الفزعة يافراشات

السلام عليكم
صراحة فيه حلوويات كثيرة بس بكتب لك اثنين روعة وشكلهم روعة يمكن تعرفيهم واذا تعرفيهم ارسلي وارسل غيرهم ياعسل
حلا السمسم
المقادير والطريقة:
الطبقة الاولى كيكة الزبادي).
علبة زبادي - نفس العلبة تملينه دقيق - وبرضه نفس العلبة تملينه سكر - و3\4العلبة زيت - 3 بيضات - ملعقة ونصفPB(الملعقة صغيره).
تخلطين جميع هذي المقادير ما عدا الدقيق اذا خلطتي المقادير كويس اضيفي الدقيق شوي شوي وخلي كل المقادير تنخلط كويس بعدين جيبي صينيه قزاز(بايركس) ويكون حجمه كبير وعريضه شوي وصبي الخليط فيها ودخليها الفرن من تحت(طبعا الفرن تشغلينه قبل لا تبدين) واذا احمرت من تحت افتحي عليه من فوق وخليه تتحمر تحمير بسيط وطلعيه من الفرن وغطيها بفوطه.
الطبقة الثانية:
حليب نستله المركز كبير - 8 أو 12 حبة جبن (كيري او البقرة الضاحكة).
تخلطين الجبن و النستله بالخلاط زين بحيث ما يكون فيه كتل جبن بعدين تصبينه فوق الكيكة وتدخلينها الفرن وخليه تتماسك على حرارة الفرن بس لا تولعين النار.
شوفي اذا تماسكت هذي الطبقة حطيها بالفرزر شوي يكون افضل وتأكيد انه تماسكت زين.
الطبقة الثالثة:
بسكوت السمسم الحلقات .
بعدما تتماسك الطبقة الثانية حطي عليه بسكوت السمسم وخليه في صفوف متساويه بحيث يكون فيه مسافة بين كل بسكوته والثانية علشان يسهل عليتس التقطيع.
الطبقة الرابعة :
علبة سفن (وممكن بدون ) - ظرف كريما.
حطي الكريما والبيبسي بقدر واخلطيهن وحطيهن على الفرن وحركي الين يغلي وبعدين ابعديه عن النار وبرديه بالتحريك بعدين حطيه على البسكوت وبعدين حطيه بالثلاجة (اذا جيتي تصبين هذي الطبقه حاولي انتس تصبينه شوي شوي ووزعيها على الوجه).
طريقة التقطيع والتقديم:
قطعيه مربعات بحيث كل قطعة يكون فيها دائرة بسكوت وهكذا الين تقطعين كل الصينية .
بعدين شيلي كل قطعة حلى في صحن التقديم مع ملعقة صغيرة وبالهناء والعافية.
وان شاء الله يعجبك وتراه سهل جدا ويواجه قدام الناس بس اهم شي طبقيه زي ما قلت لتس ويزبط على طول

نسيت اقولك الأول قطعيه دواير بعلبة الخميرة يطلع اروع
2_ حلالالالا الزبادي طعمه جناان
المقادير::
لبن زبادي1
بيض1
كأس حليب بودرة
كأس سكر ناعم
بسكويت الشاي1
زبدة صغيرة
كريم كاراميل 1
نصف كاس ماء
ملعقة صغيرة نسكافة
الطريقة ::
-- يطحن البسكويت ناعما وتوضع علية الزبدة ونفردها في الصينية ثم أخلطي في الخلاط(الزبادي .والحليب.والسكر.والبيض)...
--واخلطية دقيقة ثم ضعية على البسكويت في الصينية وضعيها في الفرن من أسفل ومن فوق معا لمدة عشر دقائق ويكون الفرن حار قبل وضع الصينية ثم تخرج من الفرن ...
--الأن أعملي الكريمه وهي ..
--(نضع الماء على النار وضعي الكريمة علية والنسكافة واتركيها لمدة 5دقائق واجعليها تبرد قليلا ثم ضعيها على الصينية ويبرد ((( وممكن بدل النسكافية حطي 2ملعقة فيمتو او حسب رغبتك يطلع زي لون الميرندا )) او ثقليه يطلع بلون الفميتو

وكان ودي انزل الصوور وان شاء الله يعجبوكي وتدعيلي
وهذا حلا سهل بس روعة شكلا وطعما بس ينفع حلا قهوة اكثر
الطبقة الأولى :
كيك شوكولاته الباوند كيك الجاهز ( ساراكيك )
الطبقة الثانية :
4 حبات كيري
علبة قشطة
كأس بسكويت مطحون
الطبقة الثالثة بالأعلى :
3 جالكسي السادة
نصف علبة قشطة
الطريقة
نفتفت الكيك في صينيه حجم صغير وممكن تكثفي المقادير على حسب الصينيه وحجمها ومن ثم
تضغطي عليه باليد حتى يتماسك
الطبقة الثانية اخلطي الكيري مع القشطة والبسكويت المطحون
وضعي المزيج فوق طبقة الكيك
ذوبي الجالكسي في حمام مائي وعندما يذوب ا ضيفي القشطة وامزجيها جيداً
ومن ثم نصب خليط الكاكاو السائل في الطبق وهو حار
نضع الصينيه في الثلاجة حتى يتماسك
أخرجيها من الثلاجة وقطعيه مثلثات او مربعات او دوائر والافضل والاشيك دوائر
طعمه خيالي وفضيع جربيه ماراح تندمي وراح يشرفك عند ضيوفك