الشيش برك البناني

للرفع اتمنى الاخوات يفيدونا
بسويها معاك اختي حروف

انا اعرف طريقه الشيش برك بس مو اللبناني الاردني

ملوكه عطينا ايه اكيد اكل الشوام يتشابه
وجزاك الله خير

طريقه عمل الشيش برك
المقادير : دقيق أبيض.
لحم مفروم.
بقدونس.
بصل مفروم.
ملح وبهار
ثوم مفروم.
زيت
لبن
نشا (يمكن زيادته قليلاً حسب الرغبة من الثخانة).
طريقة التحضير : أعجني الدقيق بالماء مع قليل من الملح
تحضر الحشوة اقلي اللحم المفروم مع البصل والبقدونس والبهار لين تستوي اللحمه
افردي العجينة وقطعيها دوائر صغيرة تحشى كل دائرة بالحشوة وتشكل على هيئة قبعة صغيرة.
احضري قدر في ماء مغلي على النار ويوضع فيه كرات العجين المحشوه باللحم الى ان تصل الى نص استواء
ثم يحضر اللبن كالتالي: توضع كمية اللبن على النار ثم يذوب النشا في قليل من الماء ويصب عليه مع التقليب المستمر.
التقليب المستمر حتى يغلي اللبن تماماً. لاتشيلين ايدك ابد عن اللبن لين يغلي يعني تحركينه باستمراربعدين تصبينه فوق المويه اللي فيها كرات العجين
اذا خلاص استوى تقريبا اقلي الثوم وجيبي كزبره مفرومه وحطيهم فوق اللبن اتركيه خمس دقايق بعدين طفيه وشوفي شلون يطلع طعمه راح تاكلين اصابيعك وراه
ملاحظه : اذا كنتي مستعجله وتبينها تستوي بسرعه حطي العجين طبعا بعد ماتحشينها وتسوينها على هيئه قبعه
صغيره حطيها بالفرن لين تستوي شوي أو اقليها بعدين سوي اللبن وحطيها فيه بس لاتنسين اللبن لازم تصبينه بعد ماتسوينه بالنشا تحطينه فوق المويه المغليه وكرات العجين
اتمنى فهمتي شلون طريقتي مادري كتبتها مستعجله

هلا حبيبتي فهمتها وجزاك الله خير
بس كيف احط الكرات في المويه يعني قصدك زي الحمام المائي ؟؟
واسفه والله بس النقطه ماوضحت لي

لا يالغاليه انتي جيبي قدروحطيه على النار وحطي فيه مويه مغليه بعدين جيبي الكرات المحشوه باللحم اللي سويتيها وحطيها جوا المويه وخليها تغلي المويه لين تستوي العجين نص استواء جيبي اللبن بعد مايثخن وصبيه فوق المويه والعجيبن بس انتبهي لاتصير المويه مره كثير يعني نص مويه ونص لبن
يارب فهمتي

فهمت ياقمر
بس انتي تقولي لو ماسلقتها اقدر احطها بالفرن او اقليها صح
طيب هل نفس الشي اضيف المويه للبن
واسفه على كثرة الاسئله بس احب اتقنها
والله يوفقك

معليش اسفه على التأخير
ايه ياقلبي لما تقلينها او تحطينها بالفرن حطيها بالمويه المغليه وخليها بس شوي وصبي اللبن بعد ماتخثنينه عليها يعني نفس الطريقه بس بدل ماتنتظرين العجين يستوي بالمويه يكون مستوي خلاص واي شي ماوضح انا بالخدمه بس لاتنسين تعزميني عليها تراها اكلتي المفضله

هلا وغلا وحياك الله وتراك معزومه بكرا لاني بكرا ابسويها انشالله
وراح ارد عليكم وش النتيجه
تحياتي