الله لايحرمكم الاجر انصحوني مشكلتي بخطبتي

1. السلام عليكم ورحمة الله وبركاته ,,


2. هذا مختصرر وجداا بسيط جداا عن حياتي والخافي اعظم ,, نجي لمشكلتي


3. للان احنا حلووين وحياتي حلوة والحمد لله ,,

السلام عليكم ورحمة الله وبركاته ,,

اولا انا اول مرة اكتب بحياتي مشاكلي ع متصفح الكتروني ,, بس من كثر ماضاق فيني وصلت لهالدرجة
اخواتي انا قصتي قصة ,, ومعاناتي معاناه بدأت بعد تخرجي .. كنت متخيلة الحياه حلوة واني بتخرج وبكمل طموحاتي وبسوي اللي اخطط له ,.. بس للاسف انصدمت بالواقع المرير ,, وبدأت معاي مرحلة اكتئاب بشعة الله يجيركم منهاا ,,
صرت انسانة حساسة جداا ابكي لاتف شي ,, ومايهمني ولا شي .. والله حتى الفرحة استكثرها على نفسي حتى صحيا وحسديا صرت تعبانة معاي توتر رهيب وقلق واكتئاب,,,
طبعا هذا الشي اعتقد كان عارض بسبب الحزن اللي عشته فترة طويلة ,, حياتي ( فارغة )
وترى ماعندي صحبات كلهم طلعوا اشخاص مزيفين كل تفكيرهم غيره وحسد وقالة علانة وقالت فلانة ,, وانا ماحب الناس اللي مو واضحة ... لان اهلي هم السبب ( ماتبتعثين - ماتتوضفين بعيد - ماله داعي تسوين اي شي )
وقفوا بوجه طموحي مع انهم عارفين اني طموحة وجتني فرص بحياتي حلوة بس ما الله كتبها لي ,,,,

هذا مختصرر وجداا بسيط جداا عن حياتي والخافي اعظم ,, نجي لمشكلتي

انا ياطويلات العمر احب شخص ... معرفتي فيه قديمة ... علاقتي فيه شريفة ولله الحمد .. وهذا الانسان دائما كان حاط في باله انه يتزوجني وانا ماهتميت للامر لان كنت صغيرة وهو صغير وادري اهلي يمكن يرفضونه لان ماكان مستقبله ززين ,, وضليت معاه وجلست اخطط لحياته والخ واقوله سوي كذا وافعل كذا وارسله وظايف والخ ... كبرنا ومؤخرا سافر هو يدرس بره ,, وقالي ان شاء الله بس التحق ع الابتعاث بخطبك من اهلك ,,,
مرت الايام ومؤخرا صارت مشاكلي معه كثير يعني لما اكتب له في البلاك بيري مايرد علي بسرعه تضل ايام وبعدين يرد ,, والتجاهل انا ماحبه ,, خليه يصير واضح وصريح اذا ماعاد لنا نصيب مع بعض ,,,
وقلتله هذا الشي قلتله انا مو مرتاحة لهالتصرفات وليه تطنش والخ ,, وانت تبيني او لا والخ ,,, اتصل علي يهاوشني ومعصب يقولي ايش تقصدين يعني العشره ماتهاون الا على اولاد الحرام !! مع اني قلت هالكلام ,,,
وبس انتهى نقاشنا بانه تبيني او ماتبيني ,,, وانا مو جالسة لك ,, قالي ايه قلت طيب كلم اهلك وقولي وش يقولون وقالي زين خير ,,,
ومرت الايام وطلب مني رقم اهلي ,, وعطيته ,, وفعلا مرت اسابيع وكلمت امه ,, واعتذرت منها امي قالت لها بعد شهر ان شاء الله لان كنا مسافرين ,,, ويوم رجعنا كلمتها امي وفعلا جتنا بعدها باسابيع ,,, مع العلم انها مو من نفس المدينة

للان احنا حلووين وحياتي حلوة والحمد لله ,,

وجتنا امه قبل اسبوع وشافتني وطولت عندنا والله ,, هي قالت بتعرف يوم كلمت امي بس استغربت انه لما جات سالت امي عن شروطنا وعن طبعنا وعن عاداتنا قالتلها تبين الرجال يجونكم ولاتسالون عنا ولا شلون ,, وعطت امي الصورة حقت ولدها ,,, انا اهلي طبعا مايدرون عن شي ,, اختي الكبيرة بس تدري ,,, وهي ضبطتني الحمد لله ,,,
ويوم جات تطلع الام قالت فيما معناه انه لو ماحصل بينا نصيب يكفي تعرفنا وكذا ,,,
وبعدها كلمته وسالته ايش صار قالي انا كلمت امي وقطع الخط وبرجع اكلمها ,, قالي انها قالت ان هم يبون يشوفونك ,, هو مبتعث الان يعني لسه ماجا السعودية ,,, قلتله ايه اخواني يبون يشوفونك وكذا ,, قالي بكلم امي بعدين بكلمك ,,, طبعا هو يقول بكلمك السبت يكلم الاثنين بكلمك الساعة ثنتين يكلم الساعه 10
بس عادي كل شي طبيعي للان ,,,, بس يابنات اللي مخوفني وذابحني وقاهرني ومخليني كارهة حياتي اني انا مو ناقصة هم بحياتي جديد ولله الحمد يعني مابيه يزود علي همي ,, دامه مايبيني ليش يخطبني ,,
بس كتبلي يوم الاحد اللي راح انه بره في الصب واي وبعدين بيكلمني وكان كلامه طبيعي ياحياتي والخ ,, المشكلة انه لليوم هذا ماتصل فيني واكتبله في البلاك بيري ومايرد ولا يقرأ !!!!!!!!!!!!!!!!!!!!!!!!!!!!!! بالعادة يقعد يومين بعدين يقرا او يكتب بس هالمره طول اسبوع كاامل والله .. وادق ع جواله كم مره مارد ,, والله اني تعبت نفسيا وبس اصيح وحياتي دمار وشهيتي صفرر نقص وزني كثيرر وراسي مليان افكار سلبية ,,, جرحي عميق عميق
يعني الحمد لله يارب ,, تعرفون كيف نفسية البنت لاصارت لازواج ولا وظيفة ولا صديقات ولا اهلي ,, اهلي مشغولين كلهم وماحد فااضي :(:(:(:(:( انا وحيدة جدا حتى اختي بعيدة ساكنه بعيد
والله اني اكتب وكل شي كتبته بدمووعي مو بحروف الكيبورد ,,,, اللهم اني اسألك فرج من عندك
اتمنى توجهوني وتنصحوني ايش الحل ... مع العلم ان امه قالت لامي اي شي تبينه اتصلي ,, واعتقد انها تنتظر رد من امي بعد مايسألوا عنه ,,,
وانا احس اني معيونة او فيني سحر ,, محد عمره خطبني + اي شخص يقترب مني كثير يختفي من حياتي + اي شي احس اني خلاص حققته وبالاخير مايتم
واعذرووني طولت ,, بس معرف اختصر :(