السينابون بالصور عشقي

السلاام عليكم ورحمة الله وبركااته
كيفكم فراشات
ان شااء الله تكونو بخير ونعمة يارب
الباارحة ساهرٍ مااغمضت عيني <<< عفواً عفواً نأسف لهذا الخلل الفني
المهم البارحة كنت طفشانه ماا عندي شغل وزوجي طالع
رحت المطبخ قلت خليني أسوي شيء أشغل نفسي فيه
ويجي ببالي عشقي
السين ابون
يا لبيه من زماان ما سويته
وأنا اللي أشمر كم الثووب <<< تركي الحساني على غفله
وأبدأ فيه
ولما جهز كان المنظر واو
قلت لازم أصوره وأنزله للحلوات الفراشات
طبعاً يابنات ما جا ببالي أصور من البداية فاعذروني ما صورت مراحل العمل
نبدأ في المقادير والطريقة :
العجينه:
العجينه هاذي يابنات أستعملها في الفطاير والسينابون وللي تبون << بتاع كلوو
أولاً كأس مويه دافية
وملعقة كبيرة خميرة فورية
وفنجال سكر
توضع في الخلاط حتى تمتزج ويذوب السكر
بعدها نضيف عليها:
نص كاس زيت
ونص ملعقة صغيرة ملح
وأربع ملاعق حليب بودرة
ورشة فانيليا
وتخلط مرة ثانية حتى تمتزج جيداً
بعدها نصبها في زبدية ونضيف لها ملعقة بيكنج باودر وكاسين دقيق كويتي
أو حسب سمك العجينه ممكن تحتاجين زيادة دقيق
وتترك تختمر ساعة تقريباً بعد تغطيتها
بعد ما تختمر نبدأ نفردها وندهنها بزبدة سايحة ثم نرش سطحها بالقرفة والسكر الأسمر بمقادير متساوية
ثم تلف بشكل روول وتقطع وتدخل الفرن حتى تتحمر من الأسفل والأعلى
أول ما تطلع من الفرن نكون مجهزين الصوص ونصبه عليها
الصووص :
كاس عين الجمل يكسر ويحمس مع ملعقتين زبده لمدة دقيقتين على النار
ثو يوضع عليه ثلاث ملاعق سكر أسمر وملعقة قرفة مطحونة نقلبها مع بعض خمس دقائق
ثم نصب عليها علبة حليب نستله ويحرك خمس دقائق
وبكذا يكون الصوص جاهز
طبعاً الكمية هاذي كبيرة ممكن تسوين نصفها أو حسب رغبتك
وهاذي الصينية أول ما طلعت صبيت عليها الصوص مع خطوط من النستلة والهيرشي
هنا من قريب
وهذا بعد ما صفيتها بصحن التقديم
هااذي من قرييب
ومن زاوية أخرى
واو
يالله أتمنى تعجبكم وتقولو راايكم بصراحة فيها
وهااذي لكل وحدة تدخل موضوعي سواء ردت أو ما ردت
وياليت اللي يعشقون النقل ما ينسبون المواضيع لأنفسهم OK ؟
ربي يسعدكم ويوفقكم