الفزعة يارائدات النشاط

وينكم11 دخلو ومااحد رد علي بسرعه تكفون توقعت الاقي ردود بس صراحة صدمتوني

شوفي ياقلبي
اولا بسم الله عليك من الصدمه ههه ولاتحاتين ان شاء الله البنات بيساعدونك ومايقصرون
ثانيا راح اساعدك باللي اقدر عليه ابشري ياعسل
ممكن تسوي مسابقات اسبوعيه يعني تنزل اعلان عن هالمسابقه قبلها بفتره لازوم التشويق وبعدا تنزل اسئلة المسابقه طبعا كل هذا على لوحة الاعلانات او اذا حابه توزعها في انحاء المدرسه علشان الكل يشوفها على حسب نظام المدرسه ومو شرط تكون المسابقه كلها اسئله ممكن تكون تعليق على رسمه معينه طبعا تكون هادفه وممكن تطرح مشكله تخص الطالبات وتطلب منهم الحلول يعني هي وطريقتها

طبعا لاتنسين الجوائز هذي مهمه جدا لانها تعتبر حافز وتشجيع للطالبه ولازم تكون منوعه يعني مو كل مره نفس الشي وبرضوا تعلنين اسم الفائزه بالجائزه بالاذاعه المدرسيه كحافز لها وتكتبين اسمها بالكمبيوتر على لوحة الاعلانات وتباركين لها فوزها بالجائزه وبتشوفين البنات يتنافسون فيما بينهم

ممكن تسوي مسابقه على مستوى المدرسه في طلب تصميم معين بالفوتوشوب لمكتب المديره مثلا او لغرفة المعلمات او للممرات او يخص مناسبه معينه مثلا يوم المعلم او اليوم الوطني

ممكن تسوي مهرجان بالمدرسه بخصوص مثلا اليوم الوطني وتستقبل فيه شخصيه نسائيه ويكون المهرجان بمعنى مهرجان يعني فرفشه .. يكون فيه تلوين الوجه برسومات تخص اليوم الوطني ولاتنسين البالونات تعطي جوو وممكن يكون حناء والعاب حتى لو تستأجرونها بس تناسب سنهم طبعا

بامكانها تسوي مسابقه للفصول كلها في تزيين المدرسه مو الفصل (( المدرسه ممراتها واعمدتها وابوابها )) بحيث ان كل اسبوعين او كل شهر (( على حسب حجم المدرسه وعدد طالباتها )) يزينون المدرسه بطريقتهم واسلوبهم من غير تدخل من احد وانتوا عليكم الاشراف والتوجيه فقط وطبعا تسوون استبيان او استفتاء على ورق وتطلبون من البنات يعبونه اوحتى لو تكتب رايها وبآخر السنه يكون فيه ترشيح للفصل اللي تزيينهم مميز
هذي الحركه بتعطي اجواء مختلفه للمدرسه وحتى اللي زارت المدرسه الشهر اللي فات سواء موجهه او ايا كانت وزارتها بعد شهر او شهرين بتشوف تغييرات جذريه بالمدرسه وبيعطي انطباع حلو عن المدرسه

اذا كانت المدرسه مو مزروعه (( يعني مافيها اشجار )) وفيها مساحات فاضيه مو مستغلله بامكانها تسوي مسابقه بين البنات اللي يحبون او عندهم هواية الزراعه او حتى على مستوى الفصول يعني بنت من كل فصل تامن لهم البذور اللي بيزرعونها وتحدد لهم مساحه معينه وتطلب منهم كل وحده تزرع نوع او لون محدد من الورود وهذا يكون بالتنسيق معها بخصوص الالوان وتنسيق زراعتها علشان بعدين يكون منظرها رائع ويفتح النفس وبشرط يهتمون فيها ويسقونها بالماي طوول السنه وبالاخر تسلم لهم هدايا
وتحاول اي شي يسوونه البنات تعلن عنه وتكتب اسمائهم بلوحة الاعلانات تدرون بهالسن البنات يحبون البروز والظهور وان لها دور بارز بالمدرسه يعني تبي تطلع من المدرسه وتترك اثر او ذكرى حلوه بعدها طبعا مو كل البنات بس اغلبهم
هذا اللي ببالي الحين اتمنى اكون افدتك وعوضتك عن الصدمه اللي كنتي حاسه فيها <<<<<< مانستها خ

حبيبتي ان اقوم بالقاء محاضرات في المدارس عن التربية ومشكلات الطالبات خاصة المراهقات المتوسط يعني اذا تبغين راسليني واوضح لك كل شي والله يوفقك

مشكورة يااحلى سكررة يالدنيا بصراحة راحت الصدمة مني بدع ماشفت اقتراحتك الحلوة صراحه افكارك روعه