اللهم ابدلني خير منه

السلام عليكم ورحمة الله وبركاته
كيفكم بنات ان شاء الله زينات
اليوم مدري ليش مع اني لي فتره في المنتدئ حبيت اخبركم بقصتي
طبعا انا مطلقه من اقل من شهر تقريبا
كنت متزوجه 14 سنه ورزقني الله ولد وبنت الله يحفظهم
في الفتره الاخيره ما اعرف ايش صار انقلبت حياتي ماتتخيلو كيف
مع انه ماكان يقصر معاي من ناحية الفلوس البيت الاكل الشرب
بس الشي الاهم اللي هو الزوج ماكان موجود اللهم كان اسمي متزوجه عشت هالمعاناه لمدة 9 سنين
هو بغرفه وانا بالثانيه بلا اسباب وكل ما اقول اتعالج شوف نفسك ايش فيك يقولي مافيني شي
كلمت اهله اهلي مانفع الموضوع وكل يوم يزيد البرود بيننا لدرجة ماصار يطيق يشوف وجهي
اذا دخل البيت دخل غرفه ثانيه وانسدح قدام التلفزون ونام
مانطلع مع بعض ماناكل مع بعض ولاشي مانتكلم اصلا ليش والله ما ادري ماكنت مقصره بااي شي والله الشاهد على كلامي
في البدايه كلمت اهلي ابويه وامي
قالو لي كلمي ابوه يمكن يكون مريض احد مسوي له شي وانا خبله صدق اهلي وكلمت ابوه
تعرفون ايش قالي ؟؟؟ قالي اخلصي علي ايش تبين؟؟؟
المهم اللي سواه جاب مشعوذه وقال ايش بنعالج ولدنا وعلى بالهم انهم عالجوه
ماعلينا اللي صار
اكتشفت شي يابنات تخيلو طلع رجل شاذ مايفكر فيني كامرأه ولايبيني يبيني بس عشان يسكت اهله ان معاه حرمه في البيت
وهو مايبيني ابد كان يبي رجال مثله
قلت لا ابوي لا امي قالوو مالك صلاح فيه خل يسوي اللي يبغى اهم شي اولادك ؟؟؟؟
ياناس كانو يبغوني اسكت على نفسي وانحرف عشان هم يرتاحون اني مع عيالي
طبعا ماقدرت قعدت احفر وراه الين اتاكدت انه فعلا شاذ من اشياء لقيتها في البيت والافلام الاباحيه الشاذه والكريمات واشياء اخرى
طبعا قررت اني ارجع بيت اهلي من 3 سنين
ورفضت اني ارجع له ابدا واللي يقهر ان اهله ولاسالو فيني ولاجو وقالو ارجعي بيتك بس اسمع من الناس انو المفروض تقعد في بيته وتصبر
المهم انا اصريت على الطلاق ولافضحته ولاقلت له ولا لاهله اني اعرف عن ولدكم كل شي
وخليتها تنتهي بكل هدوء وقلت له اني ما اقدر اعيش معاك اكثر من كذا وانا بتعدي علي الايام وبكبر ولاكبرت ماحد بيطالع في وجهي بس انت رجال ولافكرو اهلك يزوجك بيزوجك
اللي صار يابنات انه طلقني خلاص بس ما اخفيكم شي متضايقه مره حيل مو عشاني انا اللي كاتبه لي رب العباد راح يصير بس انا منزعجه عشان امي مسكينه وربي صرت مو قادره اطالع بوجهها مع اني ما اخطيت وطلبت حقي في الحياه
اتمني من كل وحده تعدي وتقراء قصتي تدعي لي ولامي ولوالدي
والله يصبرهم على مصيبتهم