الكتمان بيقتلني

بسم الله الرحمن الرحميم
السلام عليكم ورحمة الله وبركاته
اخواتي الفراشات أنا بدخل بالموضوع علطول
أنا انسانة كتومة بقوة , وهالكتمان مأثر علي بدرجة كبيرة لدرجة إني أحيانا يصعب علي التنفس وأحس اني مخنوقة
يمكن ماتصدقون لو أقولكم أني عمري ماصارخت على أحد وطلعت اللي بقلبي على اللي مزعلني
وهالمشكلة تفاقمت وكبرت لما تزوجت , لما يزعلني زوجي اسكت واكتم واكتم ولا أطلع اللي بقلبي أبدا , اللهم اكتب على ورق , وبعدين اشق هالورق عشان مايقراه زوجي
تعبت تعبت تعبت والله تعبت
دائما اتخيل نفسي اني اصرخ بقوة واطلع المكتوم وأتمنى اني اسوي كذا , لكن ما أقدر
ما أدري يمكن هو خوف, أخاف اجرح اللي قدامي والجرح يروح لكن اثره يبقى
وهذي هي قناعتي
ما أحب اخرب علاقتي بأحد ولا أحب اجرح احد ولا احب ازعل احد وخصوصا زوجي
لكن والله هالشيء جدا جدا جدا اتعبني
وآخرها اليوم , زوجي زعلني , طلع وقعدت أبكي وأبكي بقوة لدرجة حسيت قلبي مرة يوجعني
لما دق علي تمالكت نفسي وكلمته بهدوء وبصوت عادي وهادي ولا كأن فيه شيء صاير لي
هو طبعا يبين علي , لكني اسكت وما أتكلم , وزوجي نفس الشيء تعب مني
طبعا حاولت اكثر من مرة اني اطلع اللي بقلبي لزوجي , لكني ما أقدر عجزت عجزت
تخنقني العبرة , وأبدا اتلعثم وما أقدر أتكلم
آآآآه تعبت والله
تكفون وش اسوي؟؟؟؟؟
الله يشرح لها صدرها وييسر لها أمرها ويوفقها ويحقق امانيها اللي تفيدني يارب آآآمين ..