القمصان الكويتيه الطويله ذوق راقي على كيف كيفك تعالي شوفي

حبيت في هالموضوع اني انزل لكم بعض الصور للقمصان الطويله اللي يلبسونها بنات الكويت:وهو في نفس الوقت تلبيه لطلبات الي يحبون الشغل الكويتي مع العلم ان الموضوع منقول للاخت الكويتيه ريم جزاها الله الف خير وحبيت اضيفه لكم هني للامانه انا ما لقيت صور للبنجابي بمعناه لكن قلت احط هالقمصان الطويله وان شاءالله يعجبونكم وتستفيدون كلكم: وطبعا مثل ما انتوا عارفين هالقمصان ذوق بشكل كبير :وطبعا تلبسون تحتها بدي وبنطلون حسب لون القميص مع وضع حزام عريض على الخصر ان وجد
نخليكم مع الصور:
الموديل الاول:
قميص طويل مع حزام يكون تحت الخصر بشويه مع شويه زم على الجانب
الموديل الثاني:
قميص مع اكمام طويله مزمومه من الجانب والغوله (الياقه ) على شكل سبعه وسيعه وكبيره وقصه في الاسفل
الموديل الثالث:
قميص طويل مع غوله ( ياقه ) كبييره مثل غولات دراكولا تحتها زري وهو مخصر وعلى الاجناب مخابي ( جيب) فيه زري
الموديل الرابع
قميص طويل من غير اكمام غولته ( ياقته ) فيها نقش خفيف مع قصه خفيفه ناحيه الصدر وفي الاسفل خطين زم تحت الخصر وكسرات وشويه نقش
الموديل الخامس:
قميص على الشكل الصيني الغوله ( الياقه ) فيه صينيه والنقش صيني مع وجود كسرات في الاسفلوفيه زرارات من الامام لتسكيره
الموديل السادس:
قميص من غير اكمام الغوله( الياقه ) فيه على شكل سبعه وعليها نقش والقميص مزمون من اسفل الغوله الى الصدر مع وجود قطعه خام نازله من الغوله الى اسفل وهو كلوش وطويل من الاطراف وقصير قليل من الوسط
وهذا نفس الموديل باللون الاخضر
الموديل السابع:
قميص طوويل الى نصف ساق القدم مزموممن جهه الصدر وفي الاسفل قصه اسبانيه من 4طبقات
الموديل الثامن:
قميص طويل بدون اكمام او علاقات مخصر وطويل من الخلف واقصر قليلا من الاماموخامته شيفون حلو