الله يسعدكم يامعلمات الصف الاول ابتدائي او لكل ام عندها خبرة تساعدني في مشكلة ابني

حبيبتي بس بسألك ولدك كم عمره هل هو بسن الدراسه او متقدم شوي
لانو اخوي كان في اول ابتدائي وكان عنده نفس مشكلة ولدك
صعوبه في كل شي وكره للمدرسه .....
وكان اصغر الاولاد في الفصل على سن المدرسه بالظبط وهم اللي بعدها بشهرين او6 شهور المهم انو
استيعابهم اكثر منه ِ
قامت امي سحبته من المدرسه وخلته يدرسها السنه اللي بعدها
والحين الحمد لله الحال تمام
بس حبيت اقولك عنه يمكن ولدك استيعابه صعب ويبيله يكبر شوي
لا تخليه يرسب السنه حوليه مستمع او اسحبيه
اتمنى اني افدتك واتمنى لولدك النجاح والتوفيق
والله يكتبلكم اللي فيه الخير

السلام عليكم
اختي اقدر معاناتك وأصعب شيء على كل ام انها تحس ان ابنها او بنتها تأخرين بالدراسة
اختي الاطفال قدرات وطفلك يحتاج منك لطول بال وانك تغيرين طريقتك في التدريس له بالبيت مثلا تحطين بينك وبينه مسابقة وتحسسينه انه يقدر يفوز عليك مثلا تكتبين له الكلمات الصعبة بشكل صحيح وتقرأين الكلمات معه اكثر من مرة وبعدين تملينه وبعدين تخلينه يمليها عليك وتكتبين كلمة ولا ثنتين خطأ وتخلينه يصحح لك واذا اكتشف الخطا تشجعينه وتكتبينها انت ثلاث مرات ونفس الشيء تصححين انت له وتخلينه يكتب الخطأ ثلاث مرات وانت حاولي تمشين معاه بأساليب تناسب مستواه
اختي انا اعتقد ان العمر اذاكان اصغر من اقرانه بأشهر قليلة مالها ذاك التأثير انا عندي ولد تقريبا اصغر الفصل وينافس على الأول وأخوه الثاني دخل المدرسة كبير شوي علشان الثلاثة اشهر اللي حاكمينا بها الوزارة ومع ذلك مستواه عادي ومتعبني
وفيه شيء ممكن يفيدك ولا تعتبرونه دعاية فيه برنامج اسمه الإضاءة لإتقان القراءة للصف الأول بصراحة ممتاز وفيه منهج الصف الأول انا جايبته لبنتي بالصف الاول اتمنى اكون افدتك

مشكورين اخواتي جزاكم الله . بس اختي ام الامورة وين الاقي برنامج القران الي قلتي عليه .. وابني عمره مناسب للدراسة . بس احس انه شوي فهمي ونموه بطيء ..

عند دار الثريا وهم يوصلون او تروحين لموقع غانم الحارثي وبتلقين فيه اشياء كثيرة