الله يرضى عليكم انصحوني

السلام عليكم كيفكم بنات ..... حدخل فالموضوع على طول ابغاكم تنصحوني وتقولولي كيف اتصرف وراح اتقبل من كل وحده ردها
الموضوع ومافيه اليوم دقوا اخواتي يقولولي اش رايك تجي معانا انتي وزوجك راح نأجر استراحتين وحده رجال ووحده حريم وطبعا بالباي المهم وافقت وحددنا كل وحده اش تجيب معاها ولما جا الليل قلت لزوجي ترا يوم الاربعاء حاجزتك قال لييه قلتله على موضوع الاستراحه فقال لا سألته ليه قال عشان مرتبلك مفاجأه حجزت شاليه عالبحر ليوم الاربعا والخميس والجمعه تجديد شهر عسل عالخفيف طبعا انا مره انبسط ونسيت موضوع الاستراحه مع اهلي قلت انبسط مع زوجي ويكون لنا خصوصيتنا ونغير جو وكمان مااكسر بخاطره وبجد مره مره فرحت ............ ( زوجي متعلق باهله ومره خجول لو ايش ماطلبوا منه مايقول لا بس يشتكيني وانا اقوله معليه اكسب رضاهم وهم ماطلبو منك هالشي الا من معزتك عندهم ) وحابه اوضح نقطه وهي ان علاقتي معاهم الحمدلله مره كويسه ومافي اي مشاكل وحساسيه
المهم نرجع لموضوعنا ... قلتله حبيبي اش رايك لاتقول لاحد اننا طالعين شاليهات عشان ماننحرج ... تعرفوا اش رد ؟؟؟ قالي لا يوم الاربعاء بعد الدوام اجي اخذك ونطلع عالشاليه واكلم اهلي يجو ينبسطوا معانا خميس وجمعه ومنها اختي (الي مو متزوجه ) تنام عندنا ولو ابوي وافق امي كمان تنام ............ وقتها زعلت بس مابينت له ليه يقولي مفاجأه وتجديد شهر عسل وهو قاصد يعزم اهله على كباين وعلى حسابي مااقصد من فلوسي بس حتنحسب انو سوالي شي وبالمقابل ماراح اكون مرتاحه لا حعرف البس براحتي عشان اسبح ولا اللبس حق البيت ودا اذا سبحت كمان عشان ناوي يكلم كمان اخوانه المتزوجين ويجيبو اولادهم يعني اكون متحجبه طول الوقت وبس اضيفهم واخدمهم ماصارت تجديد شهر عسل ........... بجد مره متضايقه ليه مايفكر براحتي انا والمفروض الي يحب يفاجئ شخص مو يفاجئ بالطريقه الي تريحه وتسعده مو الي تريح نفسه
معليه طولت عليكم وممكن تشوفوه شي عادي ومايستاهل بس انا ساكته على اشياء كثير مو عاجبتني واقول مو مشكله اهم شي انو زوجي طيب ويخاف الله بس انا محتاجه اني اكون معاه لحالنا بعيد عن مشاكل غيرنا وهمومهم
الله يسعدكم قولولي اش اسوي ؟؟ اكنسل الشاليات واطلع مع اهلي للاستراحه ؟؟ ولا ازعل اذا كلم اهله واخليها مشكله؟؟ ولا امشيها ولا ابين اني زعلانه ؟؟