الشيب وما أدراك مالشيب

السلام عليكم هلا والله باللي عجزن قبل حلهن<<خ أنا وأعوذ بالله من كلمة أنا في العشرينات من عمري والشيب طاقن شعري وخاصة جوانب راسي وشعري أسود بالمره يعني مشكلتي عويصة وصراحة ضايق صدري من الشيب كرهت الطلعات والروحات والجيات بالعربي تعقدت ولا أبغى صبغات لأن كثرة الصبغات تضر فاللي جربت علاج أو كرييم أو حبوب ...إلخ تكتب تجربتها لا حرمها الله الأجر ورجاء حار ماأبي وحدة تجيب لي موضوع منقول لأني ماخليت شي بالنت عن الشيب إلا دخلته أو تعطي نصائح وهي ماجربت فقط الموضوع للمجربات ومالها إلا الأجر من الله والدعوات الصادقة لأنها بتحل بعد الله أزمة لكثير من الفتيات لأنه والله يضيق الصدر وما تدرين وش تسووين وأنا متفائلة انه بيجي يوم يكتشفون علاج للشيب فما أنزل الله من داء إلا وله دواء وعندي طلب صغنون لا هنتوا ياليت كل وحدة عندها شيب مبكر تقولنا من وجهة نظرها وش سببه؟؟ أنا بالنسبة لي أتوقع الشيب عندي من القلق والخوف الشديد وع فكرة أنا عندي كسل الغدة الدرقية تتوقعون منه؟؟ يالله على بركة الله ويارب نلقى حل ياكريم