وطقم الضيوف وحضري طبق حلو يحبه من ايدج
-واذا دخل الغرفه فاجئيه بعلبه كاكاو كهديه حلوه وخليها على السرير مع الورد المنثور
-زهبيله بجامه يديده ومناشف وزهبي الحمام بحيث يكون كل شي طقم مع شراء ادواته الخاصه يديده
-وبدون عتب ولوم ومشاكل سولفي احلا السوالف بس اذا طلب عشان ما يقول صدعتيني واهم شي الابتسامه
وجذي بتكونين اهتميتي بكل التفاصيل اللي راح يلاحظها زوجك وتبقى بذاكرته دائماً

ذكرى ليلة العمر
أول شي تحديد الموقع جناج فاخر فندق أو شاليه أو مجرد غرفتج بالبيت
-خارج بيت الزوجيه
-قيص نوم طقم مع بجامت زوجج وطقم الحمام ومناشف كلها نفس الالوان مجموعة استحمام
- ملابسك إذا كانت القعدة بالجناح كثري من الفساتين الناعمة واذا بشاليه لاتنسين المايوه
- لا تنسين تزهبين نفنوف حفله ابيض او قميص نوم عروسه والتسريحه الناعمه وشبكتج
- طلبي العشى بالغرفه وحطي شموع وورد ابيض وقدمي نفسج له هديه
-واذا كنت بالبيت
-خلي كفرج ابيض وستان وزيني دارج بكم بوكيه وورد منثور وبالونات على قلوب
ولا تنسين المباخر
-اذا بدلت عرسج كبرج لبسيها بدون جيبون عشان ما يضايقج او لبسي أي نفنوف حفله ابيض ناعم وسوي تسريحه ولا تنسين الشبكه
-بشت ريلج بخريه وزهبيه
-زهبي طاوله مدوره وكيكه وشموع بيضه وعشا خفيف
-إذا عندج بطاقه عرسج خليها على كومودينته الصبح وكتبي معاها رساله لاتنسى عرسنا الليله
-وبوقت وصوله شغلي هب السعد وعيدو ذكريات احلا يوم
-واذا كنت حامل وتعبانه لا تطوفين هالليله والعذر حامل لان مافيها تعب وايد بس نفنوف بوقصه وصندل ناعم والمكياج الخفيف

إفطار رومانسي في السرير
بيوم عطله زهبي الريوق الفندقي ودلي حبيبج ودلعيه
-غسلي ايدج بماي بارد وعطريها بعطر ناعم وقعديه ودلدقيه بريشه مع احلا ابتسامه وييبيله الريوق الفندقي من توست ومربا وزبده بحجم صغير وبيضه عيون ومرتدلا وكله وهو بسريره لاتنسين الورده الحمره رمز الحب ولفي الشوكه والسكين بمنديل الطاوله
قدمي الفطور بعد فتح البردات والدرايش
وبعدها عاد طلبي وتدللي