الفزعة يابنات الكويت

دانة الغيد

31-08-2022 - 02:52 pm

أنا في جدة وخالتي في الكويت ووصيتها تجيب لي كريم أساس شارمر وهي كبيرة مالها خبرة في
المكياج فياليت ترسلون لي صور للكريم علشان أشوف درجات الألوان وفين ممكن خالتي تحصله تكفون يابنات .

التعليقات (6)

الجوري حياتي

31-08-2022 - 06:21 pm

السلام عليكم ورحمة الله وبركاتة....
اختي محل شارمل تلقينه بمنطقة الفروانية ..في مجمع جديد اسمة((العربيد بلازا))
كأنه بالدور الثالث....
بس سوري .ماعندي صور للكريم...
شوفي في بنات واجد يمدحون هالكريم ....بس بعضهم يقول بدون كريم مرطب قبله .....يطلع مو شي ويفشل بالفرح ....
ووحدة تقول انها تحط قبل الكريم ((شارمل ))كريم من محمود سعيد....بس ما اعرف وين ينباع .....تقول انه الكريم يطلع روعة ويثبت ما يسيح ..
ان شاء الله اكون افدتج....

دانة الغيد

31-08-2022 - 07:22 pm

تسلمين والله ماقصرتي وبيض الله وجهك بياض طبيعي لابشارمل ولا بغيره

&..شموخ العز..&

31-08-2022 - 08:23 pm

هلا حبيبتي
مثل ما قالت الجوري
شارمل موجود بمنطقه الفروانيه بس
في مجع العربيد بلازا بالدور الثاني.. ومجمع الحمرا مول بالدور الثاني
والدرجات للاسف مو عندي
بس اهو احلى درجتين البيج والبيج المايل للوردي
بس انا احب البيج اكثر ... نصيحه خليها تشتريلج البيج
وخليها تشتريلج المثبت (بخاخ وفيه ريحه عطر)
حطي المرطب
وبعده البيس من ميك اب فور ايفر
وبعده حطي طبقه خفيفه من الديرماكول(تلاقيه في مكياج المنصور في العربيد بلازا الدور الثاني..اخذي رقم 212)
وبعده حطي اساس شارمل البيج
وبعده حطي بودره جيرلان المضغوطه(كومباكت باودر) بدون ماي
وسلامتج
واذا بشرتج تمتص الفاونديشن..استخدمي كريم تنظيم افرازات الدهون من ميك اب فور ايفر
هذي الطريقه روعه... حتى اللي بشرتها مو صافيه .. تناسبها كثير
انا استخدمها لاختي(اختي حنطيه مائله للسمار) وتناسبها كثير وروعه عليها
وطبعا مع كريم شارمل لا يمكن البشره تصير رماديه.. ابدا
واتمنى انج استفدتي
اختج من الكويت
شموخ

بنت الفدعان

31-08-2022 - 09:24 pm

البنات ماقصرو فى بعد محل بالجهرء

ام عبدالوهاب

31-08-2022 - 10:25 pm

موجود بقرب مجمع العنود في الفحيحيل

**فراوله**

31-08-2022 - 11:26 pm

وفي بعد بحولي مجمع السندس فوق

مكياج ثابت على طول السهره او المشوار←
ممكن طلب→