الرباعي المرح شلة الوناسه

بنوته دلوعه وبس

08-10-2022 - 12:53 am

هذي الروايه منقوله بس حلوه بالمره
يارب ماتكون مكرره وان شاء الله بنزل كل يوم بارت
القصه تتكلم عن 4بنات جمعتهم الصداقه والقرابه
ابطال قصتنا في شله وهالشله اسمها ((الوناسه))
وراح نتعرف على بقي الشله في القصه والحين نتعرف على الرباعي المرح ابطال القصه
جوري :: هي احلى بنت في الشله وعمرها 18
وتجي بعد ريما في الغرور ودلع
ريما:: تجي بعد جوري في الجمال وعمرها 18
ومغروره ودلوعه ماتعطي حد وجه غير صديقتها بنت عم جوري
ريوف::تجي بعد ريما وجوري في الجمال ناعمه كثير وهااديه عمرها 18
وهي صديقةجوري وريما ودانه
دانه :: عربجية الشله وماكو شي عندها احلى من الهبال والمقالب في خلق الله وهي بنت عم ريما وجوري وعمرها 18
وهذا هم الرباعي المرح من شلة الوناسه
تنعرف على ابائهم
ابو جوري : اسمه عبد العزيز يقولون له بوفيصل عنده فيصل وعمره 22 ((وسيم واحلى واحد في اخوانه))وجوري ومحمدعمره 14 وجاسم 3سنين وهو اصغر واحد
ابو ريما:: اسمه فارس يقولون له بوراشد عنده
عذاري 25متزوجه.. راشد عمره22 ..ونواف 20((نواف احلى واحدومغرورلان وسيم)وريما اصغرهم
بو دانه ::اسمه خالد وهو اصغر واحد من اخوانه
وعنده وليد عمره28 متزوج من عذاري ..وعلي عمره23 ( وهو اوسم واحد من عيال عمامه ) ومشعل 20و دانه وفاطمه 15سنه
بوريوف: صديق خالد وفارس واسمه مشاري ويقولون له بو بدر
بدر(( وسيم ومغازلجي )) وريوف
مو كل الاسماء صحيحه

التعليقات (9)

بنوته دلوعه وبس

08-10-2022 - 04:25 am

البارت الاول
.................................
جا الصباح ونور الشمس غطى ظلام الليل والكل توجه الى عمله او دوامه في المدارس
طبعا الكل راح المدرسه بدري الا دانه جلست متاخر ومتعوده تجلس اخوانها واختها لان امها متوفيه وطلعت من غرفتها وراحت غرفة اخوها علي علشان تجلسه طقت الباب مارد علي عليها
دانه : والله حاله مع هالبقر اخواني الوحده الي كبري في المدرسه وانا اجلس العلل ذول
وطقت الباب 3مرات ولا رد عليها افتحت لقت علي نايم وهي تقرب منه بصوت واطي تقول :: اوريك خامد يا استاذ علي
يوم قربت منه صارخت باعلى صوت:: علي علاوي علوش
علي سمع الصوت وفز من الفراش :: خير وش صاير ابوي صار فيه شي
دانه: لا سلامتك بس كنت بقول لك ماوراك جامعه
علي هنا ولع قام من فراشه ومسك دانه من بلوزتها وهو يخز فيها :: ان جلستيني مره ثانيه بصراخك بعطيك كف بخليك صوره في الجدار فاهمه يلا طس عن وجهي
دانه قبل ماتطلع وهي ماسكه الباب :: تكفى ياالشديد اذا عطيتني كف حطني جنب المزيون طلال مداح ها ها
توه علي بيلحقها لكن اهربت وراحت عن مشعل
وفتحت الباب مشعل ماكان نايم سهران
مشعل:: الناس اطق الباب قبل ماتدخل يا الرجه
دانه وهي تضحك:: فاتك ياميشو شكل علي وهو معصب بعدماجلسته من النوم ههه
مشعل يبتسم على هبال اخته:: بعد هالمره وش مسويه فيه حاطه عليه صرصور ولا كابه عليه ماي
دانه:: لالا قربت من وصرخت واخترع وجلس
مشعل:: اكيد دخل خشمه في عيونه ههه
دانه:: ههه
مشعل :: لا وتضحكين على اخوي بعد يلا طسي قبل ماارتكب فيك جريمه
دانه:: وين يا بو الشباب منت برايح الكليه
مشعل:: لا
دانه ::براحتك
وكملت جلست اختها وراحت المدرسه
وفي المدرسه وتحديد في فصل الي فيه الرباعي المرح وبنت من شلة الوناسه
جوري :: ريمو ريموو
ريما:: هلا
جوري:: خلص الطابور ودانه ماجات
ريما:: دانه كله تتاخر مو اول مره
ريوف وهي تدخل الفصل :: بنات بنات مدرسه الاحياء جات
مدرسه الاحياء دخلت الفصل
جوري بصوت واطي: فيني حماس ابغى استهبل وينك يادانه
ريوف بصوتها الناعم الطفولي:: يارب تجي
ريما تبغى تقهر ريوف: جوري ماتحسين ان في طلفه معنا تتكلم
جوري :: اي وياليتها تسكت
ريوف :: سخيفات من جد
ريما وجوري :ههه
مدرسة الاحياء:: انا قلت السلام ماقلت نكته
وتو ريوف بتتكلم ادخلت دانه بهبالها
دانه ماتحب مدرسة الاحياء وتحب تقهرها فقررت
تدخل بهبال
دانه:: هاي بنات وحشتوني اليوم الاربعاء وشكلي بحلم فيكم يوم السبت
الفصل قام يضحك
مدرسة الاحياءوهي معصبه: دانه اجلسي مكانك
دانه :: عمى يعمي ابليس وجع ماتشوفون الاستاذه واقفه ولا وحده تتكلم
مدرسة الاحياء وصل الطابلون عندها الف من دانه:: دانه اطلعي من الفصل
دانه وهي تسوي روحها تكسر الخاطر:: حرام توني جايه
المدرسه وهي تصارخ:: اطلعي
دانه :: مع السلامه صبايا
طلعت دانه وريما وجوري وريوف ماتوا ضحك على هبال دانه
جوري ::حرام استاذه تسوين فيها كذا حبابه البنت
ريماوهي تخز في المدرسه:: خلاص خليها تكمل الشرح
ريوف بصوت واطي:: الله ياخذك من مدرسه
ريما :: امين وانتي معها ههه
جوري:: ههه
الاستاذه:: جوري ليه تضحكين
جوري:: لا في شعر ريما قمله
هنا البنات انفجروا ضحك
وطلعت جوري من الفصل وهي تضحك لان مدرسه الاحياء اطردتها
بعدين عن الشله الوناسه المدارس في جامعه البترول .
فيصل وراشد كانوا يسولفون عن ايام طفولتهم
فيصل : الله يرجك
راشد : تذكر يافيصل يوم كنا نلعب في البحر مع بنت الجيران
فيصل :: ايه وانت ماقصرت فيها كبيت الرمل عليها ههه
راشد:: ههه والله ايام حلوه ليتها تعود
فيصل:: لا انا مابغى انت تبغى بكيفك
راشد:: ليه؟؟
فيصل :انت مستحلي وجيهنا يوم كنا صغار وربي كنا هندي فرحان بوزاره الجديد
راشد:: ههه
فيصل يناظر وكنه لقى شي :: راشد راشد موكنه هذا بدر
راشد:: وين
فيصل ::وراك
راشد :: اي والله هو
فيصل:: هومايدرس هنا وش جابه خلينا نروح له
راشدبقرف:: روح انت انا مورايح
فيصل:: ليه
راشد:: اولا هو صايع ثانيا مومن مستواي اكلم هالاشكال
فيصل :: ان ماقمت معي صدقني بزعل عليك على الاقل احترم صديق ابوك عمي مشاري
راشد:: طيب
وراحو حق بدر
اول ماشاف بدر فيصل ضمه ولا اهتم في راشد
بدر: هلا بالقاطع
فيصل: هلابيك
راشد: ماكو شي لنا يابدر
بدر من دون نفس: هلا هلا راشد
فيصل :: ليه جاي
بدر:: لك وانا ماعندي شي قلت امر عليك
فيصل:: ياهلا فيك
بدر :: راشد شخبار نواف واحشني
راشد:: تماام
بدر:: سمعت جواله انسرق
راشد:: ايه تبغى رقمه الجديد
بدر:: ايه
وعطى راشد رقمه الجديد
وسولفوا مع بدر بعدين بدر راح
والكل راح بيته
في بيت بوراشد كانت ام راشد تتصل في المطاعم
وتتفق لان بسوي عزيمه خلصت من اتصالتها وراحت تشيك على الغرف من بعد الخدم اول من ادخلت غرفته غرفة نواف وكان موجود فيها نواف
ام راشد شافت نواف وانصدمة الى الحين نايم
ام راشد وهي معصبه :: نوافوه وجع حد الحين نايم
نواف وهويفتح عيونه :: يمه وش هالصراخ
ام راشد:: ماوراك كليه
نواف :: يوه يمه نسيتي اني انطردت
ام راشد:: نسيت متى قلتي علشان انسى ومن الي اطردك
هنا نواف توهق ماعرف وش يقول يقول انه تهاوش مع ولد الدكتور والدكتور نفسه
نواف:: يمه بقول لك شي بس ماتزعلين
ام راشد:: وشعندك
نواف يمثل على امه انه مسكين :: يمه تذكرين يوم انتي تدقين علي وانا رديت عليك شافني الدكتور وقالي اني اكلم بنت واني مغازلجي وتهاوشت معه واطردوني
ام راشد المسكينه صدقة الكذبه:: خلاص ولا يهمك يمه اكلم ابوك وراح يحل السالفه الحين انت انزل وغير ملابسك
نواف ::من عيوني يااحلى ام في الدنيا
وبعد دقايق نزل نواف وجلس يسولف مع امه
وشوي الا يدخل عليهم راشد
راشد :السلام عليكم
الكل:: وعليكم السلام
راشد: اوه اوه نواف موجود غريبه مارحت الكليه
ام راشد تصرف السالفه:: يوه ريما الحين اطلعت حبيبي راشد روح اخذها من المدرسه لان اسوق مع ابوك
راشد: طيب بروح
نواف:: دقيقه راشد بروح معك
راشدببتسامه: مومشكله يلا تعال
وراحوا الى المدرسة ريما
وكان هناك زحمة سيارات
نواف بملل:: اف زحمه وحر
راشد يناظر نواف بخبث:: نوافي حبيب قلبي انت وش رايك تنزل وتفكنا
نواف :: نعم نعم اخ راشد
راشد:: نعمه ترفسك الي سمعته قوم ناد ريما
نواف عصب :: روح انت انا بجلس مكاني
توه بيرد راشد الا يدق عليه ابوه
راشد :: قوم ناد ريما وانا بكلم ابوي
نواف نزل من السياره وهو طفشان ويتحلطم
والبنات شافوا نواف واستجنوا عليه
ريوف شافت نواف واركضت الى ريما
ريوف:: ريمو ريمو اخوك نواف برى
ريما:: يلا اجل بنات انا بروح اخوي الوسيم في الخارج
جوري :: امووت على اللغة الفصحى انا
دانه مسكت ريما من عباتها :: ماكو طلعه من هنا الا اذا جا سواقنا
ريما :: يا هبله اتركيني والله اخوي نواف يذبحني
انتخرت
جوري :: لا اخوك برى اجل يلا يلا دانه اخوها برى يلا يلا
دانه:: جهزي الرقم انا حاطته في كشة ريوف ان ماحصلتيه تلاقينه في جبهتك
ريما وريوف وجوري ماتوا ضحك على هبال دانه
ريما:: تكفين دانه اتركيني
دانه :: طيب طسي يارب اطحين
جوري:: يارب
ريوف :: ان شاء الله انتي ومعها مو ريومه حبيبتي
ريماتضم ريوف:: ياعمري انتي هذي صديقتي مو انتم مالت يلا باي
دانه وريوف:: باي
جوري :: مع السلامه اهئ اهئ ماوعدك ياريما اهئ اهئ
ريوف:: اقول انطمي خربتي ام الاغنيه
جوري:: والله حتى انا اقول كذا
ريما اطلعت وصارت ورى نواف الي منجنين عليه البنات ريما : نواف يلا
نواف: كن تغديتي هناك بعد
ريما:: والله اقترحوا بس انا ماوفقت
الا تعال وين سيارتك
نواف:: انا جيت مع راشد
ريما استغربت غريبه راشد جايبها العاده يااسواق او نواف
ركبت السياره
ريما ::من وين الشمس شارقه راشد بن فارس ماخذني الله واكبر شصاير في هالدنيا يا عالم
راشد:: ههه الله يرجك اكلتيني بالكلام وبعدين الناس تسلم موعلى طول كذا يا ام اللسان
ريما:: ام لسان في عينك
وراحوا الي البيت نرجع الى المدرسه
الكل راح ومابقى الا جوري وكم بنت في المدرسه
جوري وهي تناظر في البنات:: الغبي هالسواق تاخر
جات المدرسه وهي تاشر على جوري:: ياطالبه
جوري:: نعم استاذه
الاستاذه: ادخلي داخل عن الشمس
جوري :: ممكن اكلم تلفون
الاستاذه : اكيد روحي
راحت جوري ودقت على البيت بعد الرنه الثالثه
ارفع محمد اخوها
جوري :الو
محمد:هلا
جوري : مودي وين السواق
محمد : وين انتي
جوري: في المريخ يعني وين في المدرسه
محمد : اسواق امي ارسلة سوق الخضره
جوري نصدمه:: وانا من بياخذني
محمد:: فيصل بيجي ياخذك
جوري: اوكي قوله يعجل ترى ما كو الا انا في المدرسه حتى الفراشه راحت وسكرت
وتوها بتمشي الا تشوف في وجها مدرسة الاحياء
مدرسه الاحياء:: موعيب عليك وحده في كبرك وتكذب
جوري:: خلاص مره ثانيه ماراح اكذب وراح اخليهم يتاخرون
الاستاذه :: انا ماقلت كذا انا قلت قولي لهم تعالوا بدون كذب
جوري ياربي تتقبل لها مدرسة دين على غفله:: طيب استاذه بس الحين ممكن اروح
الاستاذه ::ايه
جوري وهي تاخذ الشنطه:: مالت عليج من مدرسه
يا وجه الفقر
الاستاذه:: قلتي شي جوري
جوري:: اي قلت مشكوره
وراحت وجا فيصل واخذها من المدرسه
وفي بيت ريوف
كانت ريوف جالسه على النت
ودقت عليها ريما
ريوف :: هلا ريمو
ريما :: اهلين مشغوله
ريوف:: لا
ريما :: اجل وشرايك نطقم في العزيمه
ريوف :: والله فكره
ريما :: بس في الملابس اما باقي عادي
ريوف :: اوكي بس يكون الون وردي واسود
ريما:: مومشكله خلاص وردي واسود
ريوف :: خلاص انا بقول حق جوري وانتي دانه
ريما:: مومشكله يلا باي
ريوف:: بااي
ريما :: سكرت من ريوف ودقت على دانه
وكان الجوال قريب عند مشعل شاف جوال دانه يرن وشاف الاسم ملاذ الروح
دخل في راسه الفظول من هذا ملاذ الروح
وجلس الشك يلعب في راسه
وراح رد على الجوال اخته وسكت
ريما ماتدري من الي رد عليها تفكر دانه
فا قررت تستهبل في الرد
ريما:: هلا هلا بحبيبت قلبي هلا دانه
هلا بدانة الشرقيه
مشعل سمع صوت ريما وفشل من ريما ومن الي ظنه في اخته
ريما خافت ان صاير شي حق دانه :: الو دانه الو
مشعل :: انا مشعل مو دانه
ريما ولعت يرد ويسكت ولا بعد يرز اسمه:: دام انه موجوالك ليه ترد وبعدين وين دانه
مشعل ولع خير ان شاء الله وشوي وتطلع من التلفون واطقني ::اسمعي دانه في الحمام اذا اطلعت بقول لها انك دقيتي عليها ويسكر في وجها
وهو يقول مالت عليه من بنت
ومن الطرف الثاني ريما وصل معها اطابلون الف
انا ريما يسكر في وجهي صج قليل ادب
وفي بيت جوري كان جاسم يطالع التلفزيون
وسمع التلفون يرن راح يرد عليه كانت ريوف المتصله
جاسم :: الو
ريوف :: هلا جسوم وين جوري
جاسم :: تيب مين انتي علثان ادول حق ذولي
(طيب مين انتي علشان اقول حق جوري)
ريوف :ياربي وش هالورطه وين اختك اخلص
جاسم عصب:: انتي مين اكيد حراميه يلا بااي توه بيسكر الا جات ام فيصل واخذت السماعه
ام فيصل: الو
ريوف :هلا خالتي شخبارج
ام فيصل: اهلين حبيبتي تماام
ريوف:: خالتي وين جوري
ام فيصل:: دقايق واحول المكالمه لها
وحولت ام فيصل حق جوري المكالمه
جوري: هلا
ريوف : حشى ادق عليج ماتردين او مشغول
جوري: في حد لعاب يدق وسكر او يدق ومايتكلم
ريوف: خلي الرقم عندك وبكره دانه تلعن خير في السب وبعدين هاتي واعطيه اخوي بدر يطلع من صاحب الرقم
جوري : اوكي خلينا نتسلى فيه بكره ههه
ريوف : اي صح جوري بكره انا وريما بنطقم وردي واسود في البس
جوري :: طيب ريوف انا الحين بسكر
تبغين شي
ريوف: سلامتك
جوري : بااي
وسكرت
شوي ويدق الرقم المزعج ردت جوري::الو
المتصل: هلا وغلا بكل الغلا
جوري : مالت عليك وعلى وجهك قليل ادب
وتسكر في وجهه وتقفل الجوال
وراحت تروشت ونامت لان بكره في جمعه
مواي جمعه جمعة شلة الوناسه وكل البنات موجودات
نشوكم في الجزء الثاني وابغى ردودكم لاتفشلوني
يلا ننتظر الردود

بنوته دلوعه وبس

08-10-2022 - 05:26 am

يعني خلاص مااكمل
اهئ اهئ

اسيرةالمشاعر

08-10-2022 - 06:27 am

إلا بليز والله اني حبتا للقصه
<<<<بلهجه البنانيه

بنوته دلوعه وبس

08-10-2022 - 07:28 am

اسيرةالمشاعر
اهلين اسيره

عاشقة...الحلويات

08-10-2022 - 08:29 am

الصرااحه أناا مااقريتهاا بس أول مااتكتمل أن شااء الله بقرااهاا بليز كملي شكلهاا حلوه..

بنوته دلوعه وبس

08-10-2022 - 09:30 am

ان شاء الله بكمل عشانكم

بنوته دلوعه وبس

08-10-2022 - 10:31 am

مشكورين على هالطله
البارت الثاني
**************************
جا يوم العزيمه يوم الخميس
وكانت ريما تجهز الاغراض
وتدخل عليها امها ام راشد
ام راشد: ريما
ريما ببتسامه: هلا مام
ام راشد: ماتبغي غدى
ريما: مام ماقال لك دادي اني بتغدى مع صديقاتي
ام راشد: اي صح نسيت ومتى بتروح المشغل
ريما:4ونص
ام راشد : طيب بس انتبهي على نفسك
ريما: من عيوني ماام
ام راشد: بنزل انا تحت تبغين شي
ريما: سلامتك
ام راشد: الله يسلمك
وطلعت ام راشد من الغرفه
وريما حطت ميك اب بني خفيف واحتارت وش تلبس في الجزم
( وانتم بكرامه) واهي محتاره دقت عليها ريوف
ريوف: هلا ريما
ريما: اهليين
ريوف : انا وصلت بيتكم ممكن تشرفين و تنزلين
ريما لقت وش تلبس: لقيتها يس
ريوف : ريما وش الي لقيتها
ريما:الجزمه بلبس ذهبيه وفيها بني
ريوف : حنا تفقنا وردي
ريما :بس حاليا انا بلبس نبي وفي العزيمه وردي واسود
ريوف: اي افكريلا نزلي بطولين في غرفتك
ريما : طيب بنزل بااي
ريوف: باي
ريما البست عباتها واخذت شنطتها وهي تسكر عبتها كانت الشيله على وجها
ومانتبهت حق نواف وانصدمة فيه
ريما: آآآآآه
نواف بعصبيه: شوفي الطريق وبعدين وين طاسه في ظهر الله
ريمابعصبيه: موشغلك ابعد عني
نواف مسك ايدها:وين بتروحين
ريما: اف رايحه مع صديقاتي
نواف: اقول انقلعي غرفتك ماعندنا بنات يطلعون في ظهر الله
ريماوهي تصارخ: ياربي مام مام
طلع راشد من غرفته: خير خير وش صاير
ريما: راشد شوف اخوك اقول بروح مع صديقاتي موراضي
راشد: هي امس قالت لابوي وابوي وافق لاتسوي لنا اليوم سالفه
نواف يبعد ريما عن طريق بدفاشه: آآآآآآآآآه عورتي ياسخيف
وراحت ريما وطلعت من البيت
ريما من دون نفس: هلا
ريوف: اهلين وشفيك
ريما تصرف السالفه : مافيني شي وين جوري
ريوف: راحت تجيب دانه
ريما: اها
ريوف: وين نروح اي مطعم
ريما: نروح معطم بربر وبعده مجمع الراشد
ريوف : تركتي كل هالمطاعم الكشخه وجيتي حق بربر
ريما: والله جا على بالي اني اروحه ان شاء الله يكون حق فقر مالي شغل ابغى بربر
ريوف : تيب لاتعصبين
السواق: ماما انتا وين يبقى يروح (ماما انتي وين تبغين تروحين)
ريوف: ماما في عينك كم مره قلت لك قول انسه ريوف
ريما: اما ماما ههه
ريوف : وجع ان شاء الله ريمووه
ريما: قولي له اخلصي
ريوف: اخلص ودنا مطعم بربر
السواق: طيب
وراحوا معطم بربر ودقت ريما على دانه وجاهم في المعطم
ريما تشوف واحدحلو: ريوف ريوف
ريوف :هلا
ريما بحماس: طالعي المزيون بو كاب( او كبوس او قبعه )
ريوف: اي حلو بس استحي اخته معه مدري مين
وتنصدم ريوف وريما بسجى صديقتهم من شلة الوناسه
سحى تتحجب ما تغطي وجها
ريما: موهذي سجى
ريوف : اي والله هي
دخلت سجى ونادت عليها ريما وسلمت وجاو بعدها
جوري ودانه وهم يقزوون في اخو سجى
ريما: جوري دانه هنا هنا
دانه موحولها من تشوف واحد حلو تفهي فيه: ها
جوري : تعالي ياحظي
دانه وعيونها على اخو سجى: هلا هلا سجى
سجى : هلا فيك شخبارك دانه وانتي جوري
جووري: عال العال
دانه بلقافه: من هذا سجو
سجى: هذا اخوي عبد الرحمن الي قلت لكم ان فاتح منتدى
ريما : وش اسم المنتدى
سجى: اسمه :::::::::::::::
ريما: خلاص بسجل فيه
سجى: وانتي دانه وجوري وريوف
ريوف : بشوفه وبسجل
هنا عبد الرحمن التفت على الصوت الخجول الناعم عكس الي قبل
جات عينه في عين ريوف
ريوف لفت عينها وارجعت ورى ريما من الخوف
سجى : وانتي جوري ودانه
جوري: بسجل اكيد حتى دانه بتسجل صح دانه
دانه عينها ماشات على عبد الرحمن : اي صح
عبد الرحمن عيونه على البنت الي متلثمه الي هي ريوف: سجى يلا
سجى: يلا بنات بااي
البنات : بااي
ودخلوا الرباعي المرح الغرفه
دانه وهي تجلس: شكله قطعه ابن الذينه
جوري: اي والله عليه عيون واساع ومكحله
ريما: وخشمه سلة السيف وعليه صوت يجن
ريوف ساكته تسمع بس ماتتكلم
دانه: ولا عرضه تقول خالد عبد الرحمن
جوري: قومي انتي وخالد عبد الرحمن حقك ذا
وربي دحوم احلى منه
ريما: جوري مابعد تخاوينه مداك تدلعينه
ريوف : مومنها من الحماس ههه
دانه تناظر في الجدار: بنات بنات في واحد خفيف دم
كاتب رقمه يقول الي تبغى تدق تدق بعد12
جوري:اي ذكرتيني في واحد يدق
ومزعج حياتي
دانه : دقي عليه الحين
جوري: انا مقفله جوالي لانه طفشني بصراحه
دانه : افتحي الجوال
جوري: اوكي
وتفتح الجوال وكانت رسايل من المزعج
ودقاته كثير
جوري: خبل 30مره داق علي
دانه : لالا تخافين دقه ويسكر مايحب يخسر عليك
ريما: ههه
ريوف: يلا نبغى نضحك عليه
ريما: وش صاير في الدنيا ريوف تشجعنا
ريوف تسوي نفسها ماسمعت شي: يلا جوري
وتدق جوري عليه وتحطه اسبيكر
المزعج: هلا واخير فتحي الجوال
دانه:اقول ياطيب وش تبغى
المزعج تحطم : اوف انا داق على ولد ولا على بنت
دانه : لا على فتاه
والبنات هنا ينفجرون ضحك
المزعج نقهر :خير ان شاء الله الاخت حاطته سبيكر
دانه: لا حاطته على الميكرفون
المزعج: ها ها ها ضحكتيني
دانه تاخذ المنديل : ابوي ابوي جا
المزعج خاف وسكر
جوري وريما ويروف : ههه
دانه: لسى مااتهينا ياخفيف الدم دقي عليه
جوري : خلاص خاف وانا بغير رقمي
دانه: لا ياذكيه بسبه على اني ابوك
جوري : كيف ياذكيه
دانه: بغير صوتي وبحط منديل
ريوف: والله فكره
دانه : بس لا احد يضحك
البنات : اوكي
دانه تدق من جوال جوري
المزعج: الوو
دانه تغير صوتها الى صوت رجولي وهي حاطه المنديل: الو
المزعج سمع الصوت وسكر
دانه : ههه سكر
جوري : احسن
ريوف : بصك الساعه الف وحنا ماطلبنا
ريما : اي ولا وين الجارسون
وجا وطلبوا لهم الغدى
بعيد عن الرباعي المرح
في بيت بودانه ( بووليد)
كان بووليد جالس يتغدى
ومعه وليد وعذاري زوجة وليد
بوليد :تسلم يدينك ياعذاري على هالاكل
عذاري: الله يسلمك عمي
وليدبهمس: ويخليك لي يارب
عذاري افتشلت وماردت
بوليد : الحمدلله ويقوم من طاولة الاكل
قامت عذاري تشيل اصحون وتروح المطبخ وليد يلحقها
وليدحاط يده على قلبه: ارحميه ارحميه ارحمي قلبي يابنت وقولي له احبك
عذاري تصنع العصبيه: وليد ماتشوف الخدم في المطبخ يلا اطلع
وليد يسوي روحه زعلان:طيب بطلع
عذاري عطته ظهرها : الله يخليك لي ياربي والله يهبل
وليد ماطلع ظل جالس يسمع هالكلام: يوم انك تحبيني ليه تسوين كذا
تروعت عذاري توها بترد عليه الا ابو ليد يناديه
عذاري :والله ارحمك ابوك انه ناداك بس بعدين ارويك شغلك على هالتوريعه
وليد: ههه لي عوده
بوليد: وليد وليد وينك
وليد: هلا يبه
بو ليد: سنه على ماتجي المهم انابروح اساعد عمك على الذبايح وانت روح شوف
الشركه مع اخوانك
وليد: طيب
وراح وليد الى اخوانه في الغرفه راح غرفة مشعل بس مشعل كان مع علي
وعلي كان مشغل اغاني وجالس يرقص بهبال ومشعل فاقع عليه ضحك
وليد يفتح الباب: يا سلام مشغلين راشد الماجد وقالبين البيت مرقص
مشعل وهو يصفق : عاش وليد عاش عليهم عليهم
وليد: لاتطربني بحالي فيني الرقصه
علي :ههه والله لااخربك تعال دخن
مشعل : لالا والله اليوم ينام في المطبخ ان درت عليه عذاري
وليد: حرمتك الي تنومك في المطبخ موانا
علي: يلا عاد وش تبغى جاي غرفة عزابين
وليد: ابوي قال اخذ اخوانك معك الشركه
مشعل: يادين البني
وعلي يطفي المسجل: ياربي الشركه يبغى لها سالفه وانا مالي خلق
وليد: لالاتخافون بس بنروح نسال منصور شخبار الشركه ومنصور يكشخنا قدام ابوي
مشعل: اي الملعون اثايرك تقول حق منصور كذا وهو يظبطك
وليد: يؤيؤيؤ كشفنا السر
علي :كذا تماام انا بطلع من الشركه بروح اشوف ربعي لان في الليل ماراح اشوفهم
وليد : يلا مشينا
وراحوا الى الشركه
في مجمع الراشد كانوا الرباعي المرح توهم واصلين
ريوف: بنات بليز بلا حركات هبال انشافني بدر ذبحني
ريما: ليه هو هنا
ريوف : يمكن مواكيد
ريما: طيب تعالي معي نروح محل مانجو ابغى اشتري لي بلوزه
ريوف: طيب
جوري : دانه طالعي هذا شكله حلو
دانه: مسوي روحه ثقيل
جوري : اي بس تلاقينه مغازلجي
دانه تفكر: ام انا اسمي اسمي ريما
وانتي
جوري: فرح
دانه : شنو فرح تستهبلين
جوري : شنو اختار
دانه: لجين
جوري: اوكي مشينا
دانه:يلا
وراحوا صاروا وراه بضبط
جوري: تدرين ياريما ان البلوزه هذي عند اخوي
دانه:اي ابلوزه يالجين
جوري : الي قدامنا
دانه: اي صاير صاحبها قطعه ( قطعه يعني حلو)
جوري بصوت واطي : والله لاقطعه ولا شي مالت عليه
دانه بصوت واطي: من جد مالت عليه
وراح الرجال عن خويه وهم وقفوا يدورين ناس احلى منهم
ومشوا صاروا الاولاد وراهم الحين
الاول : تصدق يامحمد العسل صاير يمشي قدمنا
دانه وجوري لفوا شافهم
محمد: اي والله صادق ياابراهيم واحلى من العسل
دانه: لجين بعدي عن العسل لايجي لك النحل
جوري: وانتي الصادقه ريما
وماتركوهم الشباب الي يوم عطاهم الرقم
دانه: من جد اغبيه ذول مفكرين ان بندق عليهم
جوري: عيال فقر واحد موبايلي والثاني سوا
دانه : انا من شفت بو قذله الي حاطه لي على جنب الي مفكر روحه عدنان وليناعلى غلفه
جوري:ههه من جد ولا الثاني مستحلي الاسنان طول الوقت شاق الحلج
دانه نتاظر الساعه: خلينا نروح حق ريما وريوف علشان نروح المشغل
وراحوا لريما وريوف وطلعوا الرباعي المرح من المجمع
ونشوفكم في الجزء الجاي
تحياتي

بنوته دلوعه وبس

08-10-2022 - 11:32 am

ليش ماتردون

بنوته دلوعه وبس

08-10-2022 - 12:33 pm

البارت الثالث
..................
طلعوا من مجمع الراشد وراحوا المشغل وخلصوا منه هنا سووا تغير دانه مع ريوف وريما مع جوري وفي السياره ريوف كانت سرحانه في جمال عبد الرحمن ودانه كانت طفشانه تكره الجو الهادي عكس ريوف الهاديه تحب الهبال وضحك موالهدووء
دانه تتاافف: ريوف
ريوف موحولها: ................
دانه ترفع صوتها: ريووف
ريوف :نعم
دانه:ريوف ليه ساكته وصايره هاديه فوق العاده من جينا من المعطم وانتي حالتك كذا
ريوف: لاعادي الا شفتي كيف لف علينا اخو سجى
دانه بملل: لا الا صج هو وش اسمه
ريوف بكل رومنسيه : عبد الرحمن
دانه : ويلي ( تقلد صوتها) عبدالرحمن ريوف لفت راسه افتشلت من دانه
دانه تكمل: اقول لايلعب في راسك ترها لعاب
ريوف وهي تخزها ورافعه حواجبها: وشدراك انه لعاب مكلمته
دانه : لا بس احساسي يقول
ريوف: لاا اجل يااخت دانه لاتحسين واجد
وعلى هالسالفه وصلوا بيت ريما وادخلو البيت من الباب الوراني
علشان محد يشوفهم وراحوا غرفة ريما الكل كان كاشخ وحاط ميك اب الا دانه بس جوري وريما حطوا لها غصب عنها
ويوم اخلصوا من دانه طلعوا من غرفة ريما دانه طارت على المصعد ريما:وين يالحلوه تعالي انزلي معنا علشان الكل ينتبه لنا
دانه: علشان يشوفونك قصدك صح
ريما بغرور: حد يشوف القمر ولا يناظره
جوري بهبال : تسلمين ادري اني قمر
ريما تلف لجوري :اقول انطمي
جوري ودانه : ههه
ريوف: ترى بنزل اذا مانزلتوا
ريما: كلنا بنزل( تلف على دانه) تكفين تعالي
دانه : اف طيب
وانزلوا وتحققت انميت ريما الكل انتبه لهم كانت اشكالهم اجنان كنهم اقمار نازله موبنات
وسلمو على الحريم وسلموا على شله الوناسه
وصار عدد الشله كاامل الحريم في الصاله والمجلس الداخلي البنات جالسين فيه والمجلس الخارجي الرجاجيل
في مجلس البنات كان الجو عال العال رقص واغاني وضحك
سعاد من الشله : بنات ابغى راشد الماجد اوخالد عبدالرحمن علشان ارقص
جوري : مالت على خالد عبد الرحمن راشد الماجد احلى حطوا غنية ياهلي
ريما : كل شي موجود اخوي نواف ماقصر كل الاشرطه جابها لي
جوري : ياحلوك يانواف شكلي بخاويه ههه
دانه: افلقيني اذا عطاك نظره بس
ريما وهي تغير الشريط: اتركوا اخوي في حاله
وفي مجلس الرجاجيل كان وليد رايح جاي ويسولف مع هذا ويضحك مع هذا ولفت انتهباه سلطان الي جلس جنبه وليد سلطان ولد صديق ابو بدر ابوه تاجر سلطان مستغرب هذا اكبر عيال عمه معنى ابوه اصغر واحد سلطان يكلم وليد: الاخ سمه وليد
وليد : سم
سلطان : انت اكبر عيال عمك وابوك اصغر خوانك انا مستغرف
وليد يبتسم: ابوي تزوج بدري وعمي بوراشد تاخر في انه يجيب عيال وعمي بو فيصل كل مايجيب زوجته تصقط وبعدين انا كبرت وجات بعدي بنت عمي بوراشد وعمي بو فيصل جاب ولد وانتهت السالفه
وتوه بيرد سلطان الايجي فيصل ويسلم على وليد
فيصل: شخبارك وليد
فيصل: تمام وانت
وليد : تماام وين الشباب راشد واخوه وبدر واخواني
فيصل: مدري
محمد دخل المجلس ورحوا الين فيصل وليد جاليسن في المجلس
محمد : فيصل وليد احقوا نواف وعلي يتهاوشون
وليد قام وسحب معه فيصل ومشوا لكن وقفهم
صوت بوراشد: وين رايحين يا يبا
وليد يصرف السالفه: نساعد راشد
بو راشد : قواكم الله
وليد طلع وراح لعند الهواشه نواف ماسكه بدر وراشد
وعلي ماسكه مشعل وعلي كان ينزف دم من ضربة نواف
وجا وليد وهو واصل معه الف: انتم ماتستحون
خافوا الله في المساكين الثلاثه عمامي بتفشلونهم
قدام المعازيم وين حنا على هالوشه في الشارع ولا مصارعه
نواف وهو معصب: اقول وفر كلامك لك واخذ اخوك وطلع برى
وليد انصدم من كلام نواف انا الكبير زوج اخته انطرد
بووليد كان يراقب الوضع من بعيد ويوم شاف هالوشه راح لهم وصل على طردت نواف لوليد
بووليد: والله وكبر يانواف وقمت تطرد زوج اختك وطلع لك لسان بعد
نواف نزل راسه فشل من عمه
بووليد: اسمع يامشعل اخذ اخوك وروحوا البيت وحنا من بنلحقكم
محد تحرك من مكانه كانوا خايفين من نظارت ابوهم الي ماتوعد على خير راشد بخوف : عمي صل على النبي قاطعه بووليد
بووليديخز في نواف: لايابوك لازم نطلع علشان نريح نواف
نواف هنا اتركهم وراح عنهم ولف
بووليد لمشعل وعلي : ماتسمع وش قلت اخذ اخوك روحوا البيت
ومشى عنهم بوليد
وترك وراشد وبدر وفيصل في حيره
وليد كان منصدم بزر مثل نواف يطردني وراشد كان يناظر شكل زوج اخته المصدوم وبعد تردد تكلم: امسحه في وجهي نواف دايم كذا اذا عصب يقط كلام مايدري وشنتيجته
وليد ناظر راشد وراح عنهم ولحقه راشد
فيصل : بدر وش السالفه
بدر : السالفه ان علي جواله دق ونواف مسك كل كلمه يقولها علي تعليق وتنرفز علي وسكر من صديقه وفشل علي نواف قدامنا وقاله روح يالمطرود وصارت هوشه
فيصل : اها اجل تعال نروح المجلس
وراحوا فيصل وبدر المجلس وصارت الساعه 12والكل مشى من بيت بو راشد وشلة الوناسه وعودوا بعض
.............................................
بس وش راح يصير على نواف بووليد بيقول حق بوراشد عن اولده؟؟
وش الخبر الي فرح وليد ؟؟
ريوف هل راح تدخل المنتدى وهل بتشوف عبد الرحمن؟؟؟ وليه ام راشد تبكي؟؟؟
كل هذا في البارت الرابع انتظرونا
تحيااتي

بالرياض شافته عيوني وبأسبانيا صار مجنوني←
أخبار روما→