الله يرضى عليكم يابنات مكة ملكتي بعد3 أيام ومحتاجة مساعدتكم

بنت الشرايع

29-10-2022 - 01:10 am

السلام عليكن ورحمة الله وبركاته
بنات والله حست من كثرة اختلاف الآراء على أحسن كوفيرة في مكة
لكن أنا بقول لكم ذوقي في المكياج وأنتم ساعدوني
أنا بصراحة ماأحب المكياج الثقيل وأحب الناعم المرتب
كثير مدحوا في ملاك2 صباح لكن المشكلة مو موجودة الحين
وانا والله مرة حايسة وماني عارفة فين اروح
بصراحة انا ذوقي مرة صعب ومو أي شئ يعجبني والكل يشهد على هذا تخيلوا عمري ماخرجت من عند كوفيرة وأنا راضية عن شكلي وخايفة انكد في ملكتي والله يستر
مدحوا نجمة الليل وبصراحة ماعجبتني وكمان عهود سنتر
فاللي تعرف مشغل حلو تقول لي عليه واسم احسن عاملة فيه
والله يعطيكم الف عافية
تكفون لاتطنشوني ردوا علي بسرعة

التعليقات (9)

ميمو الدندونة

29-10-2022 - 04:47 am

انا من الخبر بس حبيت ارفع موضوعك الله يوفقك حبيبي
وعلى فكره بنات خالي من جده ومكه والله بنت خالي مثلك ذوقها بقوه صعب بالمكياج ودورت بمكه لين تعبت واخر شي بعرس حماها نزلت جده سوت الميكب بجده وطلعت مكه تحضر العرس
المسافه مو بعيده مره بين جده ومكه واذا انها ليلة عمرك لا تستصعبي انك تنزلي جده تسوي الميكب اهم شي راحة بالك ولا تظغطين على عمرك تسوين بمكه وتتنكدين في اهم يوم بحياتك
حتى لو عديتيها بالملكه لا تمشين حالك بالزواج تذكري انها ليلة عمرك

غزة العزة

29-10-2022 - 05:48 am

هلا ببنت مكه
الله يوفقك يالغلا
وبالفعل مكه الله يعمرها
مافيها شيء يعجب من ناحيه الكوفيرات
اختي ملكتها قريب
وبتروح لالياذة
والله ييسر لك ولها

ღ بريقــ الأملــ ღ

29-10-2022 - 06:49 am

انا من مكة لكن ما اعرف كوافيرة شغلها حلو لان اغلب مناسباتنا تكون في جدة
لكن سمعت عن ملاك اللي في النزهة
وفي وحدة اسمها أميرة في صالون وجوه شغلها حلو
روحي وشوفي شغلهم بنفسك أفضل ..

بنت الشرايع

29-10-2022 - 07:50 am

جزاكم الله خير
وأبغى أشوف آراء البقية

جوري29

29-10-2022 - 08:51 am

انا اعرف كوفيره تجى لعندك فى البيت ومن مكه واسعارها حلوه والرقم اعطيكى هو على الخاص اذا تبغيها وانا مجربتها فى زواج اخوى

بنت الشرايع

29-10-2022 - 09:52 am

تجي عندي البيت
بصراحة ماادري احس اللي تجي البيت غالبا تكون مو زينة
فرح اختي جبنا وحدة البيت وضحكت علينا مصورة في الجوال من مجلة وتقول هذ1ا شغلها وصدقناها
ويوم سوت لنا وع وتورطنا ماكان في وقت نروح مشغل مع اني مسحت مكياجها بالكامل وخليتها تعيده لكن برضو مو حلو
أنا بصراحة أكثر وحدة ارتحت لها مشغل طيف اللي فيه مها الحازمي لكن للاسف يدها مكسورة الحين
أختي سوت عند وحدة اسمها حليمة تقول شغلها مرة حلو انا ماشفتها بصراحة لكن شكلي اذا مرة مالقيت حسوي عندها
واش رايكم افكر اسوي مكياج مميز مو مكياج شبكة خايفة بصراحة تثقل لي المكياج وتكثر البودرة فإش رايكم؟
واش احسن تسريحة تنصحوني فيها بس ماتكون عالية لأني مرة ماأحبها
الله يعطيكم العافية أبغى مساعدتكم

بنت الشرايع

29-10-2022 - 10:53 am

مشكورة حبيبتي لكن مااثق في اللي يجوا للبيوت احسهم مو حلويين
اكثر مشغل ارتحت له مشغل طيف اللي فيه مها الحازمي لكن للاسف يدها مكسورة
فيه وحدة اسمها حليمة يمدحوها أحد سمع منكم عن شغلها؟
واش رايكم اسوي مكياج مميز لأن أخاف إذا سويت مكياج ملكة تثقله وتكثر البودرة وأنا والله أحب الهداوة
وكيف تنصحوني اسوي التسريحة بس ماتكون عالية لأني مااحبها مرة

*~ شمgخ الرgح ~*

29-10-2022 - 11:54 am

اب

حركااااات

29-10-2022 - 12:55 pm

بنت الشرايع >> حيالله جارتنا لفتها الاسم
المهم ياقلبي انا صراحة شفت مكياج البارونة سنتر في الستين
على العروس واختها وعجبني
وانتي اسالي وشوفي

اثنين في واحد تفك أزمه←
للي مخطوبات→