الله نجاني من الموت

1. والله العظيم يابنات اني شفت الموت بعيوني

السلام عليكم ورحمه الله وبركاته
اخواتي
انا جمعتكم اليوم عشأن اقولكم اللي صار لي

والله العظيم يابنات اني شفت الموت بعيوني

طبعا انا اعاني من السمنه وكان وزني 110 من شهر ذي الحجه وصار 98,8 مره في طلوع ومره في نزول
وكنت اجرب انواع الريجيمات والله يابنات جربت ريجيم التمر وريجيم الكاربوهيدرات وكان روعه لكن اكتشفت بالصدفه انه غير مناسب لفصيله دمي وجربت ايضا ريجيم ال 12 يوم والكيمائي يعني تقريبا جسمي كان حقل تجارب وانا الضحيه
المهم مالكم بالطويله
الاسبوع اللي راح جتني دوخه بشكل مستمر مو طبيعيه افقد الوعي فيها قسم بالله يابنات اني اشوف الدنيا مسوده
امي انهبلت علي وقالت لازم تروحين المستشفى و تسوين تحليل وانا ارفض لاني خوافه من الابر
وارد الله سبحانه اني اروح يوم الثلاثاء وسويت تحليل دم اخذو مني 7 براويز دم
قالو تجين بعد اربعه ايام تاخذين النتايج طلعت من عندهم وانا خايفه من النتايج لان الفتره الاخيره صاير فيني شحوب واصفرار مو طبيعي
جاء يوم الاحد ورحت اخذهم ودخلت عند الدكتوره وانا ميته رعب
وربي يابنات يوم جلست ناظرت فيني الدكتوره نظره تخوف عاد انا هنا نشف ريقي قلت فيه ان بالتحاليل
توقعو وش طلع
7
7
7
7
7
طلع عندي فقر دم شديد وصل 6
وازيدكم من الشعر بيت طلع عندي نقص بالكالسيوم ونقص في فتامين د
وكسل بالغده الدرقيه
عاد اول سؤال سالتني اياه قالت انتي تسوين ريجيم قلت ايه قالت شوفي نتايجه ياذكيه
احمدي ربك انك سويتي تحاليل والا كان ...
عاد اعطتني ادويه وقالت تستمرين عليها شهرين
والله العظيم يابنات اني ندمت اشد الندم على اللي اسويه بنفسي
االصحه غاليه يابنات تراها اعظم نعمه من رب العالمين
وعلى فكره يابنات اللي عندها خمول دايم بجسمها ماودها تتحرك واكتئاب
تروح تحلل على طوول هذا معناه عندك نقص بالحديد يعني فقر دم
هذا كان درس لي وماراح انساه عشأن كذا حبيت لكم الخير مابي يجيكم اللي جاني
ابي اللي تقرا موضوعي تدعي لي ان الله يشفيني ويعطيني الصحه والعافيه
وجزاكم الله كل خير
منقول للفايده