اللي عندهم دراجة منزلية اتفضلو ضروري

بنات اتخيلو امس رحت اشتريت الدراجة المنزلية ..(الثابتة) ومرة فرحانة.
ويافرحة ماتمت
جيت في الليل وانا كللي حماس ركبتها انا بنفسي وكل شي انا سويتو بنفسي ماخليت زوجي يحط يدو فشي منها <<<<<مرة فرحانة..
المهم لما جيت ابغى اتمرن عليها المتني فهاداك المكان.. استحي اقولو ..
المهم هيا الدراجة لها مقعدة فلما اجلس عليها توجعني ال...... نفس العضمتين ضاغطة على اللجسم والمقعدة تبع الدراجة ..ان شاء الله تكونو فهمتوني .. ابغى اعرف انتو كمان كدة ولا لاء؟ولو عندكم حل لاتبخلو عليا .. هادي مشكلة..
والمشكلة التانية انو انا اكتشفت انو عندي الربو بس خفيف الحمد لله وامس لما جيت اتمرن على الدراجة فيكم تتخيلو الكتمة اللي حصلتلي وكحة وشي موطبيعي المدة اللي اتمرنت فيها هيا تقريبا عشر دقايق او اقل ..
مرة مقهورة ليش يحصل معايا كدة ؟؟
كنت مرة متحمسة اني انزل الكم كيلو البسيطة اللي فجسمي وما بدي انزلها غير برياضة كللو علشان ما ابغى السيلوليت (تراكم دهون).يكون فجسمي ..
اللي عندها فكرة كيف ممكن اللي عندهم ر بو يتمرنو على الدراجة المنزلية اتمنى ماتبخل عليا ؟وكمان حل لمشكلة المقعدة..
الحمد لله على كل حال..يارب اشفيني واشفي كل مريض وابعد الاذى عن كل متعافي واديم الصحة
للجميع يارب..