اللي عندها سير كهربائي تدخل ضروري

لا اله الا الله

وينكم ؟؟
لا اله الا الله

هلا حبيبتي
انا عندي سير وافضل وقت تمشين عليه الصباح لان الجسم يحرق دهون اسرع واكثر في الصباح
وش تشربين خلي مويتك جنبك عالسير كل ماعطشتي اشربي
انا اكل قبل مالعب عالسير بساعه واشرب عصير اناناس
وبعد ماخلص من السير
اشرب حليب خالي الدسم
وهو حلو للجسم ويشده وبالنسبه للسللوليت استخدمي كريمات مثل نيفيا خاص بالسلوليت في الصيدليه

انا عندي سير وأفضل وقت لي الصباح بشرب الماء الدافئ قبل المشي
وأدهن بطني بكريم الفلفل الحار أو الزنجبيل وألفه بالنيلون وفوقه المشد ماشاء الله بطني شد كثير والحمد لله
وممكن يستعمل الكريم لأي منطقة بالجسم
أقل مدة للمشي نصف ساعة مع تخفيف الأكل
بس ياعسوله لا تستخدمي الميزان لأنه راح يحطمك لاحظي الفرق بالملابس

أفضل وقت تمشي عليه وانتي جيعانه علشان يحرق من جسمك الدهوون مو يحرق الدهون الي اكلتيها قبل شوي مثلا
تقدري تشربي بعده مويه كثير عادي والمشي مفيد لكل العضلات الي بالجسم وخصوصا لو كان السير سريع شوي يعني الهروله او الركض افضل وافضل من المشي العادي
موفقه

ياناس ممنوع تاكلين وتطلعين على السير لان الأكل يبقى بالمعدة
والسبب ان الدم بدل ما يتحول للمعدة عشان يساعد في هضم الطعام واستفادة الجسم منه
يتحول للارجل عشان تساعدها في المشي سبحان الله
الشاهد ....
يعني من الافضل والاصح لمن ناكل نجلس مدة تتراوح مابين 20 الى 30 دقيقة
والمشي بعد الاكل بساعة ونص الى ثلاثة ساعات وثلاثة افضل
والشاي الاخضر مصيبة تشربينه بعد الاكل على طول او مع الاكل سواء هو او الاحمر
واذا اضطريتي تشربين الاحمر لابد من شربه مع عصرة ليمون
واذا بغيتي تشربينه بعد الاكل لازم يكون بساعه ونص والافضل 3 ساعات لانه رح يثبط عملية الهضم
ويبقى الاكل مدة اطول في المعدة ليتعفن ويتعفن
وينتج عنه ان يتحول الى بروتين ومن ثم يتحول الى دهون في الدم
وبعد ما تنزلين من السير تبقين نصف ساعه بدون ماء او سوائل او اكل
ومعك من 30 الى 40 دقيقة تمشينها والافضل تحمين قبل ما تطلعين على السير برياضة لا تقل عن ربع او 10 د
لان الباقي من المشي على السير رح يكون احراق للسعرات الحرارية
وان شاء الله اذا استمريتي رح يقضي على كل اماكن الدهون بجسمك
والاوقات المهمه للمشي الصباح ولا مانع من شرب ماء دافئ على الريق
والمساء هناك دراسة تبين ان المساء من اهم الاوقات للمشي
ولا مانع من اكل تفاحه ثم المشي لان المشي على معدة خاويه يسبب الدوار وا مضاعفات اخرى
والماء اثناء المشي على السير لاتشربينه الا في حالة العطش وقليل جدا
اللي كتبته نتاج معلوماتي الموثوقه والتجربه ويعلم الله عن مصداقيتي لاني ابي افيدك وافيد غيرك والله يكتب لي الاجر ولكم
اتنمى لكم الفائدة

جزاكم الله الف الف الف خير
الله يوفقكم ويسعدكم

سوسو حياتي .. الله يعافيك وشو كريم الفلفل الحار او الزنجبيل ممكن تخبرني عنه ؟؟
وجزاك الله كل خير
شجون اهات الصمت دواني ... جزاكم الله الف خير مشكورين ربي يسعدكم
بس بسال هل كريم نيفيا للسولسليت حلو والا لا
لاني احسه مايجيب نتيجه بصراحه انا مااستخدمته بس احس كذا
ومن اللي جربته
ادري اني طولت عليكم بس اعذورني ..