اللي تبغى شعر طويل وكثيف ومايتساقط تدخل تشوف تجربتي انا شخصيا

يابنات ياعسل هذي تجربتي في شعري وبكتبها لكم
وماابغى منكم غير دعوه من القلب وبصدق إني اتزوج
الزوج الصالح اللي يخاف الله فيني يحبني بجنون
نرجع لمحور حديثنا
انا مجنونة خلطات لشعر بالذات اللي تطول
لاني احلم بالشعر الطويل
والحمدلله ربي حقق مطلبي وبدا شعري يطول بشكل ملحوظ
وحبيت اكتبلكم تجربتي بالتفصيل
انا في فتره تساقط شعري بشكل مريع والسبب خلطة اخذتها من النت لوحدها تمدحها واستخدمتها ومن اول مره شعري تساقط
وخفت وقالتلي وحده من منتدى الله يوقفها خلطها
وجربتها والحمدلله ماندمت الا هي
كيلو سدر
نصف كاسه فلفل اسود
كاسه قرنفل مطحون
وتخلط مع بعض وتاخذي حسب طول شعرك وتعجنينها بمويه وتخلينها تخمر ساعه او اكثر وتحطينها على شعرك حسب ماتحبين
وبعدين غسلي شعرك بمويه فقط
واليوم الثاني لازم تزيتين شعرك
وانا استخدمت هذي الزيوت ومره رهيبه
(خروع_جرجير_جوزالهند)بكميات متساويه
وعشبة المشاط لونها احمر تلقونها عند العطارين
تاخذين ملعقه او ملعقتين وتخلطين معها شوي من الزيوت حسب طول شعرك
وتزيتين شعرك وتغطين شعرك بكيس نايلو وبعدين بفوطه مبلوله بمويه دافيه مايله شوي للحراره وتتركيني ساعتين او اكثر
وبعدين تغسلين شعرك بالشامبو وافضل شامبو ميتال الاندوسي مره حلو بس انا خلص من عندي وباقي ماشريته
واستخدمو هذي الخلطه كل اسبوع مرتين
وبتشوفون النتيجه
وبتدعولي
واي سوال او استفسار انا جاهزه وبالخدمه انتظر ردودكم الحلوه لاني تعبت وانا اكتب الموضوع