اللي تحب الاكشن تدخل بس على مسئوليتها

1. هذاي فكرة تفاجئين فيها زوجك سوا كنتى بنفاس او مسافر المهم الفكرة

هذاي فكرة تفاجئين فيها زوجك سوا كنتى بنفاس او مسافر المهم الفكرة

لها قصه وهي ان صاحبه الفكرة كانت اخرنفاسها وحبت تفاجئ زوجها فجابت صندوق كبير وتزينت وجلست في الصندوق وكان طبعا فيه فتحات لدخول الهوا وقالت حق زوجها اخواني بيجيبوني للبيت لاتجي وودوا اخوانها الصندوق اللي هي فيه وقالوا هاي هديتك من فلانه ووصلو الصندوق لباب غرفتها هايى شرطها راحوا اخوانها وفتح زوجها الصندق واللا تطلع زوجته فقالت وش راك في الهديه قال احلى هديه واعجبته مرة
عاد اهي قالت حق صديقاتها عن فكرتها وكانت وحدة من صديقاتها تبي تسويها لزوجها مع انه لامسافر ولا هي نفاس المهم اخذت الصديقه الصندوق وكانت عند اهلها زيارة وقالت لزوجها لا تجي اخواني بيوصلوني البيت قال خلاص المهم سوت نفس صديقتا لما وصلو اهلها الصندوق عند زوجها في البيت حطوه في الصاله وراحوا وزوجها كان عندة زملاة فناد عليهم وقال تعالوا نشوف وش ها الهديه اللي بكبر الصندوق وكلا يتوقع ويوم فتح الا تطلع زوجته ال الرجال انصدم قام عطاها طراق و قال فشلتيني انتى طالق مسكينه بغت تحكلها عمتها
اما الصديقه الثالثه فكانت اخر النفاس وطلبت الصندوق من صاحبتنا الاولى بس اهي جا زوجها واخذ الهديه على اساس يوديها البيت وان زوجته بيجيبونها اخوانها حط الر جال الصندوق في الجيب و قضى كل مشاويرة الحرمه ساحت من العرق والكتمه في السيارة فلما وصل زوجه البيت ودخل الصندوق البيت وفتحه الا زوجته قامت تهاوش ساعه بغيت اموت قال انا وش دراني انك في الصندوق وانقالبت نكد ذيك الليله
عاد اللي تبي تجربها تتحمل عوافبها بصراحه انا مستحيل اجربه بعدين الا ان يكون الصندوق اصلا في البت وزوجي يمون مسافر اجلس فيه واكتب على الصندوق ان هدى هديتك افتحها الين اجيك حتى لو نفاس امن واحسن طيب لو صار حادث وطاح الصندوق قدام الله وخلقه وان على ديك الحال يارب سترك بيتى امن