الحياة حلوه بس نفهمها

1. تدرون ليش لانها قدر ومكتوب والاقدار بيد القادر الوهاب.

(((الخيرة فيما أختاره الله)))
ما ادري واشلون ابتدي صار لي أكثر من شهر ادخل المنتدي واقرأ قصص الحزن والهم والكأبة جد شي يضيق الصدر وصار عندي رغبة اكتب واتمني تتقبولون نظرتي للحياة.
يابنات لازم تسلمون امركم لله وحدة لا شريك له وانة موضوع عدم الزواج او تاخرة بيدة الرحمن ياليت كل بنت تاخرت بالزواج تجلس لحالها وتفكر دقايق ليش ما تزوجت او ليش تاخر زواجي .. واشلون...وش ناقصني...بنت اصل وفصل...او... أو... كثيرة الاسئلة وصدقوني ما في لها اي جواب.

تدرون ليش لانها قدر ومكتوب والاقدار بيد القادر الوهاب.

أجل ليش تضيعون ايامكم واجمل سنين العمر بندب الحظ والكأبة والدموع وتشيلون هموم انتوا في غني عنها يا بنات تري ان جلستوا تبكون صدقوني ما تلقون احد يبكي معكم ولا تقدرون اصلا تبكون قدام الناس علشان تفضفضوا ويواسونكم هالشي ما راح تقدرون علية لان عزت النفس والكرامة ما تسمح ما تحبون تعبورا عن احساسكم وهمومكم عند الناس وعند اللي يسوا واللي ما يسوا اجل من البداية وش لكم بالكبت وضيقة الصدر.
يا بنات ما في احد يقدر يساعدكم او حتي يواسيكم لاننا نؤمن بالله عز وجل ولا نقدر نغير او نبدل اونأجل او نعجل امور حياتنا كلها مو بس الزواج لانها نصيب من عندة والخيرة فيما أختاره الله لنا الذي قال:( وعسي ان تحبوا شيئا وهو شرا لكم) صدق الله العظيم
ما تدرون لو ان الزواج شر مو خير والله مبعدة عنك ممكن يأخرة لعمر هو عالم فية وفية حكمة من تاخيرة حتي وان ما تتزوجي ما يجوز تعترضي علي حكم الله تعالي.
الحزن والهم ما يجي من وراها غير الأرق والكأبة والقلق والحالات النفسية أعوذ بالله منها.
انتم تشوفون الزواج من زاوية وحدة فقط الاشياء الايجابية فية وكأن الحياة تتعطل في عدم الزواج عيشوا حياتكم كيف ما جت لا تفكروا في بكرة عيشي يومك بحلو÷ ومرة وتقبلي امورك بكل رحابة صدر ليش ما تنظرون للاشياء الايجابية في حياتكم وتمتعوا باشياء المتزوجات محرومات منها صدقوني ما في احد بالكون من الهم خالي لا تتخيلون ان الزواج سعادة وراحة كثير بنات تندموا في زواجهم وكثير بنات تترمل في بداية زواجها وكثير متزوجات يموضون اويموا قبل حتي يفرحوا بعيالهم.
البشر كلهم علي اختلاف اجناسهم وحالاتهم يتعرضون للفرح والحزن والفشل والنجاح والموت لا تقولي انة فلانة اوعلانة بتظل سعيدة طول الحياة وبتفرح وتتزوج وتجيب عيال وتتهنا انا ما ودي اتكلم بهالاسلوب واضيق اصدوركم بس هذا الواقع لا تخلوا احلامكم تاخذكم لبعيد للخيال.
يابنات لا تضيوعوا اوقاتكم تري كل هالحزن ياثر كثير علي شخصيتك ونفسيتك حتي علي وجهك الهم يبان توكلوا علي الله وعيشوا حياتكم وادوا فروضكم واكثروا من ذكر الله واهتموا بانفسكم واتمتعوا والبسوا واضحكوا اذا جلستوا مع اهلكم وصديقاتكم لا تحرموا انفسكم من الاوقات الحلوة مع اهلك وخواتك واخوانك تري هالامور تاثر علي نفستك بالاول وياثر علي نفسية امك وابوك تري يحسون فيكي يفرحون بشوفتك فرحانة تحبي يشوفونك مهمومة لا تحبسي نفسك في سجن انت فية وحدك.
(تاكدي ان الأقدار بكل حالاتها علي كل البشر مو بس عليكي)
وان اذا مكتوب لك تتزوجين راح تتزوجين الحين والا بعدين
اتمني تتقبلوا مني ارق التحايا