الكوفيرا فجر الواردي

بنات راح اكتب لكم تجربتي مع فجر بزواج اختي يوم الخميس الي راح بصراحه قبل اتكلم عن مكياجها او عن تسريحتها بصراحه انسانه قمه في الاخلاق الله يوفقها وين ما راحت
تعبتها كثير معاي انا من الشرقيه و اتصلت عليها لان زواج اختي برياض و مافي مشغل في الرياض بصراحه دخل مزاجي وانا ما احب الكوفيرات الي يستخدمون باساسهم بودره لانها تتكتل و يسير الوحده كانها لابسه قناع
عشان كذا اتصلت بفجر وكلمتها بس كان عندها عروس في نفس اليوم و ترجيتها ووافقت تيجي حجزت لي و للعروس و لامي و اختي
وقبل الزواج باسبوع ام العريس اصرت انو الكوفيرا الي تسوي اختي (العروس ) تكون من عندها
كلمت فجر و كنسلت مكياج العروس
وفي يوم الاربعاء كلمتنا اخت العريس تقول انو الكوفيرا سارلها ظرف ومراح تقدر تيجي انصدمنا
الزواج بكره المهم رجعت كلمت فجر مع انو مالي وجه بس ايش اسوي توهقنا
وقالت لي راح تيجي بس بعد ما تخلص من العروس الي عندها
المهم رحنا الصاله على الساعه 2 ونص الظهر ارسلت لنا وحده تسوي لنا التسريحات بس قالت العروس لا تسويها انا بسويها
جات على الساعه 4 ومسكتنا وحده وحده بصراحه ومن غير ما اجامل او ابالغ كان احلا مكياج في الصاله مكياجنا واختي العروس طلعت مشاء الله سوت لنا مكياج لبناني اوفر ولا تكتل وقعد لين الفجر من غير ما يخرب
الحين رجعت الشرقيه وكل شوي اطالع بصوري مبسوطه من شكلي كانت بشرتي موحد لونها والمكياج مو زي القناع