السكن مع أهل الزوج بين القبول والرفض

انا عن نفسي مااقبل اني اسكن مع ام زووجي
حتى لو كان ولدها الوحيدد
وان شاء الله بعاملها احسن معاملة ولاراح اخلي ولدها يبعد عنها بيووم
يعني اشووف ان الولد لو سكن ببيت لحاله ماراح يأثر على علاقته بامه وبره فيها
والف شكر لك

السلام عليكم و رحمه الله و بركاته
ممكن في هالموضوع بالذات افيدكم الاني مجربتنه بس كل واحد له ظروفه و شخصيته . بدايةً انا متزوجة من 13 سنة عشت اول سنة مع اهل زوجي و ماشفت منهم الا كل خير اللهم من بعض المناوشات بس الشهادة لله ان ام زوجي مره عاقلة انا الي كنت افهمها غلط و بحكم عمل زوجي في ابوظبي انتقلت للعيش معاه و كانت علاقتي مع اهله بعد قوية و بعد اربع سنوات سلمنا الشقة بحكم انتقالنا و عشت و مازلت عايشة مع اهل زوجي الصراحة اني عندي بيت بس مأجر و بسعر رمزي- يعني مب علشان الاجار انا ساكنه معاهم عمي و عمتي وايد طيبين واغلب اعيالهم متزوجين و منفصلين بس انا ما اقدر انفصل عنهم صرت متعوده عليهم وهم متعودين على اعيالي اشيلونهم و اظهر مع زوجي بروحي ما احاتي العيال ففكرت اني اكمل دراستي و اشتغل و هم واقفين معاي . بس لازم الحصاية يم الحصاية اتسوي صوت بس علشان عمتي متفهمة اغلب الاحيان هي الي تعتذر و بعدين انا استحي على غلطي. يمكن انا قادرة اعيش معاهم علشان عمتي متفهمة وزوجي وايد طيب مثل باقي اهله. ساعات ممكن كل هلشروط تتوافق مع باقي الاسر بس اتظل الزوجة تبغي بيت منفصل للخصوصية و هذا حقها الشرعي بس ارد و اقول تختلف المسائل حسب الشخصية. في راي الخاص احس ان الزوجه لازم اتقول رايها بكل صراحة تبغي بيت منفصل و الا لا موب تسكن عندهم و بعدين اتقول مابيكم ابغي بيت ابروحي هذي موب حلوة . و اعرف سخصيا وايد متزوجات متضايقات من مسئلة العيش مع اهل زوجها و الاقلية الي عايشات بهدوء يسبق العاصفة

انا من رايي ابغي اعيش مع اهل زوجي لانهم طيبين بس خطيبي يبغي يسكن منفصل عن اهله شفتو انعكست الايه

انا لا اؤيد سكن الزوج مع اهله لان الاحتكاك الزايد مع اهل الزوج يجر المشاكل.....
لكن فيه استثناءات لها القاعده يعني اذاابو الزوج او ام الزوج مثلا ارمله وعايشه وحيده ..نعم في هالحاله لازم يكون فيه احد بجنبها من اولادها يعيش معها .........

وانا رايي من راي اختي نون .....
بس انا شكلي بسكن فبيت اهله خ
إن شالله يقتنع ويحط لي بيت حتى لو اجار .

انا لا اؤيد ابدا لاني بدي اعيش في استقلالية في بيتي

هذا الشي يعتمد على اهل الزوج وعلى الزوجه نفسها .... يعني اذا الوحده اضطرت انها تسكن مع اهل زوجها لاي ظرف يمكن ظروف ماليه او ظروف اهله ... انصحها تكون في حالها وماتتدخل في مشاكلهم وتقوم بواجبها صوبهم لا اكثرر ولااقل ...
والي ظروفه تسمح له انا اشوف الاستقلاليه والخصوصيه شي مهم مهما كان اهل الزوج طيبين ...
عن نفسي انا ساكنه بروحي وماعندي عيال والحمدلله الحمدلله حياتي مستقره وهاديه... بس انا وضعي عكس الناس .... ام زوجي هي الي اصرت اننا نسكن بروحنا لدرجة هي الي شرت البيت وخلتنا نأثثه .... مع انه زوجي ولدها الوحيد وتموت فيه .... بس يعجبني تفكيرها واايد منطقي دووم تقول انا طيبه وانتي طيبه وولدي طيب بس سوء التفاهم وارد وكلن ياخذ راحته ببيته احسن له ... ودووم تقول انها اسكنت في بيت اهل زوجها وهالشي يخليها تفهم نفسية كل بنت ...هي وايد متفهمه وماتتدخل بيبنا مهما يصير...الصراحه احس اني محظوظه فيها وايد الله يطول بعمرها ....
مثل ماقلت الاستقلاليه وايد مهمه وحلوه .... بس يعتمد على ظرروف الزوج واهله والبنت لازم تقدر هالظروف ....

مهما كانت الظروف
ومهما كانت القرابة
ما ينفع أبد السكن في بيت واحد
انا أؤمن بالمثل هذا بجميع أحوالة
(خلك بعيد حبك يزيد )

اولا شكرا على طرح مثل هذا الموضوع اما بلنسبة للسكن مع اهل الزوج فانا طبعا افضل الاستقلاليه و لكن اذا اضرت الظروف الى السكن مع اهل زوجي فليس لدي ادني مشكلة