الخيانة الزوجية والصبر عليها مع أو ضد

المثل يقول اسال مجرب ولا تسال طبيبي
شوفي حبيبتي اذا كل وحده تطلقت علشان زوجها خانها جان حريم الدنيا كلهم مطلقات يلا مابي اجمع نصهم ,,, معني اشك
مثلا انا صارلي تسع سنوات وبدش بالعاشره وزوجي من اول ما تزوجنى لي لحين واهو يخون على قولته الواحد يمل ياكل فراوله كل يوم ساعات يشتهي البصل
لا واذا بيراضيني يقول اخونج مو احسن من ما اتزوج عليج بالله شرد عليه كل وحده امر من الثانيه

عن راي ان تبقى لأاجل اطفالها
لان الدنيا ماتسوى حتى تشتت اولادها واهلها مو دايمين لها واخوانها مو صابرين عليها اهية واعيالها
يوم ويومين ثلاث ايام راح تطفش من اخوانها من الافضل تحل المسألة مع زوجها ويتعهد مرة ثانية
مايجيب هاالاشكل في بيتها ...... وخصوصاً انها عاملة اكيد مقصرة في حق زوجها على اساس
عمل ذالشئي تفكر اول وتصلي وتستخير ربها اول وتشوف الصالح لها بس تفكر بأولادها اهم شئي
لان في هاالزمن كلة مايرحم احد لامن اخوو ولا اخت ولااهل ........
اتمنى اني افيدتك تحياتي الك

انا راى من راى الاخوات بس لازم تضع حد للى سواه وتخليه يتعهد لها ما تتكرر والله يهديهم ويفتح عليهم ها الرجال ويعصمهم عن الحرام

على حسب الزوج ونوع الخيانة
صحيح إن الخيانة وحدة بس شئ أهون من شئ
وإذا كانت الخيانة الأولى للزوج ممكن تعتبرها نزوة ..وتصبر نفسها وتجلس علشان أولادها
وهو تتعامل معه بطريقة ثانية تخليه يحرم يعيدها.

والله بالنسبه لي تتطلق احسن

بصراحه الوضع بالشكل الي ذكرتيه قوي خاصه أن الخيانه مباشره من أشدنوع يعني ماهي تلفون أواي خرابيط الي يحن لها ايام المراهقه وفي بيتي ومع صديقه ويمكن صديقه إذاشافه كذا يرده له فيني
صراحه المرأه في هذي الأمور لابد تكون قويه وحازمه جدا حتى يحسب لها ألف حساب إذايغلط مثل هذي الغلطات الي ماتضره هو بس لاتضر زوجته وبيته وعياله سمعت من سمعت عياله ومثل هذي الغلطات مانحمل نفسنا السبب لأنه في الأول والأخير الرجل عنده أخلاق ومبادئ يمشي عليها ومانجعل تقصيرنا تجاهه من أي ناحيه سبب له على كسر مبادءه
قبل كل شي تؤمن أن ماأصابها لم يكن ليخطئها وماأخطأ لم يكن ليصيبها وهذه بلوىمن رب العالمين
الأخت في الله عامله يعني قادره تفتح بيت وتصرف على عيالها وماراح تنذل لأحد
تطلب الطلاق وتكون حازمه فيه ولاتبين لناس أو حتى أهلها سبب الطلاق الحقيقي علشان سمعت أبو عياله من سمعت عيالها
وإذا الرجال شاريها وصدق متندم على الي سواه يثبت لها ويقدم لها العهود ويكتب على نفسه إذا عاد لهذه الخيانه شي يحفظ حقها وعياله مثل البيت والطلاق يعني إذا عاد لهذ مع السلامه البيت بيقوم بلى رجال خاين
وإذا هو طلق يكون حتى أحسن للعيال ماتربون قدام فضايح ابوهم ويكون قدوتهم وفي الاول والاخير استخيري استخسري استخيري

انا ضد الصبر عليها لازم يوقف عند حدوا اخليه يصيع مع من هب ودب وبعدين يجيني ببلوى في جسموا يفرغها فيني انا احصن نفسي وش ذنبي الله يبلاني بسبو كف راح اعاشرو انا عارفة ايش سوى والله اقرف يتزوج عليا ارحم على الاقل اضمن انو مع وحدة نظيفة

لا حول ولا قوة إلا بالله
اخواتي ليش تستسهلون الخيانه!!!
كيف ترضى المسلمه بهذا الشيّ !!
صحيح ان الطلاق مو الحل
لكن لازم تأدبه وترويه شغله تزعل عليه واذا ما نفع معاه
تخوفه من الله وعقابه واذا ماخاف وارتدع تخوفه بالأمراض ،
كيف ترضى الزوجه تعيش مع زوج ممكن في اي يوم ينقل لها مرض خبيث والعياذ بالله
انصح المرأة اللي يخونها زوجها انها تخوفه تذكر له قصص وترويه صور مرضى مصابين بالإيدز وغيرها لما يقرف ويحس على نفسه
اذا كان ماهمه نفسه يفكر في زوجته المسكينه وعيالها
ومعليش اختي طولت
لكن والله احترقت من داخلي ليش السكوت على الخيانه ليش؟؟!!

بنسبه لي انا ما اقدر اعيش مع واحد يخون وان كنت احبه وعندي اطفال لاني من النوع الشكاك وكل شئ يمرضني ليه عاد اجيب لنفسي ضغط وسكر روح الله يعوضني وانت شوف ربي بأيش حيعوضك .وبعدين كلمه وقت المصيبه اللهم اجبرني في مصيبتى وخلفلي خير منها احسن من اصبر عشان الاولاد ولا عشان اخاف البهدله وانا اقول هذى وجهه نظر ى‘ في ناس تبي زوجها يخونها ولا يتزوج عليها الامرين صعبين بنسبه لى ولكن الزواج من اخرى اهون من الخيانه (مثل ما ملنى بيمل من غيري).وفي ناس ضروفهم العائليه تحكمها اجل في هذى الحاله تصبر على زوجها وتشغل مخها وتدعى ربها والله ما يضيعها..