الحلى الثاني عيش السرايا من وصفات الوالدة الله يخليها لي وسهل جدا جدا جدا ولذيذ

السلام عليكم ورحمة الله وبركاته
كيفكم حبيباتي وأخواتي الفراشات إن شاء الله تكونوا في تمام
الصحة والعافية
هذا ثاني حلى من وصفات أمي السهلة والبسيطة والطلبات ان
شاء الله تكون كلها متوفرة بالبيت
عيش السرايا*****
المقادير:
عيش توست
زبدة مذوبة على النار
قشطة
سكر + شوية هيل
شيرة (أو قطر)
الطريقة :
1 - نطحن التوست في الطحانة لمن يصير زي البقسماط تقريبا
2 - نذوب الزبدة ونحطها على التوست المطحون مع شوية الهي ل
ونفركه باليد مضبوط
3 - نقسم التوست قسمين نحط الطبقة الأولى في الصينية من دون
زيت ولا شي ونضغط عليه كويس
لأنه هاذي حتكون الوجه حق الحلى عند التقديم
4 - نخلط القشطة في صحن مع( شوية سكر مو كثير) ونحطها
على الطبقة اللي في الصينية
5 - أخيرا نحط الطبقة الثانية حق التوست فوق القشطة ونطبطب
عليها بشويش باليد بس أهم شي ما تطلع لنا
القشطة
6 - ندخلها الفرن بس تتحمر من فوق وتحت ثم نخرجها من
الفرن ونخليها تبرد ونقلبها في صحن التقديم
ونحط عليها الشيرة
ملاحظ ة : مافي مقدرا معين للمقادير كل ما كثرت كمية التوست
نزود الزبدة والقشطة وطبعا حتكبر
الصينية (لكن على كل كيس توست زبدة وحدة النحيفة واذا نقص
ممكن نزود شوية زيت وبالنسبة
للقشطة ممكن 2 أو 3 على حسب الكمية والصينية
وبالهنا والعافية