الله يجزيكم الجنة مين جربت زيت ذيل الحصان

هذا منقول عن و حده استخدمت الزيت من موقع ......
تقول

السلام عليكم ورحمة الله ..
كيف حال العروسات الحلوين ؟؟
إن شاءالله طيبين ..ليا فترة مادخلت المنتدى .. ولأني حسيت إني بحاجة للدعوات .. فكرت اعمل كل حاجه فيها خير ومنها الموضوع هادا .. لعلمي انو كل بنت تتمنى شعرها يطول ويغزر ومايتساقط ... فبكتبها لكم سر من اسراري .. ومااعرف اذا في احد سبقني وقلكم على هادا الزيت او الكريم .. المهم في كل موضوعي اني بكتبلكم هادا الزيت الجميل الفظيع ..
وله قوة جبارة على تطويل الشعر ...
قصتي بكل اختصار :
اذا فتحتوا مواضيعي القديمه حتلاقوني متنقله من زيت لزيت ومن كل حاجه بس عشان شعري يطوول .. المهم كان شعري تحت كتفي بشويه و من بعد مااستخدمت الزيت وفي فتره قصييره يعني في نفس السنه مااتذكر كم شهر .. المهم كنت استخدمه مرتين في الاسبوع .. وصل طوله الين السرة يعني تحت ضهري بالزبط ...
الكل لاحظ حتى قالولي اخيراً اول مره في حياتك تطولي شعرك .. وبس
ومن بعد التعب والجنان دا كله رجعت اقص شعري القصة واصله اليين اذني ...
ويلا شوفوا الندم كيف ..فقلت مالي غير اني ارجع للزيت العزيز .. استخدمته وقلت دي المره حقيس في الشهر كم سانتي طول ...
يعني انا قصته في يوم 12/4 كان فرح صاحب اخويا عشان كدا حافظه التاريخ ...وبعد شهر من دا التاريخ طول 4 سانتي (ماشالله لا حول ولا قوة الا بالله ) والله اني ماابكزب ولا في حرف ...
يعني وصل تحت الكتف بشويه ..اذا مو قياسي صحيح من الاذن اليت بداية تحت الكتف..يعني تقريباً 4 سانتي...
آسفة طولت عليكم حبيباتي .. الزيت اسمه (ذيل الحصان ) وفي منه كريم بس انا عن نفسي استخدمت الزيت .. افكر ابدل الزيت بالكريم لأني ماليا خلق يوم بعد يوم ازيت شعري ...
دي صورته الاصلي
وحابة اقلكم معلومات اضافيية تطول شعركم بشكل اسرع :
1- ربط الشعر ثم ربط الشعر ثم ربط الشعر .. اصلاً انا الفترة الي طول فيها شعري كل الناس كانو يقولو انتي في كل عزيمه في كل مكان حتى وانتي نايمة تربطي شعرك ( ديل حصان ) اقول ايوا على اسم الزيت حقي ههه .. بس في الفرح كنت احط شباصة ..اساساً احلى شي عليا ديل الحصان يبين وجهي مو حلو عليا الشعر المفتوح.
2- تجديل الشعر الين تحت مرة تحطو البكله وتخلو البكله ماسكه وانتو بتجدلوا شعركم خلوها مشدوده من ورا لكن ازا شعركم بعضكم من النوع الي يتساقط لا تشد شعرها .
4- عن نفسي ماافضل احط الزيت على اطراف شعري بس ادهنه في الجذور لأنو الزيت الي بحطوا للتطويل الشعر وليش احطه من اطرافه مايحطول من الاطراف .. عشان كدا اختصر عليا اللغوصة و الوقت والدهان ..واخليه بس من الجذور .5
3- لمن تحطوا الزيت في شعركم .. اقلكم على طريقه حلوه تخليكم موزعين الزيت في كل شعركم .. _قسمو شعركم نصفين يعني زي كأنكم بتعملوا (قرنين ) الجنب الايمن كمان نقسمه نصفين والايسر كذلك صار عندنا اربعة اجزاء ..صح ؟؟
طيب وكمان لا ننسى نجيب معاها 4 بنسات .. لكل جزء ندهن فيه الزيت وبعدين نلف الشعرها ونثبته بالبنسه .. وخلاص ورح اوريكم صورة قريب من الشكل الي بوصفه.
5- خليكم كدا 3 ساعات ..يعني ممكن تناموا العصر 3 ساعات 4 وتصحوا من نومة العصر على الحمام .. وترا ازا نص ساعه برضو كويس لكن النتائج تبان اسرع في 3 ساعات .. المهم قبل لاتناموا حطو منشفه على المخدة .
6- هي الريحه قويه وكريهه نوعاً ما بس انتو استخدموا شامبو وبلسم وبديل الزيت تبع بانتين وربي حيوديلكم ابو الريحه .
7- لا تنسوا ربط الشعر يوم على شكل ديل حصان ويوم على شكل تجديلة ويوم على الجنب الايمن ويوم على الجنب الايسر ويوم على شكل كعكع مرفوع زي الصينيات و يوم قرنين ... مو شرط تعملوا دا كلو اهم شي التجديل والكعكع الي فوق زي الصينيات .
8- تمشيط الشعر عشان تتحرك الدورة الدموية ولازم يكون التمشيط بعكس اتجاه الشعر ياليت فهمتوا عليا .
9- عمل مساج لفرووة الراس كل ماتزكرتي .
المهم انا وحده ابداً ماابى اي تقييم بس ابى الدعاء لأني محتاجته وهو
(يارب من بعد دا الترم ال A+ معايا على طوول اجيبه ... خلاص معدلي دي السنه نزل .. وحلم حياتي ولو لمرحله وحده وهي الجامعيه اجيب امتياز يفرح قلب امي حبيبتي واعوضها على الزعل والهم والنكد بدرجات تسرها لأنو ولا واحد من اخواني جاب امتياز .. وانا السنه الي فاتت جبت ممتاز والترم الي فات نزل معدلي التراكمي بشكل فظيه من ممتاز الى جيد جيداً ... يارب مااتخرج الا وانا معدلي عالي )
وماابى منكم الدعاء الا لمن تشوفوا النتيجه بعيونكم لأني متأكده انها رح تجيب معاكم نتيجه ...
واتمنى من كل وحده مو اول يوم تستخدم فيه الزيت تقيس كم مقدرا طول شعرها لا خليها تصور لها صوره قبل وبعد شهر ورح تشوف الفرق بدي الطريقة ...
وشكراً لكل من قرأ موضوعي وزي ماقولت ... ماايهمني غير الدعاء الله يقوي حظي في الاختبارات لحسن نفسيتي تعبت من الدراسة خلاص ...

^
واو شكله زين
وياصاحبة الموضوع اذا تبي النعومه مايونيز وزبادي وعسل لو تحطيها فالاسبوع مرتين يصير كانه مفرود بتجربه وحده من اقاربي مشاءالله وبنت عمتي شعرها ملفلف والله هالمره يوم شفته حسبته مستشور وسالتها قالت اني حطيت الموز عند الشمس الين تجفف كذا موزه المهم طحنتها وجابت زيت جوز هند وزيت زيتون واخلطتهم واستعمليه فالاسبوع مرتين او ثلاث او مره على حسب مزاجك وراح تنبهري بنعومته والله يحقق مناييك ودعواتك لي بتحقيق احلامي ويهدي اخوي ويشفي امي وابوي

هذا رد لوحده من اخوات في منتدى ثاني
وعليكم السلام ورحمة الله وبركاته
بصراحة انا جربت لمدة شهر واحد و ما كنت أستخدمه بلانتظام , مرة او
مرتين في الاسبوع وبالفعل الكريم كان مرة روعة
يخلي الشعر لامع وكانه مفرود
(انا اشتريته من العطارة الموجودة في بطحى بالرياض)
وتقبلي مروري.
تحيه طيبه مني لك
أختك / سمراء الحجاز

تسلمين يالغلا
الله يعطيك العافية
فطوم بنت علوش
يارب يا كريم يا خير الرازقين يوفق و يكرمك و يحققلك احلامك و كل ما تتمنينه
و يهدي اخوك
و يا شافي يا معافي يشفي و لديكي
و يكتبلك الخير و السعادة

الله يوفقك

انا استخدمته تقريبا قبل 5 سنوات قبل اشترك بالفراشه حتى دمر شعري ولزقه ببعض بس انا شعري ناعم

لا فيكم
رنا الرياض2006
و
افراح
اختي يمكن شعرك لزق في بعضه عشانه ما شاء الله ناعم
بس اشوف الكريم ما يصلح الا للكشفه المنفوشه الشعر المنفوش و الخشن
لن من صفاته انه ثقيل و يلزق الشعر
لكم ودي

اشتريت الكريم وحطيت منه وشفت شعري يتساقط فَ تركته