الكنب الجلد وطريقة تنظيفة

حنوووونة

11-02-2022 - 06:28 am

السلام عليكم ورحمة الله وبركاته
كيفكم ياحلوات..
صراحة مرة وحشني المنتدى واكثر الفراشات اللي فية
توي عروسة جديدة لي 4 شهور واتعودت انظف بيتي زي ماعودتني ماما الله يحفظها لي ولكن المشكلة ان كنت من المدينة <<<<<<ياحبي لها ودحين صرت من سكان جده وطبعا اللي يعرفها لاغنى عن التعريف رطوبة وغبار والله يعين ادري طولت عليكم الموهم كنب الصالة عندي ((((( جلد )))ومو اي لون لا احلى لون ((((((((((((((( ابيض )))))))))))))))) وللاسف انه اتبقع علي من اي شي على طول يبقع حتى لولبس ملون يبقع ومافي غير امسح فيه حاولت بجميع الخلطات حطيت ديتول وموية ومانفع حطيت ديتول وكلوركس واريال واتفقعت عيني وبرضة مانفع ينظف بس البقع الصبغية ماتروح فياليت اللي عندها خبرة تساعدني وتقلي ايش الحل؟؟؟؟
تشكرات مقدما

التعليقات (3)

Miss Givenchy

11-02-2022 - 09:21 am

ألف مبروك على الزواج ياعروستنا الحلوة
شوفي أنا ماعندي خبرة في الجلد لأني ماأحبذ وجوده في البيت
ماهو عملي يعني بس شكل وأي شي ممكن يشوهه أو يشققه وبارد في الشتا
أو لو فتحتي التكييف..
يعني لما تجيبي أطفال إن شاء الله
راح تحسي بالتعب اللي على أصوله وخاصة حركات الكتابة والتلوين على الكنب ^__^
>>>> تبغاكِ تغيريه عشان ماتتعبي (:
لكن نقلت لك معلومات ويارب تفيدك
الكنب الجلد له منظفات خاصة تلقينها في ساكو وفي محلات اكسسوارات السيارات ومواد التنظيف الخاصه فيها
لأنه اللي نفس المنظف اللي ينظف كراسي السيارة الجلد ..
ببرنامج امريكي كانوا ينظفون بصابون الوجه الخفيف مع قطعة قماش نظيفة
وماء للشطف .... طبعا على خفيف عشان مايجف ويتقطع
تمسحينها بقطنه فيها القليل من الزيت يطريه ويلمعه
انا امسحو بداك بالورد احطو في بخاخ وابخ وامسح بخرقه مبلوله وماسارلو شي ونظيف ويلمع
اناامسحه بالخل ثم بالزيت الزيتون يرجع جديد
......
ام وأنا أقترح عليكِ تجربي الخل الأبيض جربي على قطنة ومساحة بسيطة من أسفل الكنبة
وشوفي لو طلع تمام كملي فوق الكنبة ..
بالتوفيق عسولة ^__*

عـــيـــوش

11-02-2022 - 10:22 am

يعطيك العافيه على جهدك ....

حنوووونة

11-02-2022 - 11:23 am

Miss Givenchy ..
الله يبارك فيك ياقلبي
مشكورة ياقمر عالمعلومات وبطبقها ان شالله واكيد بقلكم النتايج وتروحي وترجعي بالسلامة ..
عيوش ..
مشكورة عمرورك ياعسل..

شطاف الوضوء←
عاجل→