اللي عندها شغالة تدخل

بسم الله الرحمن الرحيم
وحشتوني ياأحلى فراشات والله إني أحبكم من كل قلبي لأني دائما أستفيد من خبراتكم وتجاربكم في الحياة
وأنا اليوم عندي مشكلة عويصة قربت أتجنن من كثر ماأفكر فيها وأرجو من كل فراشة تدخل تعطيني رأيها
واللي بتطنشني راح أزعل منها اتفقنا؟
حبيباتي أنا أدرس بالكلية وصار لي موقفة سنة بسبب الحمل والولادة ورعاية طفلتي الأمورة والحين صار لازم
أرجع للكلية عشان أكمل مشوار الدراسة وطبعا لازم أترك البنية عندأحد يرعاها حتى أرجع ومافيه حل إلا
الشغالة.....
طيب بتقولون عادي مافيها شي وين المشكلة؟؟
المشكلة إن زوجي الحبيب دوامه شفتات وفيها يومين يداوم بالليل ويطلع الصباح يعني وأنا رايحة الكلية يعني راح
يبقى هو والشغالة والبنت فقط وهذا الشي اللي مجنني ومو مخليني أعرف أفكر
عرضت عليه إني أودي الشغالة والبنت عند أهله وأنا رايحة وآخذهم وأنا راجعة بحكم إن بيت أهله قريب ورفض
الفكرة نهائيا وقلت له طيب إذا رجعت من العمل روح نام عند أهلك حتى أرجع وكمان رفض الفكرة وقال والله
ماباقي إلا هي تطرديني من بيتي وذكرته بالحديث اللي معناه عن الخلوة بامرأة أجنبية ومافيه فايدة
فأرجوكم اللي عندها حل مناسب لاتبخل علي والله إني بحاجة ماسة للمساعدة
مع العلم إنه ترى في أغلب الأيام في فترة الصباح يكون متواجد ولكم مني كل الشكر....