الطاقة

السلام عليكم ورحمه الله وبركاته
هلا و غلا
برواد العلوم
موضوعي اليوم كثير شيّق و حلوو
راح اتكلم عن الطاقة
الطاقة اسهل تعريف المقدرة على انجاز شغل ما . << ماانسى هاذا التعريف طول حياتي اختبرت فيه قبل اسبوعين في مادة العلوم
وللطاقة صور كثيرة منها من الضوء و الحرارة والرياح واكبر مصدر طاقة دائمة نستمدها هي الشمس ونعتبرها الطاقة الام لنا .
في البرازيل تكثر فيها الشلالات لاكن ماجلسوا بس يتفرجون عليها جلسوا يفكرون كيف يستفاد منها
لين ماصنعوا شرائح التربوينات موصلة باسلاك وهاذي الاسلاك مصدرها من المصنع (الي يستمد الطاقة) تحت الشلال مباشرة ويسقط الشلال عليها فتتحرك الشرائح ومولدة طاقة .
في الاقمار الصناعية الي غزت الكون من كثرها اصبح عددها يفوق الالآف على جناح القمر الصناعي خلايا ضوئية ( بطاريات شمسية ) تخزن الطاقة من اقرب مصدر ضوء منها ممكن من الشمس او من النجوم يحول الطاقة الضوئية الي طاقة كهربائية وبكذا يقدر القمر الصناعي يكمل عمله.
انواع الطاقة في طاقة حرارية وفي طاقة حركية وفي طاقة كيميائية وكثير وكثير ...
تحولات الطاقة ممكن للطاقة تتحول من شكل لآخر لاكن جزء من هاذا الطاقة يهدر
قانون حفظ الطاقة << ياحلاته سهل وبسيط
" الطاقة لا تخلق و لا تفنى من عدم انما تتحول من شكل لاخر "
اي لو جبنا كره وضربنا في الارض بقوة الكره راح ترتد وتطير في الهواء مثلا لطول 3 امتار ورجعت ارتدت في الارض وطارت في الهواء لطول مترين اي ان الكره فقدت جزء من طاقتها
تعاولوا نلعب شووي
بعطيكم مثال .. اتفقنا
العبة سهلة بس تحتاج شئ بسيط وموجود عند الكل
التركيز وتفتيح العقل معاي
الغلاية الكهربائية تعالوا نذكر شوي تحولات الطاقة الي تمر فيها
من اسمها احنى نمسك فيش الغلاية ونشبكه وتشتغل وبعدين تبتدا المويا تسخن وبعدين تغلي وبعدين تسمعون صوت طق و زر تشغيل الغلاية رجع كما كان
تعالوا نستنتج بما اننا شبكنا الفيش واشتغلت اكيد انها بالبداية كانت طاقة كهربائية و بعدين شفنا الموية تغلي طاقة حرارية و شفنا زر الغلاية تحرك و رجع لمكانة طاقة حركية
طاقة كهربائية --> طاقة حرارية --> طاقة حركية
يالله مين يعددلي تحولات الطاقة في الخلاط سهل مره
اعطيكم التفاصيل شبكنا فيش الخلاط وتحركت الخلاطة ...؟
في عندك كثير اجهزة بالبيت ممكن تلعبين وتستفيدين بوقت واحد
اسلوبي زي ابلتي سووري اذا حسيتوا اني اكلمكم بطريقة المعلمة لطالباتها حتى لما اذاكر لاخوي الصغير نفس الاسلوب
مصادري
معلوماتي و كتاب العلوم للصف الثالث متوسط
عند النقل الرجاء ذكر اسم موقع الفراشة
دمتم بود