الله يسعدكم شورو علي زوجي والغربة

الحمد لله الذي بحمده تتم النعم كيفكم فراشات الله يسعدكم وفرج همومنا يارب العباد ابغى استشارتكم بمشكلتي بس بامانه كل وحده تحط نفسها محلي وتقول كيف لوانها بمكاني وش تسوي :
انا يابنات متزوجه من خمس سنوات ولي ولد عمره سنتين ولله الحمد والشكر مشكلتي بدت وانا حامل بولدي قبل سنتين جت زوجي بعثه لدوله مدة اربع شهور المهم ولدت عند اهلي وبعد ماجاء رحت بيتي ومشت الامور مرة جلست وفتحت الاب توب حقه وفجئه تطلعي بعض المقاطع الاباحيه المحفوظه انهبلت حسيت التنفس عندي وقف الواضح ان زوجي كان يفتحها يوم كان مبتعث جلست شهر ماني عارفه اقول اهلي اخاف يكرهونه او تسير نظرتهم له غير المهم قلت يمكن انها زلة خلاص بقفل وكاني ماعرفت مسحتها وفرمت الجهاز ومشت الايام المهم جته بعثه للماجستير ببريطانيا طبعا هاالمرة لزقة فيه انا والولد المهم الان لنا 5شهور ببريطانيا وياليتني مارحت الرجل تحول 300درجه هوبطبعه مافيه رحمة لي اذا مرضت او تضايقت عمرة ماناقشني اذا صارت لي مشكله وتكلمت معه سفه المشكله وخلاني انا الغلطانه داايم المهم باالغربة تحول وحش لايراعي ولا شي والله يابنات اني ابكي صارقاسي بزيادة مايبيني اتكلم ومرة لعن اهلي ويلعني على اتفه الاسباب والله انه يجي الشقه كلش نظيف والاكل جاهز ومهيئه الجوله واركض لرضاه لكن لاشكر ولاشي المهم الطلعات بعد 4شهور طلعت للماركت مرتين ورحنا للحديقه ساعه عشان ولدي قعد بعيد واخذكتاب وقعديقرى حتى ماعطاني وجه المهم هذا كله اصبر عليه عشان ولدي لانه والله لو ماولدي كان من اول مااكتشفت المقاطع الي شفتها ماقعدت عنده ولا دقيقه بس ولدي مصبرني مشت الايام وانا بين اربع جدران قلت كيف الطلعات مولازم الشكوى لله الشي الي خلاني خلاص مااتحمل هو بد ياخذ دروس خصوصيه اول شي مع رجال فرحت حتى اني اهيئ الجو واسكت ولدي وهم المدرسين على كفائه عااليه المهم بد يجيب مدرسات حريم ويروح لهن المهم باالبداية قلتله يافلان مايصلح مادام فيه رجال والحريم تجلس معهم خلوة حررام وهذولي كفار مايردعهم شي اعوذباالله قام علي وخلاني مااسوى المهم سكت خليته يقول الي يبي المهم تجيه مدرسه بريطانيه للبيت تجلس بغرفه ساعتين وهدوء الجو عكس الرجال الي كانو يدرسونه اصواتهم جهوره بس هذولي لا وهوانواع الاخلاق معها طيب وين الرادع الشرعي كيف تسمح لنفسك تجلس مع حرمة بالساعات لوحدك واحيانا ياخذ برى من حرمة ثانيه انا خلاص والله ان زوجي اخلاقه فلتت مني تعبت انام بصياح واتمسى على صياح تعبت غير الاشياء الي شفتها عليه من بعض الحركات مااقدر اقولها شي يغث صار يابنات والله مايبيلي كلمة ويقول انتي موسوسه ويطلع نفسه مظلوم هو قاسي يابنات لدرجه فضيعه معي بس صبرت لكن تاصل لكرامتي يجيب عندي حريم يدرسونه وفيه بديل رجال لا وبعد قبل تجيه يتعطر ويتنظف وعندي يصوم عن العطر فيه كلام ومواقف كبيرة وكثيرة بس وش اسوي مرة شد النقاش معنا قلت حس فيني والى بس جايبني اشتغلك قال ايه ماجبتك الى عشان كذا وانا والله يابنات اجمل منه ومحترمة اكثر ومن عائله كبيرة واغنى منه خلاص احس بموت من اخلاقه كل شي اصبر عليه الى موضوع متعلق باالشرع يابنات الشيطان حي الان بعض الاتقياء ماسلموا كيف هذا الي احيانا مايصلي الفجر الى11 واذا نصحته قالي اسكتي وانثبري قهر خلاص شكلي برجع لاهلي تعبت صبرت على قسوته وتسفيهه لي سكت على صراخه على سكت على عدم تقديره لي مع انه المفروض نتعاون مع بعض باالغربه لكن العكس والله اني شايلته واحيانا اوي له عشاء له ولاخوياه ولا اتذمر اقول فيهم اجر لكن هو الرحمه لي انتزعت حتى احيانا اصيح بشكل هستيري لحالي تعبت يارب ارحمني رجل مايقدر احد يعاشرة احس الان مااحب حتى اجلس جنبه بعد اليشفت منه وان جلده تعود على مجالسة حرمة باالساعات نزل من عيني خلاص انا قلت يمكن ارجع واذا رحت هناك اتفاهم مع اهلي وش اسوي احترت فيه الشكوى لله الشكوى لله نصيحه لكل وحده فكري الف مرة قبل الزواج وخوذي ملتزم يخاف الله فيك لانه اذا كرهك خاف الله فيك واذا غلط رجع لله بسرعه الله يجزاكم خير وش اسوي اقول لاهلي والى ارجع للسعوديه والى ايش الله يسعدكم