اللي مرت بالانفصال تدخل

مراحب أنت قدري ..
الحمدلله يارب ماجربت الأنفصال ..
وليش تفكرين هالتفكير حبيبتي ..
<< تراني متابعه لمواضيعك قبل ..
خليك من هالسوالف هذه .. !!!

حبيبتي ادعي لي
ترا محتاجة لدعائكم

الله يسهل عليك دربك ..
ويسخر لك خطيبك ..

حبيبتي أنا كنت مملكة وفسخت بعد خمسة أشهر من العقد لأني لم استطيع التأقلم معه فقد كان الله يسامحه بخيل علي جدا جدا ولم استطيع الصبر فلجأت لله بالدعاء والاستغفار والاستخارة واستشرت اهلي واستشرت شيخ لأنه كان طيب معي بكلامه لكن الفلوس لا رغم اني والله ماطلبته المستحيل وكانت طلباتي بشهادة وحده أحسبها والله حسيبها حافظة للقرءان وكبيرة بالسن ولها خبرة بالحياة الزوجية كانت تقلي انتي طلباتك له أقل من العادية وبعدها استخرت كثير وكنت عايشة أيام معاه لاتطاق والحمد لله حصل الخلع والله انه تيسرت لي امور الخلع وعلى قولة أخوي يقولي هذه معجزة من عند الله وقلت في نفسي بفضل دعائي لله وكثرة استغفاري والحمد لله لزمت الاستغفار وقيام الليل والحمد لله الحين مخطوبة على رجل كل أهلي يمدحوا فيه .
ادعولي ربي يتمم لي على خير والله ياأختي انا حاسة فيكي وبالنار اللي في قلبك بس ثقي بالله والحي على الله بالدعاء ولاتيأسي ووالله ثم والله ماندم من استخار الله احمد الله فأنا بعد انفصالي لجئت لله اكثرت من النوافل وان كنت أقصر بعض الأحيان فنحن بشر عسى الله أن يعفوا عننا واظبت على قيام الليل بفضل الله وقراءة القرءان والصدقة بقد مااقدر ولو بريال .
سامحيني طولت عليكي بس حبيت أقلك وكلي أمرك لله اكثري من الطاعات ابتعدي عن سماع الأغاني واستمعي للمحاضرات وللقرءان تلاوة وسماع .
فرج الله همك ويسر لك أمرك.

الله يفرحج اان شاءالله ويعوضج خير ويتمم الزواج على خير وتعيشين حياة سعيده
ومبروك مقدما
وبالعكس مرورج اسعدني . . بس عندي استفسار الاستخارة يوم سويتيها انتي كنتي مقررة بداخل نفسج وطلعت لج مثل القرار ؟ وشنو كان احساسج
ماعرف اشرح .. بس اللي يستخير لازم يعمل فيها ؟
يعني لو كنت بستخير على امر معين وحا طة فبالي ابي شي وطلعت عكس اللي فبالي
شسوي ؟ لازم اسويها والا اتبع احساسي ؟ اذا ارتحت او لا

حبيبتي كنت استخير الله وأنا في داخلي مااقدر أعيش من دونه لأني كنت احبه وكنت أتمنى مانفترق بس هو كان طبعه ماينطاق الله يسامحه كان قلبه قاسي مايحن علي أبد.
بكيت وبكيت وبكيت وأنا ساجدة واستخرت كثير كثير سبحان الله أيام عشتها كلها حزن كلها بكى الله لايوريكي اللي عانيته ولا يوري مسلمة عمري مافكرت اني حملك وافسخ ولا كنت اصلا ابغى افسخ لكن أمر الله والحمد لله على كل حال .
حبيبتي أنا مستعدة لأي سؤال تبغيه أسأل الله أن يفرج همك.
بس الحمد لله الحين مرتاحة ومو ندمانة أبد لأني استخرت الله .

مشكورة حبيبتي للرد وبالتوفيق

انت قدري..
الله يعينك اختي ويحقق الي في بالك ^ ^
اسعد انسانه
ان شاءالله دووم هالسعاده
ومبرووك ياغلا والله يتمم عليك يارب..

أهلين حبيبتي انا كنت مملكه وطلبت الطلاق بعد سته اشهر ..وما طلقني إلا لما صار لنا سنه مملكين ...كانت ايام الملكه من اسوء الأيام بالنسبه لي بس الحمد لله تجاوزت هالمحنه بعد ما أستخرت ربي وشاورت أهلي وأرتحت للإنفصال لأنه صدرت منه أمور ما أحد يتحملها ربي يسرها صحيح تنكدت وصرت اسمع كلام الناس ما خلوني وظليت فتره وأنا بهم وحيره بس الحمد لله قدرت اتجاوزها بفضل الله