الزوجات الاكبر من ازواجهم يتفضلوا

........................

انا زوجي اكبر مني ... بس حبيت اشارك
الله يعينك على هالعقليه لاهل زوجك , ولا انت يمكن حساسه ....
نحن عندنا بالعايله تنتين متزوجين ناس اكبر منهم ولحد محسسهم ماشاء الله عليهم مدلعين روحهم ويبانون اصغر من سنهم منسينا انهم اكبر من ازواجهم ...
وبالصراحه اهم شي زوجك مايلمح ولايضايقك ولاتفتحين عيونه على انك متضايقه ....
هو مو عيب والدليل حب الرسول وتعلقه بالسيده خديجه رضي الله عنها ....

السلام عليكم......
مشكورة حبيبتي على هالموضوع المميز ...
كل اللي اوصيج فيه ان مالج شغل بحكي العالم ...مادام زوجج يحبج ...وانتي تحبينه ومتفاهمين .....((مالك ومال النجوم ))!!!
انا اكبر من زوجي بسنتين ولنا الحين اربع سنوات متزوجين وعندنا ولدين الحمدلله
قبل الزواج....اهل زوجي حفت ريولهم واهم رايحين رادين على بيت اهلي علشان اوافق على ولدهم ......
وانا وزوجي ماشفنا بعض الا يوم العرس ...والى اليوم يقول انه تفاجأ لما شافني لأن شكلي اضغر منه وايد ...واهله مفهمينه انني اكبر منه انما جميلة ومثقفة وخلوقة وما اتطوّف (على قولتهم)
والله كل اللي يشوفنا مع بعض ما يصدق اني اكبر منه ابدا ...
اما اهله فسبحان مغير الاحوال ..بعد ما تزوجنا وبدت المشاكل ...تذكروا انني اكبر منه ...وامه وين ما قعدت تقول عني : (هالعجوز!! ) زوجتها لولدي ووهقته فيها !!!!(مع ان ولدها يبوس الارض اللي امشي عليها ويحبني حب مو طبيعي والكل شايف هالشي) ونست انها كانتت تترجى اهلي ومرة مسكت ايدي وقعدت تترجاني علشان اوافق على ولدها ...
نست ركضها ورانا وتلفوناتها وزياراتها ونست نشبتها بحلوجنا الين وافقنا على الزواج
....زوجي قالوله عني حلوة وايد ووصفوله طولي وشكلي وحتى مشيتي ..وكان مقتنع وماعنده مشكلة ابدا ... واهو بنفسه يستغرب من كلام اهله بعد مابدت المشاكل ...وفي مرة راح لامه وقال لها : انا ماعشقت البنت ولا كنت اعرفها ... انتي اللي زينتيها بعيني ...شلون تقولين الحين عنها جذي ؟؟؟
المهم ....ماني مدوختكم .... اهم شي عندي ان زوجي يحبني بجنون .....وولا عمره وولا عمري حسيت اني اكبر منه بالعكس... اهو انسان رزين وعقله كبير .. ومحسسني كأني طفلته المدللة ....
وماله شغل نهائيا بالكلام اللي يسمعه من اهله ...
الله لا يحرمني منه قولوا امين ...

ورد فوشي مشكوره حبيبتي على مشاركتك والله يعين على هالخلق
عذاري الكويت والله العظيم انا نفس الشي اهله اللي اختاروني وكانوا عارفين اني اكبر منه ومش هامهم ابداوبعد الزواج بدأت التلميحات!!الحمدلله ان ازواجنا مو هامهم العمر واهل الزوج لازم الوحده تتعلم كيف تطنش كلامهم مع انه يسم البدن الف شكر حبيبتي عذاري على مشاركتك معاي

انااشوفه ماهو عيب حتى لو الفرق كان اربع سنوات لان يضلون من نفس الجيل واذا كانوا اهل الزوج يغمزون ويتكلمون وعلى هالشي انما يدل على عدم صفاء قلوبهم وصغر تفكيرهم ومايبون ولدهم يعيش براحه
بس انااقول لكل وحدة زوجها اصغر منها اهم شي زوجها مقتنع بهالشي ويحبها ولاعليها من احد وتترك الحساسية عنها
وسلامتكم

ماني اكبر من زوجي بس دخلت اقولك المهم انه مدلعك ويحبك والباقين اصبري عليهم .. ولاتوريهم ان هذا يستفزك العكس امزحي واضحكي عشان هم اللي ينغاظون ..
الله يوفقك ويسخرلك زوجك ياعسل

الفرق سنه واحده بس الحمدلله عمرى مو حسيت بالفرق

انا مو اكبر من زوجي بس حبيت اشارك بالموضع من بعد أذن صاحبته طبعا
الزواج مقسوم وفرق السن ما هو بعيب ولا حرام واهم شي بالموضوع ان الحرمة يكون شكلها كيوت وما يبان فيها العمر ولا تنسون ان في حريم ماش الله ذوات الحجم الثقيل تكون صغيرة وتبان اكبر من زوجها واحس ان الحرمة اللي زوجها اصغر منها يكون شغلها الشاغل الاهتمام بشكلها قدامه مو مثلنا ما نهتم ولا انا غلطانة..؟

اكبر ولا اصغر صدقيني الازواج اللي يتوفقون هالايام يحمدون ربهم