الزواج والتدخين

فتاة العالم الوردي
موضوع مهم ، هل نتخلى عن الشباب ام نكون عونا لهم على طريق الحق بان نهديهم الى الصواب

صراحة انا زوجي مدخن ..
وتعبت معاه حتى يتركه وتركه يمكن سنة ورجع له بعدين ..
هذا ادمان ومايقدر يتركة ..
بس اذا كان هو يبغى يتركة يقدر من نفسه ومن اقتناع ..
مشاكل تقريبا لا .. مع اني دايما ابين له اني زعلانه منه عشان ريحته وابتعد عنه لما اشم ريحته .. عشان هو يفكر يتركه ..
ومازال الامل موجود

بصراحه انا من واقع تجربه لما تقدم لي زوجي كنت متردده لانه شخص كويس بس مدخن وانا بحياتي ماتوقعت اني بوافق على مدخن لاني مااطيق ريحة الدخان بس ماادري كيف وافقت والان انا فعلا متضايقه لاني ماقدرت اقنعه يتركه لكن ابدا ماندمت اني تزوجته لاني متفائله انه مهما طال الوقت ان شالله باقدر اخليه يتركه صحيح اني تجيني اوقات اقرف فيها خصوصا لو اضطريت اكون قريبه منه وهو يدخن بس هذا نادرا يعني انا معودته على كذا فانت من البدايه اعملي نفس الشي علشان مايتجرا يدخن عندك واذا خلص خليه يفرش اسنانه ويتعطر في كل مره خليك صامده علشان يطفش من الدخان والاهم من هذا كله الدعاء له دائما بالهدايه

لينا
حبيبتي لينا
اشكرك على اجابتك على استفساراتي وتشجيع الفتيات على مساعدة الشباب للاقلاع عن هذه العاده السيئه
اتمنى لك السعاده بحياتك والله يهدي زوجك ويبعده عن التدخين
دمت لنا بود

أم الريحانة
الله يعينك ويصبرك وطالما تركه سنه ان شاء الله فيه امل يتركه على طول
بس لا تيأسين من محاولاتك لابتعاده عنه
اشكرك جدا على مشاركتك موضوعي

زهور الشام
عزيزتي
زهور الشام
يعني مريتي بنفس حالتي .. انا مثلك جداا متردده لاني ماطيق الدخان بس بصراحه الشاب مايتفوت
بس معك حق المهم مايدخن عندي ولو اني بصراحه ماعتقد انه بيلتزم بذا الشي على طول يمكن بس في البدايه
يسمع كلامي وبعدين يطنش.. الله يعين
الف شكر على مداخلتك الجميله ,,,

خليها على ربك الظاهره انه مافي احد مايدخن في هذا الزمن الا نسبه بسيطه حتى الحريم يدخنون

أختي الغالية الزواج من انسان يدخن ما يسبب مشاكل زوجية ......فقط رائحة الدخان تضايق.....
وانا زوجي يدخن.....ودايما اذكرة باضرار التدخين ويوعدني انة بيتركة......واطلب منة ما يدخن قدام الاولاد..
ودمتي

أنا لي يابنات سنتين ونص متزوجة يمكن مايمر اسبوع مانتضارب فيه عشان التدخين طفشني ما اقدر اتحمل فكرة انو يدخن وانو الشي هذا يضر صحته هو بصراحه مايدخن في البيت ولا قدامي انا وبنته لكن ابيه يبطل والله يابنات جربت كل وسيلة ممكنه لكن مافي فايدة
في طريقة حكتني عنها وحده من صديقاتي وكيف سوتها على اخوها وخلته يبطل حتى انو مايطيق حاجه اسمها سجاير والطريقة هي؟؟؟؟؟؟؟؟؟؟؟؟؟؟
ابي اشوف ردود يابنات عشان أقول الطريقة لاني محتاجه مساعدتكم تكفون!!!!!!!!!!!!!