الحلوه واللي تجنن والقمر والنعومه تدخل بسرعه ابغى ردود حلوه

1. من موضه 2007


2. الازياء***


3. *الشعر**


4. *المكياج **

سلام على الحلوين كلهم وكل المماليح وكل اللي يحبون الكشخه والتكشخ والموضه
انا اليوم جايبتلكم موضوع كل بنت تهتم فيه
اللي هو يهتم بالموضه سواء كانت بالشعر او بالازياء بالاحذيه والشنط واللي تبون ومالكم اللي يرضيكم

من موضه 2007

الازياء***

اذا كنتي بزواج فالموضه الاقمشه الحرير البسيط اللي فيه حركه بسيطه وناعم وبسيط او الاقمشه الاسترتش الماسكه والالوان اما السكري او الليلكي او الاورنج والاصفر بس الاكثر الليلكي اما طلعات رسميه فالموضه الفساتين الواسعه البسيطه وتحت الصدر حزام عريض او فساتين اللي على الطابع الامريكي القديم البسيطه جدا او فستان قصير وتحته بنطلون ماسك وذاكنتي بالبيت بيجامه تجنن او قميص روز فضفاض ياخذ العقل وهذا شيئ

*الشعر**

اذا كنتي بزواج فالشعر اكثر شيئ يكون على طريقتين اما انه (يكون غير مرتب ) يعني مناحس كانك قايمه من النوم (مو تقومين من النوم وتروحين وتقولين انا اللي قلت) لا هو كذا يتصلح عند الكوفير او وهذا من ناحيتي يعجبني اكثر الويفي وهو زي الثمانينات وهذا رايق اما بالمناسبات الرسميه فالاستريت البسيط والناعم اما بالبيت ارفعيه بكلبسه ارهب تسريحه بالعالم وارهب شيئ

*المكياج **

الحين المكياج بالزواج زي الحفله الرسميه من ناحيه الشفاه فحطي الوان قويه وجريئه يعني احمر واورنج وفوشي والعيون ناعمه سمبل يعني كحل سايل من فوق وكحل داخل القلم اما الشدو فعلى حسب فستانك او لبسك بس تحطينه على اطراف العين او من تحت واحلى شيئ فضي لانو يمشي مع اغلب الالوان ويعطي نعومه وفخامه بنفس الوقت اما البلشر بسيط لحمي وتحطين شيئ زي الاساس يعطي لمعه واضائه وبالبيت بدون شيئ خلي الجمال يسطع ويكون طبيعي

• *الشنط**

الشفافه اللي تبين ايش بداخلها وهذي اكثر شيئ تنباع الحين او اللي الوانها معدنيه او جلديه

• *النظارات**

تكون العدسه كبيره والوانها عسلي وفيها حركه مع الجنب

• *الساعات والنظارات**

وهذي قليل ماتتغير بسبب ارتفاع سعرها بس الحين تكون المجوهرات كبيره و
حتى الساعات تكون فخمه وكبيره

• *المنكير**

الفاقع احمر واورنج
اتمنى يكون اعجبكم الموضوع المتواضع وانا تراني توني جديده وابغى اشوف رودودكم الاكثر من الرئعه اللي تعطي الموضوع ملح وحلاوه منكم ياحلوين
يالله شعللوها ا ياله
GoOoOoOoOoOoOoOoOoOo
>>>>>>>>>>>>>>>>>>>>>>>>>>>>>>>>>>>>>>>>>>>>>>>> >