اللي تبغى تروح لممرخه احذري

1. السلام عليكم ورحمة الله وبركاته وبعد

السلام عليكم ورحمة الله وبركاته وبعد

هذه قصه صارت معايا لما تأخر عليا الحمل سنه الحين لي سنتين والحمدلله على كل حال الله كريم ابدأ قصتي وتحملوني شوي واتمنى يكون درس وتنبيه لكل فراشه:
جبت ممرخه عن طريق صاحبة اختي المهم وجات مرختني وما كنت مرتاحه بس طنشت احساسي قلت يمكن بس لانه اول مره وسألتني اسئله غريبه انتي عايشه لوحدك والا مع اهل زوجك؟لا لوحدي انتي تنفجعي كثير؟ قلتلها ايوه قالت من ايش يعني تشوفي شيء يتحرك والا تسمعي اصوات؟قلتلها لا زوجي يحب يفجعني من باب المزح قالتلي قبل ما تبدأ انها بتقرا ولا اقاطعها واذا تألمت بس اشرلها المهم وبدأت تتكلم بصوت واطي وبسرعه وضغطت على رحمي بقوه وحسيت بألم فظيع كأنها شقت بطني وقالت خلاص فتحت رحمك وقعدت تمرخ شويه بعدين عادت نفس الحركه بالقرأه والظغط ورجع نفس الالم وقالت خلاص قفلته وخلصت وقالتلي بأعطيكي تحميله مربوطه بخيط دخليه اول يوم دوره الين ما تخلص الدوره وقالت احطه قبل النوم ولما اصحى حشوف الخيط متدلي واسحبه وراح يطلع بس قالت مو معاها اتصل عليها واخذه منها قبل الدوره انا شكيت وخفت اتصلت عليها وقلتلها خايفه لو دخلت التحميله ودخل الخيط وما طلع قامت صرخت عليا قالتلي بلا وسوسه انا 10 سنين اشتغل هالشغله ولا احد شك فيني قلتلها انا اول مره ومن حقي اخاف قالتلي اذا انتي حتكوني متوسوسه وشاكه خلاص بلاشي وقفلت منها يوم قلت لزوجي قال فضحها ربي بلسانها ودائما اللي يكون مسوي غلط يزل لسانه قلنا حمدلله ربي فكنا منها يوم قلت لاختي الموضوع وكيف تجبلي وحده زي كذا واذا الحمل ما جاء من رب العالمين الحمدلله على كل حال مكتوب بس اني احمل بالحرام ما ارضى ان ولدي يكون بالحرام السحر كفر بس وقالت هي ما تدري صاحبتها في بريطانيا تمدحها وتقول حملت من بعد تمريخها وانها الين الحين تتصل عليها من بريطانيا كل ما صار لولدها شيء قلتلها وهذا مو سحر انتي قلتيها بلسانك كل ما صار لولدها شيء تتصل من بريطانيا عشان تسألها ايش تسوي انا اعرف الوحده تكلم امها مو ممرختها والا دكتورتها وانتهى الموضوع على كذا وصار له سنه وشويه وقبل فتره شيخ قرأ عليا وقلي في شيء برحمك ونسيت سالفتها الممرخه ودوبني تذكرتها وبقول للشيخ عنها انشاالله شكلها حطت فيني شيء لان بعد التمريخ صارت دورتي مؤلمه جدا وخفيفه مره ووالله الشيخ من غير ما اقلها سألني دورتك خفيفه قلتله ايوه قال هو الشيء اللي فيك مانعك من الحمل وما يخلي دورتك تنزل طبيعي مع ان دورتي كانت ماشاء الله 100% الحمدلله على كل حال انشاالله ربي ينصرني بس انتبهوا خواتي ترا الجاهلين كثير وفكريهل ابغى طفل يجيني بالحرام وممكن ربي ينتقم مني ويخلي اذى لي ولزوجي مو نعمه والا يجيني من ربي بالحلال مهما تأخر ويكون نعمه ويريحني ويكون بار والله مي مستاهله اني الجأ للسحر علشان احمل وترى اللي يمشون بهالطريق كثير اله يهديهم ينسون ان ربي اقوى وانتقامه شديد لو ما تعذبتي بدنيتك بتتعذبين للابد في الاخره وهالطفل اللي جبتيه ما راح ينفعك وقتها سامحوني على الاطاله