المارشمالو اللذيذ

لقيته وعجبتني طريقته وقلت انقله للفراشات الحلوين
اليوم جربت طريقة المارشمالوو اخذت طريقته من موقع اجبني
والنتيجه جدا رائعه
المقادير :
3 باكيت جيلاتين (الجيلاتين علبه فيها 6 اكياس وناخذ منها 3 اكياس )
نص كاس ماء
2 كاس سكر
ثلاث ارباع كورن سيروب ( ماكان عندي موجود فاستعملت البديل عنه وهو الشيره ) الشيره يجب ان يكون قوامها وسط وبدون نكهات مثل الهيل او الزعفران
ربع كاس ماء
رشة ملح وقانيلا
سكر بودر والقليل من النشا حتى مايكون المارشمالو كثير حالي( ضعي2 ملعقة نشا مع 1 ملعقة سكر بودر ) وممكن تضاعفي الكميه
الطريقه :
نجهز القالب وندهنه كويس بالزيت ... ونرشه بالسكر البودر
نذوب الجيلاتين في النص كوب ماء بالاول ...
وبعدها نضيف عليه السكر والكورن سيروب او الشيره وبعدها الربع كاس ماء ونخليه يغلي على النار (من بعد ظهور الفقاعات نتركه عشر دقايق على نار اقل من الوسط )
ونترك الخليط يبرد ... ثم نضعه بالخلاط لمدة عشر دقايق هنا راح نشوف تحول لونه للابيض الناصع والنافش انا استعملت اداة حرف k من خلاط كينود
نصب الخليط في القالب ونتركه حتى يبرد تماما
ثم نقلب الخليط على سطح مرشوش بالسكر البودر والنشا حتى ما يلصق
ثم يقطع ويقدم
انا للاسف لصق معاي بالقالب وماقدرت اقطعه بشكل متساوي لذلك كورته بالشكل هذا ..
وان شاء الله يضبط معاكم مثل ما ضبط معاي
هذى صورة الجيلاتين حق اللي ماتعرفه