اللي عندها خبره في مجال الصبغات تدخل ابيها ضروري

امي الغاليه

01-09-2022 - 06:26 pm

بنات انا ودي اصبغ خصل بيج
والارضيه بني فاتح
يعني تبان الارضيه والخصل
وكل ماابي اروح لكوافير صراحه اسعارهم نار
قلت انا دايم اسوي بالبيت صبغاتي وغالبا اخذ صبغة ويلا لون اشقر فاتح جدا ويطلع لونه حلو
لكن هالمره قلت ابي لون بني والخصل بيج
ياليت اللي تعرف ايش تتكون منها الخصل البيج يعني ايش نوعها صبغه أو ميش او ....؟
انا مااعرفها بس مره سويت خصل ثلجي عند وحده ولا رجعت بعد كذا
ياليت اي وحده عندها خبر ه ترشدني ايش الاشياء اللي احتاجها وانا اروح اشتريها واصبغ بنفسي
بدل الاسعار هذه اللي تدوخ ........
الله يوفق كل من ترد لي وترشدني وحتى اللي ترفع موضوعي
انا بانتظاركم

التعليقات (8)

ام سديم

01-09-2022 - 08:42 pm

اي والله انك صادقه اسعارهم مره نار وليت على كذا يصبغون شعرك زين
اما عن الصبغه ما عندي خلفيه ونصيحتي لك ابعدي عن الميش

امي الغاليه

01-09-2022 - 09:43 pm

الله يجزاك خير ام سديم
اللي رديتي علي وانا الميش قبل خرب شعري
بس قلت يمكن فيه بديل غيره بس يطلع اللون البيج ؟؟؟
انتظر البقيه لعلنا نستفيد ونفيد

باشا

01-09-2022 - 10:44 pm

حبيبتي اللي اعرفه ان الخصل البيج هي نفسها الصبغة بس يعملو سحب لون قبل علشان يمسك اللون و يصير فاتح..وعملية سحب اللون هي اللي تدمر الشعر..
زمان كان الميش له صبغه خاصة بس الحين طورو الهاي لايت و صار نفس الصبغة...و الله اعلم بالصوالين الباقية بس هذل كلام واحد لبناني متخصص..
وموفقة حبيبتي

امي الغاليه

01-09-2022 - 11:45 pm

جزاك الله خير باشا على المعلومات هذه
وبالفعل سحب اللون يدمر الشعر وانا ماابي اسويه
بس ودي بالبيج على البني
ياليت تفيدونا يابنات

ام القمر

02-09-2022 - 12:46 am

حبيبتي انا رايي انك تبعدين عن الخصل البيج لانه عشان يطلع نيستخدمون نفس صبغة االلي يستخدمونها للتشقير وهذي تعدم الشعر..لأن الصبغة العادية ما تطلع لك نفس اللون الفاتح...
انا انصحك تسوين خصل بنية مايلة للشقار او اشقر رمادي فاتح على ارضية بني متوسط وبيطلع شكلك مرة حلو...
وانا توني مسوية خصل على نفس لون شعري و اول ما غسلت الصبغة طلعت مرة فاتحة بس انا ابي بني فاتح ما ابي اشقر فسوت لي رنساج يعني صبغة وانتي شعرك رطب وهو يغمق اللون لحد ما توصل للدرجة اللي انتي تبينها , وطلع والحمدلله حلو بس طبعا شعري نشف بعدها بس بحمامات الزيت بدا يزين ولله الحمد...
ونصيحتي الاخيرة لا تحاولين تصبغينه في البيت خاصة الخصل عشان ما يخرب شعرك,,, واسفة على الاطالة بس حبيت افيدك يا قلبو....

%<<روح الروح>>%

02-09-2022 - 01:47 am

نصيحتي لك عيوني لاتصبغي بالبيت والله اعرف وحده من صحباتي تصبغ بالبيت والله شعرها تقطع روحي لأحد مختص احسن لك حتى لو الاسعار غاليه ازين منيحترق شعرك صح حبيبتي هذا رأيي

امي الغاليه

02-09-2022 - 02:48 am

مشكوره ام القمر وروح الروح
كلامك في محله بس المشكله
اسعارهم نار يعني بس صبغه عاديه 300 ريال
والله حرام خاصة انه اعرف اصبغها بس المشكله في الخصل
على العموم جزاكم الله خير على الردود والاهتمام

نبض لحب

02-09-2022 - 03:50 am

?????????????????????????????????????????????????? ??????????????????

بنات جده احسن كوفيره للقص والصبغه تجى البيت←
مين اللي جربت عشبة القرمز→