صديقتي وزوجها والشغالة

هدا ياطويلات العمر موضوع يخص صديقة وأخت غالية على قلبي واتمنى لها مثل ماأتمنى لنفسي واحنا مانخبي شيء على بعض ابدا وكان المفروض تجيني بعدين اعتذرت ومااقتنعت بعذرها خصوصا انه في اشياء مهمة راح نعملها سوا عشان زواج وحدة من صحباتنا المهم انا عديتها وقلت مو مشكلة وقت تاني اليوم الثاني ادق عليها جوالها مقفل اللين الليل حسيت انه فيها شيء موطبيعي الساعة 1 ارسلت لها رسالة اذا صاحية تدق علي شوي ودقت صوتها باين انها تبكي بعد ماهديتها قالتي السالفة:
هي متزوجة وعندها ولد وتوها جابت شغالة ودايما تقول لزوجها مالك في الشغالة لاتكلمها ابد ابدا ابدا كانوا يوم رايحين مشوار والشغالة شايلة الولد تقول قام زوجها فتح باب السيارة للشغالة تقول انقهرت من الحركة موت بس مشيتها بعدين يوم وصلوا الشغالة سألت مدام أنزل؟؟ قام زوجها الملقوف رد يقول لا لا استني (عشان زوجته تجي وتأخد منها الولد عالبال ماتنزل يخافوا تطيحه) وكمان امن يتكلم مع الشغالة يصير حنون وحليو ويتكلم بشويش تقول هنا وصلت حدي وانا نازلة قفلت الباب بقوة وزوجها سيارته جديدة مالها فترة وراحت تأخد الولد من الشغالة قام ينافخ عليها قدام الشغالة ياويلك لو صكيتي الباب بالطريقة هاذي مرة تانية ويدعي عليها الله يكسر يدك ومن دا الكلام ماردت علية وطنشته امن رجعوا البيت كلمته انوا انا ماقلت لاتكلم الشغالة وكمان مالة داعي الهواش ورفع الصوت قدامها ولو تكرر الموقف دا تاني تأكد مايحصل طيب رد عليها انا حر اكلم اللي ابغى وقت ماأبغى وانا مااجي بالتهديد ودفها وراح نام بالمجلس تقول له 3 ايام على هالحال كل واحد فيهم يعامل الثاني كأنه مو موجود....اش تنصحونها تسوي؟؟؟
دايما انا انصحها واساعدها بس هدي المرة حسيت اني محتارة اخاف اقولها لمي السالفة وكبري عقلك وخيركم من يبدأ بالسلام زوجها يستقوي عليها اكتر وأخاف اقولها خليك على موقفك وتندم بعدين.. عشان كدا كل وحدة تحط نفسها مكانها((الله لا يقدر )) بس عشان نحس بقهرها وتقولي كيف راح تتصر ف؟؟