الطقاقه النصابه ادخلي قبل توهقين

1. انا قصدي من هالموضوع انبهكم على شيئين :

السلام عليكم ورحمة الله وبركاته
انا دخلت اقولكم تجربتي مع الطقاقه ام خالد اللي بالقصيم ولا اعرف عنها غير اسمها ومكانها حتى اي مدينه بالقصيم مو متأكده اذا هي بعنيزه او بريده لأن اختي اللي حاجزتها كان لزواجي قبل 4 سنين المهم
الطقاقه هذي لما جت العرس عيت تطق طيب ليش ؟؟؟؟ قال ايش السماعه خربانه
مو مشكله نجيبلك سماعات من اي مكان.... لا الدفتر بعد نسيته بالقصيم....نجيبلك دفتر من اي قصر ... وكل ماتتعذر بشيء نجيبلها حل بس هي راسها وألف سيف ماتطق ليش؟؟؟ ماادري
يمكن مؤامرة مع احد نعرفه لتخريب الزواج الله واعلم لأننا مابقى احد بالعايله ماقلناله عن اسمها لأن كان فيه همزات ونغزات فالصاله بعد مارفضت الطقاقه تطق
عاد قمت حللتها فعقلي
الطقاقه ليش ضربت مشوار من القصيم للمدينه اللي كان الزواج فيها وهي ماتبي تطق ؟؟؟؟
مافيه غير انها جايه تستلم المبلغ مقابل هالمؤامرة
لأن اصحاب المؤامرة مايقدرون يرسلونها المبلغ فحسابها بعدين تخونهم وتجي تحضر ....
او ان الطقاقه تخاف تقعد فبيتها ولاتجي للعرس واصحاب المؤامرة مايرسلون لها المبلغ فتصير لاهي اللي حضرت واخذت مقابل الطق ولاهي اللي وصلها مبلغ المؤامرة
وواضح اصلا انها ماتبي تطق يعني بالله عليكم طقاقه لها 12 سنه تطق ماحفظت شيء من الاغاني او تدري ان سماعاتها خربانه وبتجيبهم معها من غير تصليح ؟؟؟
بس عجبتني فيها اخت زوجي طردتها ولحقتها اغراضها قالت ليش جايه يوم ماتبين تطقين
وانا ماعلي منهم اعرست غصب عنهم ومبسوطه بزواجي ولله الحمد وزوجي مبسوط معي ويحبني موت وموتوا ياعذال ههه بدينا شغل الحريم

انا قصدي من هالموضوع انبهكم على شيئين :

اولا ً تحذرون تتعاقدون مع هالطقاقه ليس من باب قطع الأرزاق لكن من باب النصيحه والا هذي مو حرام فيها قطع رزقها لأنها اصلا نصابه
ثانيا ً ماتخبرون احد بتخطيطات زواجكم من الطقاقه الى حجز الحلويات والعصائر لأن ممكن يصيرلكم زي ماصار معي او يجي احد حاقد ويلغي ترتيباتكم وحجوزاتكم من وراكم ممكن يعطي صاحب المحل او الطقاقه تاريخ الزواج والصاله ووالله انا اخت فلانه والا امها وخلاص الغي الحجز وتتوهقون انتم فالزواج