اللحن الحزين

الصداقة شي نادر في الوجود..عملة صعبة..بتعبير آخر إذا كانت المعجزات سبع! فالثامنة إيجاد الصديق الوفي..يعزك لذاتك وليس لمصلحة شخصية..
من الصعب الحصول عليه؟!
ولكن...الأصعب؟!
كيفية المحافظة عليه..
وإن من أكبر التضحيات..
إنك تضحي بمعجزتك..صديقك الغالي..
شدني لحن حزين..
سريت للمصدر..
وشعرت في القلب بأنين..
هذا جوالي..
وقريت فيه الكلمتين..
صديقي الغالي..
وينك يا أغلى المحبين..
أحسني بحالي..
ولا لي في الدنيا معين..
رديت وفبالي..
وينك يا خلي من سنين..
بديت..ب
حرام غربالي..
غبت وأشقاني الحنين..
تسألني..شخباري؟!
سلامتك..
بس طلع جرحي الدفين..
تقولي شو الطاري؟!
وصلني منك مسجين!
رديت..طال انتظاري؟!
وانت صديت الحنين..
ما جا على بالي..
تسألني عساك من الناسين..
جاوبت..نسيت!
إن كان ترضالي أذكرك فكل ساعة وحين..
من قلت يالغالي..
قلت ياعون من له ناظر العين..
سمعت انساني..
ونزلت من عيني دمعتين..
وكمل..غلاك أشقاني..
وأنا ما شفت منك شين..
خل حياتي تهنالي..
مثل ما انت تهنين..
أذكره في عرسي وصاني..
خل بالك ع أغلى المحبين..
لا تزعله عشاني..
إنت لك حياتك الحين..
واتركني لأحزاني..
وبشكي غلاك لهوا (العين)..
مالي سواك انسان غالي..
بس أباك في حياتك تسعدين..
ما همني حالي..
المهم تقدرين تنسين..
تمتمت..بس هذا حلالي..
مافي مجال تقارنين..
فهمتها لحالي ..
قالتلي حياتك يبغاك تبعدين..
وعندي لك سؤالي..
ليش تريدين تتعذبين..
ماب عندج الغالي..
هو زوجج واعز ما تملكين..
جاوبتها وف بالي..
من جدك انتي تتكلمين..
زوجي هو غالي..
وحروفي تعجز عن وصفه بكلمتين..
بتخلص أحباري..
وأنا بحبه ليوم الدين..
بحطه في فوادي..
وبضمه لي بجف العين..
بس الصداقة..اجباري..
ما يغفل عنها حبيبي كامل الزين..
أكيد ماب يرضالي..
اتم بلا صديق ولا معين..
رد..ويده عالي..
لا تمين تحلمين..
ودعتك الباري..
جعله يحفظك من كل شي شين..
ووصيتي..لا تبالي..
وجعل ربي يخليكم اسعد اثنين..
سكرت جوالي..
وودعتها بدمعتين..