الدايت اللى انقذنى من الانميا و خسسنى 15 كيلو فى 3 اسابيع الدايت السحري

1. 3-يكون مشبع و يسد النفس(على شان منرمرمش)

سلاموا عليكم يا فراريش السراحة انا اول مرة اكتب في الموقع دة على المستوى الخاص و على شبكة المواقع النسائية على المستوى العلامى .. احم احم اعذورونى اصلى حايجلى هابل تقريبن على شان كمان يومين هاسلم بحث التخرج بتاعى ادعولى بقة ربنا يهدى المصحيحين و يبطلوا فزلكة و حسوكة..امين
مقدمة كان لابد منها ولا غنا عنها ... نخوش فى الموضوع بقة احسن تنقض عليا جميع الفرشات
.. الموضوع يا جماعة هو حلم كل افراد الجنس الناعم و هو الحصول على القوام ا ل جميل و الجسم الممشوق و الوزن المثالى . صح مضبوط و تمام يا فندم... و لكن للاسف الشديد التحديات اقوا منا.. ياعنى الشوكلاتات و العزومات و الضغط و المذكرة و كل الحبشتكنات دة..
المهم اختوكوا .الله اكبر عليها و خمسة و خميسة..عانت معناه مع الوزن و الديت كل الكلام دة.. و اللى زاد و غطى ان معروف جدا ان كلمة دايت دايما و ابدا يصاحبها للاسف كلمة .. انميا
و دة اللى حاصلى... جالى انميا حادة خوصوصا ان انا بطبعتى الدورة عندى كانت بتجلى كتيرة .. و في يوم من احد ايام الثانوية العامة المصرية.. بأرفها و نكدها وهدها للمخ و تدميرها للصحة الجسمانية و النفسية للطالب المصري الغلبان المتفانى.. اصابت اختوكا بشبه نذيف.. شبه ايه بس هو نذييف بعينه.. المهم انا اولت يمكن بس هيا الدورة زيادة شويتين الشهر دة بس لااء كدة كتير.. و فعلان في ظرف يومين كاد دمى ان يصفى و وقعت من طولى ( مع اننى والله قصيرة القامة ) اتنقلت للمستشفى و نقلولى دم..عا.. كانت ايام سودة ربنا ميعودها ..كفايا بس احساسى انى الانسة الوحيدة فى عنبر النساء و الولادة فى المستشفى
المهم الحمد لله قمت بالسلامة.بس الدكتور قال لولدتى انى لازم اكول حاجات فيها حديد كتير على شان موضوع الانميا الحادة ده ..ماما بقة ايه معتقتنيش..زغط فى كبدة و اكل في بذنجان..والله العظيم مش بهرج..امى كانت كل يوم الصبح بتشربنى فنجان عسل اسود على الريق ..ياع
المهم طبعا مع هذه الحملة القومية لمكافحة الانمييا خفت اختوكوا الحمد لله بس الاضرار كانت زيادة وزنى حوالى 8 كيلوا يدى النيله..هو انا نقصة ..
المهم انا بقة قررت انى لازم اشوف حل..مش هينفع كدة يعنى..و فعلا الحمد لله..ربنا هدانى لهذا الدايت العجييب السحري.. القاهر للوزن و الانميا معا
انا اعت افكر كدة..اية سر نزول الوزن؟؟؟!! .... و الاجابة سهلة جداsay noooo ايون قل "لا":
لا للسكريات و..لا للنشويات..من الاخر سعرات حرارية قليله=الوزن يقل
طب اشطة طحن زى مبيقول المصريين طيب لية البنات بيجلها انميا؟؟!! برده سهلة على شان بيمنعوا اكل حجات مفيدة..من الاخر يعنى الاكل مش متوازن و مش صحى
يادى النيلة طب نعميل ايه؟؟؟ّّّّ!!! نعمل رجيم صحى و متوازن و ميجبش انميا و سعراته قليلة
لاء برضه فى حاجة نقصة فى الخلطة ..يا ترا ايه يا بت يا سمسمه؟ ايه يا بت يا سمسمايه؟؟.... ايون لقيتها....كمان الوزن ينزيل بسرعة(طبعا حاجة معقوله برضة ..صحيح احنا فى عصر السرعة بس برضة العقل زينة يا جماعة) و اخر عنصر هو سد النفس اللى مشاء الله مفيش حاجة بتسدها( دة لو بلاعة كان زمنها طفحت والله من كل العك اللى بنكله)
يبقى يجماعة بالعقل و الفكر و القانون كدة لازم اى رجيم يكون فى اثلاث عناصر دة على شان نضمن نتايج مرضية بس فى نفس الوقت منضرش صحتنا
1-سعرات حرارية قليلة(يعنى يخسس بسرعة)
2-نظام صحى حتى لا نصاب بامراض(يعنى ميجلناش هبوط ولا انميا و العك دة)

3-يكون مشبع و يسد النفس(على شان منرمرمش)

حلو اوى نطبق بقه مع العلم ان في عنصر رابع بس خليه في الاخر على شان محدش بيحبه بس على مين والله لقنعكوا اصل انا جية و يانا يانتوا بقة و هتخسوا يعنى هتخسوا
المهم انا قعت اسبوع بخطط و ضبط..اريت ميات من الرجيمات سواء كتب ولا نت بس برضه مقتنعتش..لحد مفتكرت ان ولدى كان عندة كتاب حلو اوى بيتكلم عن مرضى السكر.الكتاب كان فية قائمة لانواع الوجبات بسعرتها..انا اقعت اجمع من هنا على هنا لحد ماخيرا الفت هذا النظام اللى بجد اقتنعت بييه..طبعا على شان النفسيه فى يوم free يعنى ناكل و نعك زى محنا عيزين..اليوم دة بيبقة اليوم السابع..ياعنى نمشى 6 ايام و السابع نلخبط و ها كذا(حلو يجماعة كل 6 ايام ناكول برحطنا و فى نفس الوقت نخس و نكسب صحتنا )
ملحوظة هامة جدا : يجب شرب 2 كوب ماء دافئ قبل الوجبه بربع ساعة
ا لافطار :كوب لبن منزوع الدسم + اثنين ثمرة تفاح
الغذاء: 3 طماطم+ 3 خيار+ قطعة جبن قريش 50 جرام
العشاء: علبة زبادى منزوع الدسم+ نصف ثمرة بذنجان رومى كبيرة(تغسل و تؤكل بقشرها طازجة بدون شوي او سلقfresh زى مهيا يا جماعة كدة)
نشرح بقة: النظام دة يجماعة سعراته كلها على بعظها 300 سعر..يعنى ممكن نخس حوالى 4 او 5 كيلو على القل فى الاسبوع.....

• كوبيات المية دة توحفة بتسد النفس سدة ميعلم بيها الا ربنا..حتحسوا انكم وكلين خروف
• التفاح و البذنجان فيهم نسبة حديد عليا و على شان كدة اللى عنده انميا و يمشى علية انا اضمنله انه حيخس و يخف من الانميا
• اما اللبن و الزبادى بيدوا الوش نضارة و يطولوا الشعر و ويحفظوا على الاظافر(كلسيوم بقة)
• و اخيرا الخضروات على شان الامساك و النضارة و الفيتامينات

نجى بقة الخر عنصر اللى اجلته شوية..تفتكروا ايه؟؟؟؟!!!!! الرياضة طبعا... انا عرفة الصراحة انا نفسى مش بحبها بس عندى فونكيرة جهنمية...مش هقول نمشى ولا نجرى ولا ايروبكس ولا جيم وفلوس و نيلة....noooooooooo..كله هيعوض فى بيته ..كل اللى هنعمله ان اول ما نسمع الساعة تدق معلنتا تسليمها عقرب الثوانى لزميلها الجالس على يسرها نقوم و ننط (نقفز) مكننا 20 نطة...يعنى كل ساعة 20 نطه..سهله صح...بنزاكر بنلعب بنطبخ ولا حتى بننشر غسيل مش هاتاخد مننا وقت ولا مجهود صح كدة....طبعا اللى يقدر يزود يزود اهو كله بلاش
والله العظيم انا مشيت عليه 3 اسابيع و نزلت 15 كيلوا و كانت خدودي حمرة و شفيفى ورديه و كلى صحة و شعري كمان كان طول و طبعا جسمى كان في منتهى الجمال.... والله محدش صصدق لما الناس شفتنى...و على فكرة بعد كدة سالت مدربة في النادى و قالت لى امشى على الرجيم دة اما تحبى تخسى و الدكتور كمان اما عملت تحليل تانى مصدقش و سالنى ازاى خسيت كدة و الانميا عندى راحت تماما
مرت 4 سنوات الان و الصراحة انا عيزة اخس على شان انا اصلى مهملة و انا مستنية بقة اى حد يحب كدة يشجعنى و نمشى مع بعض.....و ده حكيتى.. اتمنى الكل يستفيد منها.. ةدعوتكوا بقة كدة ربنا يكرمنى و اتخرج على خير من المدعوئة الكلية و اشتغل كدة شغلانة نظيفة و ربنا يرزقنى بقة بابن الحلال امين..النهاية و منتظرة ردودكم